Predikador 3:20 - Papiamentu Bible 2013

²⁰ Ta dera nan tur dos den e tera for di kua a traha nan i finalmente tur dos ta kaba bira tera atrobe.

Beibel na Papiamentu Koriente 2013

²⁰ Ta dera nan tur dos den e tera for di kua a traha nan i finalmente tur dos ta kaba bira tera atrobe.

Predikador 3:20 ပူးပေါင်းရင်းမြစ်များ

Génesis 25:17

Dia Ismael tabatin 137 aña el a hala su delaster rosea i a bai sosegá serka su antepasadonan.

Génesis 3:19

Ku sodó di bo frenta lo bo gana bo pan di kada dia, te dia bo bolbe bira tera; pasobra ta di dje Mi a forma bo. Tera bo ta i tera lo bo bolbe bira.’

Job 14:10

Pero hende ta pèrdè tur su forsa, ora e muri; ora e hala su delaster rosea, unda e ta bai?

Job 14:14

Si hende por bolbe biba despues di morto ami ta dispuesto pa warda, maske kon mizerabel mi bida ta.

Job 17:13

Si graf ta e úniko lugá ku mi por yama mi kas i ei den skuridat ya mi kama ta drechá,

Job 30:24

No sa pone man riba un hende derotá, ora den su ansha e ta supliká pa yudansa?

Job 34:15

n' ta tur ta muri sin eksepshon i bolbe bira stòf atrobe?

Job 7:9

Manera nubia ku pokopoko ta evaporá, hende ta muri i baha den reino di morto; e no ta bini bèk mas.

Salmo 103:14

E sa di ki material nos t'engendrá, E n' ta lubidá ku nos ta stòf.

Salmo 104:29

Ora Bo skonde bo Kara nan ta spanta; ku Bo kita nan rosea nan ta muri i ta bolbe bira stòf manera ántes.

Salmo 49:14

Manera un tou di karné nan ta hundi den abismo — Lamuèrtè ta shi nan komo wardadó — nan ta kana derechitu bai nan graf; nan aparensia pokopoko ta blikia i reino di morto lo sirbi nan pa kas.

Predikador 12:7

Bo kurpa ta kaba bira stòf, bai bèk den e tera for di kual el a sali; i bo rosea di bida ta bai bèk serka Dios, ku a duna bo e.

Predikador 3:21

Ken por proba ku rosea di hende ta subi bai laria i rosea di bestia ta baha bai abou?

Predikador 6:6

ku lo por a biba 2000 aña i sinembargo no por a disfrutá di su biennan. Bisa mi awor al fin i al kabo tur hende n' ta mes kaminda nan ta bai?

Predikador 7:2

Mihó bai kas mortuorio ku bai kas di fiesta. Pasobra pa tur hende bida ta kaba ku nan entiero; hende bibu mester keda kòrda e kos akí.

Predikador 9:10

Hasi loke bo por hasi ku bo forsa, pasobra den e graf kaminda bo ta bai no tin trahamentu, ni planiamentu, ni konosementu, ni sabiduria.

Daniel 12:2

Hopi di esnan ku ta sosegá den graf, lo lanta; algun di nan pa biba te den eternidat, algun otro pa ta despresiá i detestá pa semper.

Numbernan 27:13

Ora bo kaba di mir'é, lo bo bai sosegá serka bo antepasadonan manera bo ruman Aaron.