Proverbionan 14:19 - Papiamentu Bible 2013

¹⁹ Mal hende lo baha kabes den presensia di bon hende, hende perverso na porta di bon hende.

Beibel na Papiamentu Koriente 2013

¹⁹ Mal hende lo baha kabes den presensia di bon hende, hende perverso na porta di bon hende.

Proverbionan 14:19 ပူးပေါင်းရင်းမြစ်များ

Génesis 42:6

Komo ta Jozef tabata guia Egipto, e mes tabata bende trigo ku e hendenan di tur parti di e pais. Ora e rumannan di Jozef a yega Egipto, nan a bùig te na suela p'e.

Génesis 43:28

Nan a bisa: ‘Nos tata, bo sirbidó, ta bon. E ta na bida ainda.’ I nan a bolbe bùig te na suela.

2 Reinan 3:12

‘E ta papia den nòmber di SEÑOR,’ Yoshafat a bisa. E ora ei Yoram, rei di Israel, Yoshafat i rei di Edom a bai serka Eliseo.

Salmo 49:14

Manera un tou di karné nan ta hundi den abismo — Lamuèrtè ta shi nan komo wardadó — nan ta kana derechitu bai nan graf; nan aparensia pokopoko ta blikia i reino di morto lo sirbi nan pa kas.

Éksodo 11:8

Moises a sigui bisa fárao: ‘Tur bo funshonarionan lo bini serka mi i na rudia nan lo roga mi pa mi i e pueblo ku ta sigui mi bai. E ora ei lo mi bai.’ Bon rabiá el a sali bai laga fárao.

Éksodo 8:8

Fárao a yama Moises i Aaron i a bisa nan: ‘Resa na SEÑOR pa E libra mi i mi pueblo di e sapunan. E ora ei mi ta laga e pueblo bai pa nan ofresé sakrifisio na SEÑOR.’

Proverbionan 11:29

Es ku deskuidá su famia ta keda sin nada, un bobo semper lo ta katibu di un sabí.

Proverbionan 14:18

Hende ku biba sin usa su sintí ta keda bobo, hende ku usa su sintí ta haña komprondementu.

Isaías 60:14

Yunan di bo opresornan, yunan di esnan ku ta despresiá bo, ta bini serka bo, kabes abou i ta tira nan kurpa abou bo dilanti. Nan lo yama bo: Sion, siudat di SEÑOR, siudat di Dios Santu di Israel.

Malakías 4:3

Boso lo trapa e hendenan malbado, nan lo ta manera stòf bou di boso pia dia Mi intervení,’ SEÑOR di universo ta bisa.

Echonan 16:39

E ora ei nan a bai serka Pablo i a pidi despensa; despues nan a hiba nan for di prizòn i a pidi nan sali for di siudat.

Revelashon 3:9

Tende, lo Mi sòru pa e siguidónan di Satanas, e gañadónan ei ku ta yama nan mes hudiu, pero no ta, sí, lo Mi sòru pa nan bin tira nan kurpa na boso pia i rekonosé ku Ami a stima boso.

1 Samuel 2:36

E ora ei tur esnan den bo famia ku a keda na bida lo bin hinka rudia su dilanti ku speransa di gana poko plaka òf haña un pida pan, i nan lo rog'é pa e duna nan kualke trabou saserdotal, pa asina nan por tin un pida pan pa nan kome.” ’