Proverbionan 20:7 - Papiamentu Bible 2013

⁷ Hende hustu ta komportá ireprochabel: felis e yunan ku e laga atras.

Beibel na Papiamentu Koriente 2013

⁷ Hende hustu ta komportá ireprochabel: felis e yunan ku e laga atras.

Proverbionan 20:7 ပူးပေါင်းရင်းမြစ်များ

Génesis 17:7

Esaki ta e aliansa ku pa semper Mi ta sera ku bo i ku tur bo desendientenan benidero. Lo Mi ta bo Dios i Dios di bo desendientenan.

Job 1:1

Den teritorio di Us, banda di Israel, tabata biba un hòmber honesto i di kondukta ireprochabel. E tabatin rèspèt di Dios i tabata evitá di hasi maldat. Su nòmber tabata Job.

Salmo 112:2

Su yunan lo ta hende poderoso den pais, generashon di piadosonan lo ta bendishoná.

Salmo 15:2

Esun ku ta hiba un bida drechi, ku ta praktiká hustisia i ku semper sa papia bèrdat;

Salmo 26:1

Duna mi hustisia, SEÑOR, mi a hiba un bida inosente; mi a pone mi konfiansa den SEÑOR, sin basilá ningun momento.

Salmo 26:11

Ami ke hiba un bida inosente, salba mi, mustra mi kompashon!

Salmo 37:26

tur ora e tin pena di otronan, ta para kla pa fia hende plaka: su desendensia lo haña bendishon.

Proverbionan 13:22

Te asta ñetunan di un bon hende lo heredá di dje, rikesa di mal hende ta keda akumulá pa al fin i al kabo kai den man di hende hustu.

Proverbionan 14:2

Es ku biba segun Dios su palabra tin rèspèt di Dios, es ku no hasi loke Dios bisa ta despresi'É.

Proverbionan 14:26

Es ku tin rèspèt di SEÑOR por tin konfiansa fuerte, e sa ku su yunan ta seif.

Proverbionan 19:1

Mihó hende pober ku ningun hende no por mustra dede riba dje, ku hende bobo ku ta trose bèrdat.

Isaías 33:15

Solamente esun ku un bida honesto i ku bèrdat semper na boka, esun ku rechasá ganashi ranká i nenga plaka ku ta susha man, esun ku ta tapa orea pa plannan asesino i ta kita bista fo'i maldat.

Yeremías 32:39

Mi ta laga nan sigui ún solo meta den nan bida i pensamentu: respetá Mi tur ora, pa por bai nan bon i tambe nan yunan despues.

Lukas 1:6

Nan tur dos tabata hende hustu den bista di Dios i nan tabata biba den un forma ireprochabel, di akuerdo ku tur Dios su leinan i su mandamentunan.

Echonan 2:39

E promesa akí ta pa boso, pa boso yunan, i tambe pa tur esnan ku ta leu, esta tur e hendenan ku Señor nos Dios lo yama.’

2 Korintionan 1:12

Ún kos ta hasi nos orguyoso: e echo ku nos konsenshi ta sigurá nos ku nos komportashon, en general i spesialmente ku boso, tabata dominá pa e simplesa i sinseridat ku Dios ta duna. No ta sabiduria di hende a guia nos, sino grasia di Dios.