Proverbionan 16:19 - Papiamentu Bible 2013

¹⁹ Preferibel biba humilde ku pobernan, ku parti botin ku hende orguyoso.

Beibel na Papiamentu Koriente 2013

¹⁹ Preferibel biba humilde ku pobernan, ku parti botin ku hende orguyoso.

Proverbionan 16:19 ပူးပေါင်းရင်းမြစ်များ

Salmo 138:6

Sí, maske SEÑOR ta elevá, E ta mira un hende humilde i djaleu ta vigilá un orguyoso.

Salmo 34:18

SEÑOR ta serka esnan ku ta kibrá, E ta salba hende abatí.

Éksodo 15:9

E enemigu a bisa: Mi ta persiguí nan, alkansá nan, parti e botin, kohe loke mi ke. Mi ta saka mi spada kaba ku nan.

Proverbionan 1:13

Nos lo haña tur sorto di rikesa; nos kasnan lo ta yen di kos presioso.

Proverbionan 1:14

Djòin nos, samsam ta parti e botin.’

Proverbionan 25:7

Ta mihó rei bisa bo: ‘Subi bini akí’, ku e humiliá bo den presensia di e dignatario ku bo a mira einan.

Proverbionan 29:23

Hende orguyoso ta kai, hende humilde ta haña honor.

Proverbionan 3:34

E ta hasi chèrchè di chèrchadónan orguyoso, pero humildenan E ta duna su grasia.

Isaías 53:12

P'esei Mi ta dun'é un lugá meimei dje grandinan i l'e triunfá huntu ku poderosonan, pasobra el a entregá su bida te na morto i laga nan tum'é pa malbado, ora en realidat el a tuma piká di hopi hende riba su lomba i a boga pa pekadónan.’

Isaías 57:15

Wèl, ata loke Dios altu i elevá ta bisa, e Dios ku tin nòmber santu i ta biba pa semper: ‘Mi ta biba den shelu, den santidat inalkansabel, pero tambe huntu ku esnan abatí i di kurason humilde. Mi ta duna nan speransa i kurashi di nobo!

Isaías 9:3

Señor, Bo ta laga nan rebosá di alegria, Bo ta duna nan un goso enorme. Nan ta kontentu den bo presensia manera sa gosa den tempu di kosecha òf ora di parti rikesa kapturá.

Mateo 5:3

‘Felis esnan humilde di kurason; reino di shelu ta pa nan.

Huesnan 5:30

“Kasi sigur ta e botin nan ta parti: un galeinske òf kisas dos, pa kada sòldá. Sísera ta haña tela di paña karu. Un tela di paña bòrdá, kisas dos, di diferente koló, pa mara na garganta di e vensedó.”