Mateo 11:1 - Papiamentu Bible 2013

¹ Ora Hesus a kaba di duna su diesdos disipelnan instrukshon, El a bai for di ei pa bai duna siñansa i prediká den e siudatnan di e region ei.

Beibel na Papiamentu Koriente 2013

¹ Ora Hesus a kaba di duna su diesdos disipelnan instrukshon, El a bai for di ei pa bai duna siñansa i prediká den e siudatnan di e region ei.

Mateo 11:1 ပူးပေါင်းရင်းမြစ်များ

Mateo 28:20

i siña nan kumpli ku tur loke Mi a manda boso. I sa ku Mi ta ku boso tur dia, te na fin di mundu.’

Mateo 4:23

Hesus a biaha rònt Galilea. E tabata duna siñansa den nan snoa, prediká e bon notisia tokante e reino i kura tur enfermedat i malesa ku e pueblo tabatin.

Mateo 7:28

Ora Hesus a kaba di papia e kosnan akí, e hendenan a keda babuká di tende kon e tabata siña nan.

Mateo 9:35

Hesus a pasa den tur siudat i pueblo. E tabata siña den nan snoa, prediká e bon notisia tokante e reino i kura tur malesa i enfermedat.

Marko 6:12

E disipelnan a sali bai prediká pa e hendenan kombertí.

Lukas 23:5

Ma nan a sigui insistí i bisa: ‘Su siñansa ta pone pueblo lanta den henter Hudea; El a kuminsá na Galilea, anto awor at'é akinan tambe.’

Lukas 8:1

Djis despues Hesus a pasa dor di siudat i pueblo pa prediká i anunsiá e bon notisia tokante reino di Dios. E diesdos disipelnan tabata bai huntu kunÉ

Huan 15:10

Si boso obedesé mi mandamentunan, boso ta keda den mi amor. Meskos ku Ami ta obedesé e mandamentunan di mi Tata i ta keda den su amor.

Huan 15:14

Boso ta mi amigu, si boso hasi loke Mi manda boso.

Echonan 1:2

ku su mishon te dia a tum'É den shelu. Promé ku El a bai shelu, El a duna e hòmbernan ku El a skohe komo apòstel su instrukshonnan pa medio di Spiritu Santu.

Echonan 10:38

i boso sa tambe kon e ora ei Dios a ungi Hesus di Nazarèt ku Spiritu Santu i a kolm'É ku poder. E tabata pasa hasi bon obra tur kaminda i kura esnan ku tabata bou di yugo di diabel, pasobra Dios tabata kunÉ.

Echonan 10:42

El a ordená nos prediká na pueblo i testiguá ku t'E ta Esun ku Dios a apuntá komo hues di esnan bibu i esnan morto.

1 Tesalonisensenan 4:2

Pasobra boso konosé e instrukshonnan ku nos a duna boso ku outoridat di Señor Hesus.

2 Tesalonisensenan 3:10

En bèrdat, tempu nos tabata huntu ku boso nos a duna boso e siguiente regla: Es ku no ke traha no ta kome!

2 Tesalonisensenan 3:6

Rumannan, den nòmber di nos Señor Hesu-Kristu, nos ta ordená boso pa no anda ku niun ruman ku ta hiba un bida indisipliná i no di akuerdo ku e instrukshonnan ku nos a duna nan.

1 Timoteo 6:14

Hasi loke a manda bo i lo bo ta sin mancha i ireprochabel. Atené bo mes na esei fielmente te dia nos Señor Hesu-Kristu manifestá su mes.