Proverbionan 10:19 - Papiamentu Bible 2013

¹⁹ Hende ku ta papia pa loko, fásilmente ta papia su boka forbei, hende ku ta poko di papia ta inteligente.

Beibel na Papiamentu Koriente 2013

¹⁹ Hende ku ta papia pa loko, fásilmente ta papia su boka forbei, hende ku ta poko di papia ta inteligente.

Proverbionan 10:19 ပူးပေါင်းရင်းမြစ်များ

Job 11:2

‘Mester kontestá un hende ku un boka asina grandi, sino e ta kapas di kere, ku e tin rason.

Salmo 39:1

Mi di: Laga mi warda mi kurpa pa mi no hasi piká ku mi lenga; mi ke bisti mi boka un bosal, tanten ku tin malbado mi dilanti.

Proverbionan 11:12

Hende ku no ta usa su sintí ta papia di otro hende ku menospresio, hende ku sintí ta keda ketu.

Proverbionan 11:13

Hasidó di redu no sa warda sekreto, hende konfiabel sí.

Proverbionan 12:23

Hende sabí no ta kana broma ku nan sabiduria, pero hende bobo gusta kana show ku nan bobedat.

Proverbionan 18:21

Palabra tin poder riba bida i morto; hende ku gusta papia, mester karga e konsekuensianan.

Predikador 5:1

Sa bon kiko bo ta bai hasi, ora bo ta bai tèmpel: no bai ofresé sakrifisio manera e hende lokonan, ku no sa ku nan ta hasi malu, pero bai dispuesto na obedesé Dios.

Predikador 5:2

No pura hasi promesa na Dios, ni ku boka ni ku pensamentu, pasobra Dios ta den shelu i abo ta riba mundu bo ta. P'esei papia ménos posibel.

Predikador 5:3

Pasobra si bo bisa di mas, bo ta papia ko'i loko, manera hende ta haña pesadia ora nan kansa kurpa di mas.

Hakobo 1:19

Mi rumannan stimá, tene kuenta ku loke mi a bisa i sea ansioso pa skucha, pero lento na papia i na rabia!

Hakobo 3:2

Nos tur ta kometé tur sorto di fayo. E hende ku no ta faya den loke e ta bisa ta un hende madurá, kapas di dominá henter su kurpa.