Predikador 9:9 - Papiamentu Bible 2013

⁹ Gosa di bida ku bo kasá ku bo ta stima, tur e dianan di e bida sin sentido ku Dios a duna bo aki na mundu — tur bo dianan sin sentido. Pasobra ta esaki ta bo destino den bida i den bo bida di matament'i kurpa aki na mundu.

Beibel na Papiamentu Koriente 2013

⁹ Gosa di bida ku bo kasá ku bo ta stima, tur e dianan di e bida sin sentido ku Dios a duna bo aki na mundu — tur bo dianan sin sentido. Pasobra ta esaki ta bo destino den bida i den bo bida di matament'i kurpa aki na mundu.

Predikador 9:9 ပူးပေါင်းရင်းမြစ်များ

Génesis 26:8

Isak tabatin basta tempu bibá aya. Un dia Abimelèk, rei di e filisteonan, a para wak dor di bentana i pa su sorpresa el a mira kon Isak tabata karisiá su kasá Rebeka.

Salmo 144:4

Hende ta parse un rosea, su dianan, un sombra ku ta pasa.

Salmo 39:5

Esta kòrtiku Bo a hasi mi dianan, mi bida no ta nada den bo bista, hende bibu no ta mas ku un rosea;

Proverbionan 18:22

Es ku a haña un esposa, a kai den bon: el a risibí muestra di Dios su bondat.

Proverbionan 19:14

Hende por heredá kas i kapital di su mayornan, pero un esposa huisioso ta un regalo di SEÑOR.

Predikador 2:10

Tur loke mi wowo tabatin gana di mira, m'a laga nan mira. Mi n' keda sin gosa. Por sierto mi a sinti mi kontentu ku tur mi esfuersonan i esaki tabata mi rekompensa pa tur mi trabou.

Predikador 2:24

Úniko kos ku ta keda ta kome, bebe i gosa di loke bo a mata kurpa p'e. I mi a komprondé ku asta esei ta den man di Dios.

Predikador 3:13

pasobra ku nos ta kome i bebe i ta kontemplá e benefisionan di nos trabou, ta pasobra Dios a pèrmití nos.

Predikador 3:22

Asina mi a mira ku no tin nada mihó pa hende ku gosa di su trabou, pasobra ta esei ta su destino. Pasobra ken por bis'é kiko ta sosodé ora e no t'ei mas?

Predikador 5:18

Mi a deskubrí ku e mihó kos i kos mas agradabel ta: kome i bebe i gosa di e fruta di tantu mata kurpa riba e mundu akí durante e tempu kòrtiku ku Dios ta duna nos, pasobra esei ta loke ta toka nos.

Predikador 6:12

Pasobra ningun hende no sa kiko ta bon pa hende den e bida pasahero i kòrtiku akí; e ta pasa bai manera sombra. I ningun hende lo no por konta otro kiko lo pasa riba e mundu akí despues di su morto.

Predikador 7:15

Den mi eksistensia pasahero mi a mira tur dos sorto di hende: hende hustu ku ta muri apesar di nan bondat i mal hende ku ta biba hopi aña apesar di nan maldat.

Malakías 2:15

Ningun hende ku djis un tiki sano huisio no ta hasi algu asina. Kiko e ta hasi e ora ei sí? E ta sòru pa e haña yu ku ta honra Dios. No pèrdè bo sano huisio i no sea infiel na e muhé ku bo a kasa kuné tempu bo tabata yòn.