Nehemías 6:1 - Papiamentu Bible 2013

¹ Sanbalat, Tobias, e arabir Guèshèm i sobrá di nos enemigunan a tende ku mi a rekonstruí e muraya sin laga ningun buraku den dje. Na e momento ei mi no a laga hinka porta ainda den entradanan di siudat.

Beibel na Papiamentu Koriente 2013

¹ Sanbalat, Tobias, e arabir Guèshèm i sobrá di nos enemigunan a tende ku mi a rekonstruí e muraya sin laga ningun buraku den dje. Na e momento ei mi no a laga hinka porta ainda den entradanan di siudat.

Nehemías 6:1 ပူးပေါင်းရင်းမြစ်များ

Nehemías 13:4

Poko tempu promé ku esei, saserdote Elyashib, hefe di e kuartunan den tèmpel di nos Dios i famia di Tobias,

Nehemías 2:10

Pero ora Sanbalat di Bet-Horon i e funshonario amonita Tobias a tende esaki, nan a rabia mashá, pasobra a bini un hende ku ker a traha na bienestar di e israelitanan.

Nehemías 2:19

Pero ora Sanbalat di Bet-Horon, e funshonario amonita Tobias i e arabir Guèshèm a haña sa esei, nan a hasi chèrchè di nos i ku despresio nan a bisa nos: ‘Kiko boso ta hasiendo ei? Akaso ta rebeldiá boso ke rebeldiá kontra rei?’

Nehemías 3:1

E ora ei gransaserdote Elyashib i su koleganan saserdote a rekonstruí Porta di Karné. Nan a konsagr'é i kologá e portanan. Tambe nan a konsagrá e parti te na Toren di Mea i Toren di Hananel.

Nehemías 3:3

E desendientenan di Senaa a rekonstruí Porta di Piská. Nan a pone biga i kologá e portanan ku nan balkinan i rèndunan.

Nehemías 3:6

Yoyada, yu hòmber di Paseag, i Meshulam, yu hòmber di Besodías, a rekonstruí Porta Bieu. Nan a pone biga i kologá e portanan ku nan balkinan i rèndunan.

Nehemías 4:1

Ora Sanbalat a tende ku nos tabata rekonstruí e muraya, e tabata skupi kandela di rabia; el a hasi chèrchè di e hudiunan.

Nehemías 7:1

Ora e muraya tabata kla, mi a laga pone e portanan den entrada di siudat i e guardianan, e kantornan i e levitanan a haña nan tarea.

Daniel 9:25

Esaki ta loke bo mester sa i komprondé: For di e momento ku pronunsiá e mensahe tokante regreso for di eksilio i rekonstrukshon di Herusalèm te na e momento di yegada di un lider konsagrá, lo mester pasa shete siman. Djis despues, durante sesentidos siman, lo rekonstruí e siudat i su murayanan reforsá, ma tempu lo ta difísil.