Proverbionan 14:23 - Papiamentu Bible 2013

²³ For di tur esfuerso hende ta saka probecho, di djis papia pa numa solamente mizeria.

Beibel na Papiamentu Koriente 2013

²³ For di tur esfuerso hende ta saka probecho, di djis papia pa numa solamente mizeria.

Proverbionan 14:23 ပူးပေါင်းရင်းမြစ်များ

Job 28:10

E ta koba tùnel den baranka i ta listra kada pida piedra, wak, si e ta haña algu balioso.

Proverbionan 10:10

Es ku hasi seña tras di lomba di hende, ta kousa fèrdrit, hende bobo ku ta papia pa loko, ta kaba ku su mes.

Proverbionan 12:24

Hende trahadó ta dominá, hende floho ta otro hende ta dominá nan.

Proverbionan 14:22

Hende ku plania maldat, n' ta dualu nan lo dualu? Hende ku plania bondat, ta kosechá amor i fieldat.

Proverbionan 14:24

Korona di hende sabí ta nan rikesa, pero korona di hende bobo ta nan bobedat.

Proverbionan 28:19

Es ku plug su tera lo tin pan na abundansia, es ku biba di ilushon lo bira pober.

Predikador 3:9

Kiko hende ta gana ku matament'i kurpa?

Predikador 5:3

Pasobra si bo bisa di mas, bo ta papia ko'i loko, manera hende ta haña pesadia ora nan kansa kurpa di mas.

Huan 6:27

No traha pa kuminda ku ta kaba na nada, ma pa kuminda ku ta keda i ta duna bida eterno. Esei ta loke Yu di hende ta duna boso; pasobra ta riba djE, Tata, Dios mes, a pone su seyo.’

1 Timoteo 5:13

Ademas nan ta tuma pa kustumber di pasa kas pa kas i hasi kos di floho; anto esei no ta tur kos, no solamente nan ta bira floho, pero tambe hasidó di redu ku ta mete den loke no ta toka nan i ta papia loke nan no mester papia!