Predikador 7:14 - Papiamentu Bible 2013

¹⁴ Sea felis, ora ta bai bo bon; pero ora ta bai bo malu, tuma na konsiderashon ku Dios a traha tantu esun komo e otro. Ta p'esei hende no por deskubrí nada tokante nan futuro.

Beibel na Papiamentu Koriente 2013

¹⁴ Sea felis, ora ta bai bo bon; pero ora ta bai bo malu, tuma na konsiderashon ku Dios a traha tantu esun komo e otro. Ta p'esei hende no por deskubrí nada tokante nan futuro.

Predikador 7:14 ပူးပေါင်းရင်းမြစ်များ

1 Reinan 8:47

Den e pais kaminda hiba nan, kisas nan lo reflekshoná, bolbe serka Bo, dirigí nan súplika na Bo; kisas nan lo bisa: “Nos a peka, nos a hasi malu, nos ta kulpabel”, i nan lo bolbe serka Bo di henter nan kurason i di henter nan alma; nan lo resa na Bo den direkshon di e pais ku Bo a duna nan antepasadonan, den direkshon di e siudat ku Bo a skohe i den direkshon di e tèmpel ku mi a traha na bo honor.

Job 2:10

Pero Job a rospondé: ‘Bo ta papia manera hende muhé sin sintí. Kos bon sí nos ke aseptá di Dios; di kon no aseptá kos malu tambe?’ Te na e momento ei Job no a pronunsiá niun palabra di piká.

Salmo 119:71

Esta bon ku m'a topa sufrimentu, esei a siña mi bo mandatonan.

Salmo 40:3

El a pone un kanto nobo na mi boka, un himno pa nos Dios. Ku hopi hende por mir'é ku rèspèt i konfia den SEÑOR!

Predikador 10:14

I e loko ta papia papia numa; niun hende no sa kiko lo sosodé den futuro; ta ken por kont'é kiko lo pasa despues ku e muri?

Predikador 11:9

Gosa di bo hubentut, gosa tanten bo ta hóben ainda. Hasi loke bo ta gusta, loke bo tin gana di hasi, pero kòrda sí ku bo mester duna kuenta na Dios.

Predikador 12:13

Bo a tende tur kos i esaki ta e konklushon: tene rèspèt di Dios i kumpli ku su mandamentunan, ta esei ta importante.

Predikador 12:8

‘Sin sentido! Sin sentido!’ Predikador ta bisa. ‘Tur kos ta sin sentido!’

Predikador 3:22

Asina mi a mira ku no tin nada mihó pa hende ku gosa di su trabou, pasobra ta esei ta su destino. Pasobra ken por bis'é kiko ta sosodé ora e no t'ei mas?

Predikador 3:4

ora pa yora i ora pa hari, ora pa tene luto i ora pa balia,

Predikador 5:17

Su bida aki na mundu tabata mizerabel, e tabata kome den sukú i tabata yen di frustrashon, tormento i rabia.

Predikador 8:7

Hende no sa loke futuro ta enserá. Ken lo por kont'é e kos ei?

Predikador 9:7

Bai, kome bo pan ku satisfakshon i bebe bo biña, kurason kontentu, pasobra si un hende por hasi esaki, e tin Dios su bendishon mashá ten.

Isaías 26:11

O SEÑOR, bo man ta na laria ta menasá, pero nan no ta mir'é. Laga nan deskubrí pa nan bèrgwensa bo ardiente amor pa bo pueblo. Laga kandela, destiná pa bo enemigunan, devorá nan.

Isaías 42:25

P'esei El a basha su rabia ardiente riba nan i tira nan den violensia di guera. Su rabia tabata manera kandela feros rondó di nan, pero nan no a komprondé, e kandela ya tabata tosta nan, pero ainda nan no ta paga tinu.

Yeremías 23:20

E no ta stòp di ras ku no ta te ora e realisá i kumpli ku tur loke SEÑOR a proponé. E ora ei numa nan lo komprondé pakiko.

Lamentashonnan 3:38

Si algu pasa nos, bon o malu, no ta pasobra Dios Altísimo a orden'é?

Mikéas 6:9

Skucha! SEÑOR ta yamando e siudat. Rèspèt pa su palabranan ta muestra di sabiduria. Skucha, pueblo i konseheronan di siudat!

Mateo 9:13

Bai siña kiko e palabranan akí di Skritura ta nifiká: “Mizerikòrdia mi ke i no sakrifisio”; Mi no a bini pa yama hende hustu, ma pa yama pekadó.’

Echonan 14:22

Nan a fortalesé e disipelnan, kurashá nan pa keda fiel den fe. Tambe nan a bisa: ‘Nos mester pasa hopi tribulashon pa drenta reino di Dios.’

Deuteronomio 26:11

Usa e produktonan ku SEÑOR, boso Dios, a duna boso i boso famia pa un komementu. Kombidá e ora ei e levitanan i strañeronan ku ta biba serka boso tambe.

Deuteronomio 28:47

Si boso no sirbi SEÑOR, boso Dios, ku alegria i di kurason ora boso ta biba den abundansia,

Deuteronomio 8:3

Sí, El a hasi boso humilde dor di laga boso sufri hamber i duna boso mana pa kome, kuminda ku ni boso ni boso antepasadonan no tabata konosé. Ku esei E ker a mustra boso bon kla: hende no ta keda na bida dor di kome pan so; ma dor di kada palabra ku Dios papia.

Deuteronomio 8:5

Komprondé esaki bon bon: SEÑOR, boso Dios, a papia ku boso manera un tata ta papia ku su yu.

Hakobo 5:13

Tin hende serka boso ta sufri? Lag'é resa! Tin hende ta kontentu? Lag'é kanta alabá Dios!