Nehemías 5:2 - Papiamentu Bible 2013

² Tabatin algun ku tabata bisa: ‘Nos tin hopi yu hòmber i yu muhé, nos tin mester di trigo pa nos kome i keda na bida.’

Beibel na Papiamentu Koriente 2013

² Tabatin algun ku tabata bisa: ‘Nos tin hopi yu hòmber i yu muhé, nos tin mester di trigo pa nos kome i keda na bida.’

Nehemías 5:2 ပူးပေါင်းရင်းမြစ်များ

Génesis 42:2

M'a tende ku tin trigo na Egipto. Bai kumpra aya ya nos no ta muri di hamber.’

Génesis 43:8

Huda a bisa su tata Israel: ‘Laga e mucha bai ku mi; e ora ei nos ta drecha pa bai mesora, sino nos tur: abo, i nos i nos yunan lo muri di hamber.

Génesis 47:19

Bo no por laga nos seka di hamber bo dilanti. Bo no por laga nos kunukunan bai pèrdí. Kumpra nos kunukunan i kumpra nos komo katibu a kambio di kuminda. Nos lo bira katibu di fárao i traha kunuku p'e. Duna nos simia pa nos planta ya nos por keda na bida i nos kunukunan no ta bira mondi.’

2 Reinan 4:1

Un dia biuda di un di e profetanan a pidi Eliseo pa yud'é. El a bis'é: ‘Señor profeta, mi kasá a muri i manera bo sa e tabata un fiel sirbidó di Dios. Awor a bini un hende ku mi debe i e ke bai ku mi dos yunan komo katibu.’

Nehemías 5:3

Otronan tabata bisa: ‘Pa nos por a kome, nos mester a poteká nos kunukunan di bèrdura i di wendrùif i nos kasnan.’

Hagai 1:6

Tur ora boso ta sembra hopi pero kosechá poko; boso tin di kome sí, pero no sufisiente pa mata boso hamber. Boso tin di bebe sí, pero no sufisiente pa sasia boso set. Boso tin paña pa bisti sí, pero no sufisiente pa tene boso kurpa kayente. Un obrero ta gana sèn, pero ta manera den barí sin bòm e sèn ta bai.

Malakías 2:2

boso mester duna Mi e honor ku ta pertenesé na Mi. Si boso no obedesé e mandamentu ei ni tum'é na serio,’ SEÑOR di universo ta bisa, ‘lo Mi manda desaster riba boso. Na lugá di privilegio Mi ta duna boso desaster. Mi ta hasiendo esei kaba, pasobra boso no ta tuma e mandamentu na serio.

Deuteronomio 23:19

No eksigí pa un otro israelita paga boso interes ora boso fi'é algu, sea ku ta plaka, kuminda òf algu otro.