Proverbionan 5:22 - Papiamentu Bible 2013

²² Esun ku no tin Dios ta kai den trampa di su mes maldatnan, keda pegá den laso di su mes piká.

Beibel na Papiamentu Koriente 2013

²² Esun ku no tin Dios ta kai den trampa di su mes maldatnan, keda pegá den laso di su mes piká.

Proverbionan 5:22 ပူးပေါင်းရင်းမြစ်များ

1 Reinan 18:18

Ma Elías a bisa: ‘No t'ami a trese mala suerte riba Israel, ma abo i e famia real di bo tata. Boso a neglishá mandamentunan di SEÑOR i pa kolmo bo a sigui Baalnan.

Job 18:8

Su mes pia ta hib'é bai dònder abou den buraku, e no ta pisa suela firme.

Salmo 40:12

Tantu desgrasia a agobiá mi ku mi n' por konta nan mas; mi pikánan ta blo persiguí mi, mi n' por mira nada otro; nan ta mas hopi ku kabei di mi kabes, mi kurason a kai.

Salmo 9:15

Paganonan a hoga den e pos ku nan a koba, nan pia a pega den trampa ku nan mes a pone.

Salmo 9:17

Mare hende sin Dios por bai reino di morto, tur e nashonnan ku no ke kòrda riba Dios.

Proverbionan 1:18

asina nan pashon ta laga nan kai den e trampa ku nan mes a pone. Nan a sali pa drama sanger di otro hende, pero ta nan mes sanger ta kore.

Proverbionan 11:3

Rektitut ta guia hende rekto, pero falsedat ta destrukshon di hende falsu.

Proverbionan 11:5

Si bo biba na un manera hustu bo ta hasi bo kaminda règt, si bo hasi maldat, bo mes maldat ta pone bo kai.

Proverbionan 11:6

Hustisia ta libra hende rekto, pero hende falsu ku traha chake pa otro hende, e mes ta kai aden.

Proverbionan 12:14

Hende ta rekohé fruta di loke nan bisa i risibí pago pa loke nan hasi.

Proverbionan 14:32

Mal hende ta keda ruiná pa su mes maldat, hende hustu ta sintié trankil, asta ora morto yega.

Proverbionan 18:7

Palabra di hende bobo ta bira nan pèrdishon, nan palabranan mes ta horka nan.

Proverbionan 24:12

No bisa despues: ‘Nos n' tabata sa.’ Pasobra Dios ta penetrá te den kurason di hende. E ta tene bo na bista i sa si ta bèrdat bo ta papia. E ta rekompensá òf kastigá bo a base di loke bo hasi.

Proverbionan 26:27

Es ku koba un pos pa otro, e mes ta kai aden. Es ku skupi na laria, den su kara e ta kai.

Predikador 7:26

Mi a topa un kos ku ta mas malu ku morto: un muhé ku ta pone trampa ku su kurason i ta gara tene ku su brasanan. Es ku ta agradá Dios ta skapa di e muhé ei, pero un pekadó ta kai den su trampa.

Yeremías 2:19

Bo propio krímen ta bira bo desgrasia, bo infieldat na Mi, bo kondenashon. Lo bo realisá, kon malu, kon marga ta ora bo bira lomba pa SEÑOR, bo Dios, i pèrdè rèspèt pa Mi.’ Asina SEÑOR, Dios Soberano ta bisa.

Lamentashonnan 1:14

Señor a pone un yugo riba mi skouder, e yugo di mi pikánan, mará huntu ku su propio mannan; mi a sukumbí bou dje peso. Señor a entregá mi den man di enemigunan, ku mi no por a resistí.

Abdías 1:15

E dia ku Ami, SEÑOR, ta bai kastigá tur pueblo ta serka. E ora ei, Edom, nan lo hasi ku bo, loke abo a hasi ku otro. Bo a skupi na laria, awor e ta kai den bo mes kara.’

Numbernan 32:23

Si boso no hasié, boso ta peka kontra SEÑOR; i sa, ku e kastigu di boso piká lo haña boso.

Hebreonan 13:4

Tur hende respetá matrimonio, i esposo i esposa keda fiel na otro. Pasobra Dios lo husga esnan ku ta praktiká inmoralidat seksual i ta kometé adulterio.

Huesnan 20:41

Ora e israelitanan a bira bèk, tribu di Benhamin a drenta pániko, pasobra nan a mira nan desgrasia kla kla nan dilanti.

Huesnan 9:57

Tambe Dios a laga e habitantenan di Shikem paga pa tur e kosnan malu ku nan a hasi. Asin'ei e maldishon di Yotam, yu di Yerubaal, a kai riba nan.