Proverbionan 1:31 - Papiamentu Bible 2013

³¹ P'esei boso lo kosechá loke boso a sembra, e skupi ku boso a skupi na shelu, ta kai den boso mes kara.

Beibel na Papiamentu Koriente 2013

³¹ P'esei boso lo kosechá loke boso a sembra, e skupi ku boso a skupi na shelu, ta kai den boso mes kara.

Proverbionan 1:31 ပူးပေါင်းရင်းမြစ်များ

Job 4:8

Segun mi eksperensia: Esun ku planta krímen i maldat ta kosechá loke nan a planta.

Salmo 81:13

Ai, mare mi pueblo a skucha Mi i Israel por a sigui mi kamindanan!

Proverbionan 12:14

Hende ta rekohé fruta di loke nan bisa i risibí pago pa loke nan hasi.

Proverbionan 13:2

Hende tin probecho di e bon ku e bisa, alimento di esnan ku no ta fiel na Dios ta violensia.

Proverbionan 14:14

Hende perverso ta kosechá fruta di su mes echonan, pero bon hende tambe.

Proverbionan 22:8

Es ku sembra inhustisia ta kosechá desaster, e sèpter ku e tabata bati asina furioso kuné ta kibra.

Proverbionan 5:22

Esun ku no tin Dios ta kai den trampa di su mes maldatnan, keda pegá den laso di su mes piká.

Proverbionan 5:23

Lo e muri pasobra e no ta gusta korekshon, su bobedat ta pon'é kai den pèrdishon.

Proverbionan 8:36

Pero esun ku no haña mi ta hasi su mes daño, tur esnan ku ta odia mi ta enamorá di morto.’

Isaías 66:4

Ta p'esei mes Mi ta bai kastigá nan na mi mes manera tambe: e kos ku semper nan tabata teme ta bai pasa ku nan! Pasobra ora M'a yama, nan no a rospondé, ora M'a papia, nan no a skucha. Nan a aktua kontra mi boluntat, nan a skohe loke Ami a rechasá.’

Yeremías 14:16

I meskos lo pasa tambe ku e pueblo ku boso ta anunsiá tur e kosnan akí n'e. Kayanan di Herusalèm lo ta pimpá ku kadaver di hòmber, muhé i mucha, ku a muri den guera òf di hamber. No tin hende pa dera nan. Di e manera akí Mi ta laga nan paga pa nan mal echonan.”

Yeremías 2:19

Bo propio krímen ta bira bo desgrasia, bo infieldat na Mi, bo kondenashon. Lo bo realisá, kon malu, kon marga ta ora bo bira lomba pa SEÑOR, bo Dios, i pèrdè rèspèt pa Mi.’ Asina SEÑOR, Dios Soberano ta bisa.

Yeremías 21:14

Pero Ami mes ta bin kastigá boso pa loke boso a hasi. Esei Mi ta bisa boso. Mi ta sende boso palasio na kandela, kandela ku lo kima tur kos rondó di dje.’

Yeremías 6:19

Henter mundu mester tende: Mi ta bai trese desaster riba e pueblo akí; ta konsekuensia di nan mes mal intenshonnan. Nan no a paga tinu na loke M'a bisa nan, nan a rechasá asta e lei ku M'a duna nan.

Ezekiel 22:31

P'esei Mi ta baha tur mi rabia riba nan i kima nan kaba ku nan den e kandela di mi ira; Mi ta laga nan echonan kai riba nan mes kabes.’ Esaki ta loke SEÑOR, mi Dios, ta bisa.