Proverbionan 6:17 - Papiamentu Bible 2013

¹⁷ Kara orguyoso, lenga mentiroso, man ku ta mata hende inosente,

Beibel na Papiamentu Koriente 2013

¹⁷ Kara orguyoso, lenga mentiroso, man ku ta mata hende inosente,

Proverbionan 6:17 ပူးပေါင်းရင်းမြစ်များ

2 Reinan 21:16

Fuera di a pone Huda hasi loke ta malu den bista di SEÑOR, Manase a drama hopi sanger inosente na Herusalèm, asina hopi ku e siudat a yena ku sanger di punta pa punta.

2 Reinan 24:4

Manase no solamente a kometé mashá hopi piká, pero tambe el a mata asina tantu hende inosente ku Herusalèm tabata choria sanger. SEÑOR no ker a pordoná esei.

Salmo 10:4

E pekadó, arogante, no ta maha ku Dios; ‘Ai nò, no tin Dios,’ nada mas e no ta pensa.

Salmo 101:5

Es ku, skondí, ta papia malu di su próhimo, mi ta tapa su boka. Un bista arogante, idea, esei mi n' por wanta.

Salmo 131:1

SEÑOR, mi kurason no ta sobèrbè ni mi bista no ta arogante; mi n' ta kore tras di kosnan muchu grandi ni mi no ta gara muchu altu.

Salmo 18:27

Bèrdat, Bo ta salba e pueblo flihí, ma ta pone orguyosonan baha nan bista.

Salmo 31:18

Laga boka mentiroso keda ketu, e ta papia insolensia ku un bon hende, yen di pretenshon i bofon.

Salmo 5:6

Esnan ku ta saka mentira, Bo ta kaba ku nan. SEÑOR tin asko di hende violento i di tur gañadó.

Salmo 5:7

Ma pa bo gran bondat ami sí por drenta bo kas; mi por baha kabes pa bo tèmpel i adorá Bo ku rèspèt.

Proverbionan 1:11

Si nan bisa: ‘Ban ku nos. Ban mata un hende. Ban ataká un inosente djis pa prèt.

Proverbionan 1:16

Pasobra ta gusta nan ta gusta maldat, nan ta kla pa mata hende.

Proverbionan 12:22

Hende ku ta gaña ta repugná SEÑOR, ma hende konfiabel ta agrad'É.

Proverbionan 14:5

Testigu hustu ta odia mentira, pero testigu falsu ta daña nòmber di hende.

Proverbionan 16:5

SEÑOR ta repudiá hende orguyoso, tardi òf trempan e hende ei ta haña su kastigu.

Proverbionan 17:7

Papia nèchi n' ta pas serka hende ku n' ta sirbi pa nada, ménos ainda mentira ta pas serka hende di karakter noble.

Proverbionan 21:4

Mirada di menospresio i kurason orguyoso — un aktitut asina — ta piká.

Proverbionan 26:28

Es ku papia malu di hende, ta odia su víktimanan, pero un hasidó di trastu tambe ta buska pa kaba ku hende.

Proverbionan 28:17

Es ku tin un morto riba su konsenshi, ta keda hui te dia e muri; no laga niun hende kere ku nan por kita efekto di Dios su kastigu.

Proverbionan 30:13

Tin ku ta sinti nan mashá i ku ta wak otro hende ku menospresio.

Proverbionan 6:16

E seis kosnan akí SEÑOR ta odia, sí, E ta repudiá e shete kosnan akí.

Isaías 1:15

Ora boso hisa man pa resa, Mi no ta aktu boso. Ni maske kuantu orashon boso hasi, Mi no ta skucha boso, pasobra boso man ta tur na sanger!

Isaías 2:11

Orguyosonan lo mester baha nan bista, arogantenan lo ta humiliá. E dia ei SEÑOR so lo ta alsá.

Isaías 3:16

SEÑOR ta kontinuá: ‘Muhénan di Sion ta orguyoso i ta kana prònk, kachete na laria; nan ta bira wowo, ta kana chikíchikí i laga renchi na nan pia zona.

Isaías 3:9

E partidario ku nan ta, ta reda nan, nan ta kana konta nan pikánan tur kaminda manera e hendenan di Sódoma, nan no ta tapa nan. Ai di nan, pasobra nan a kumpra kastigu pa nan kurpa!

Yeremías 26:15

Pero komprondé un kos bon sí: si boso mata mi, boso ta drama sanger di un hòmber inosente; e ora ei boso, huntu ku henter e siudat i su habitantenan, lo paga p'esei. Pasobra ta di bèrdè mes ta SEÑOR a manda mi serka boso pa mi duna boso e atvertensia akí.’

Huan 8:44

Diabel ta boso tata i boso ke pone e deseonan di boso tata den práktika. E ta un matadó for di kuminsamentu, i nunka e no a aten'é na bèrdat, pasobra e no tin bèrdat den dje. Ora ku e gaña, e ta gaña di naturalesa, pasobra e ta un gañadó i tata di mentira.

Deuteronomio 19:10

Asina boso ta evitá ku den e pais ku SEÑOR, boso Dios, ta bai duna boso pa keda kuné, sanger inosente ta kore. Sino boso ta keda responsabel pa nan morto.

Deuteronomio 27:25

Maldishoná ta esun ku tuma regalo bou di mesa pa mata un hende inosente. I henter pueblo mester bisa: Amèn!

1 Pedro 5:5

Boso ku ta hóben mester someté boso na e ansianonan di iglesia; ademas boso tur mester trata otro ku humildat, pasobra Skritura ta bisa: ‘Dios ta resistí esnan ku ta orguyoso, pero ta mustra grasia na esnan ku ta humilde.’

Revelashon 22:15

Hende perverso, hasidó di bruha, parandero, asesino, sirbidó di dios falsu, tur hende ku gusta gaña i praktiká engaño, ta keda afó.