Nehemías 6:10 - Papiamentu Bible 2013

¹⁰ Un dia mi a bai kas di Shemaías, yu di Delaías i ñetu di Mehetabel, pasobra el a hañ'é strobá pa bini serka mi. El a bisa mi: ‘Laga nos ban kas di Dios, paden di tèmpel, i sera e portanan pasobra nan ta bin mata bo, sí, awe nochi mes nan ta bin mata bo.’

Beibel na Papiamentu Koriente 2013

¹⁰ Un dia mi a bai kas di Shemaías, yu di Delaías i ñetu di Mehetabel, pasobra el a hañ'é strobá pa bini serka mi. El a bisa mi: ‘Laga nos ban kas di Dios, paden di tèmpel, i sera e portanan pasobra nan ta bin mata bo, sí, awe nochi mes nan ta bin mata bo.’

Nehemías 6:10 ပူးပေါင်းရင်းမြစ်များ

1 Reinan 6:5

Kontra e murayanan di tèmpel, esta kontra e sala grandi i e sala patras, el a laga traha un adrei ku diferente piso.

2 Reinan 11:3

Seis aña largu Yoash a keda skondí den tèmpel di SEÑOR serka Yehoshèba. Tur e tempu ei Atalia tabata goberná e pais.

2 Reinan 9:8

Kas real di Ahab lo ta destruí por kompleto, lo Mi kaba ku tur e machunan den famia di Ahab, na Israel, sin hasi niun eksepshon.

2 Krónikanan 28:24

Riba su òrdu nan a pone tur opheto di uso den tèmpel huntu i kibra nan. El a laga sera tèmpel i laga lanta altá na tur skina di kaya di Herusalèm.

2 Krónikanan 29:3

Ya den e promé aña, den e promé luna, el a bolbe habri tèmpel i drecha e portanan.

2 Krónikanan 29:7

Asta nan a sera e portanan di portal di tèmpel i paga e lampinan; nan no a kima sensia den santuario i no a ofresé sakrifisio di kandela na Dios di Israel.

Esdras 10:31

Di famia di Harim: Eliezer, Yishías, Malkías, Shemaías i Simeon,

Esdras 8:16

P'esei mi a manda buska Eliezer, Ariel, Shemaías, Elnatan, Yarib, Elnatan, Natan, Zakarías i Meshulam ku tabata lider i tambe e maestronan Yoyarib i Elnatan i

Nehemías 6:12

Pasobra mi a ripará bon kla ku no ta Dios a mand'é, pero ku el a pronostiká esei di mi, komo Tobias i Sanbalat a soborn'é.

Salmo 12:2

Kada ken ta gaña su próhimo hasi trastu: kuchú di dos banda!

Salmo 37:12

Pekadó ta konspirá kontra hustu, e ta kou djente kontra nan.

Proverbionan 11:9

Palabra di mal hende ta destruí su próhimo, konosementu di hende hustu ta salbashon.

Yeremías 36:5

Despues Yeremías a bisa Barug: ‘Nan a taha mi di drenta tèmpel.

Ezekiel 3:24

Atrobe mi a haña forsa i por a lanta para. SEÑOR a bisa mi: ‘Bai i sera bo kurpa den kas.

Malakías 1:10

‘Mare un di boso tabata sera e portanan di tèmpel. E ora ei boso no por a kima sakrifisionan sin balor mas riba mi altá. Mi no ta kontentu ku boso,’ SEÑOR di universo ta bisa, ‘i Mi no tin mester di boso sakrifisio.

Mateo 7:15

Tene kuidou ku profeta falsu; nan ta bini serka boso bistí na karné ma di paden nan ta lobo feros.

Huan 3:20

Tur hende ku ta praktiká maldat ta odia lus i nan no ta bini serka djE, pa nan aktonan malbado no pone nan kara na bèrgwensa.

Echonan 21:30

Den henter siudat e hendenan a drenta akshon; nan a kore bini na bòshi, kohe Pablo lastr'é saka fo'i tèmpel. Inmediatamente despues a sera e portanan di tèmpel.