Levítiko 26:20 - Papiamentu Bible 2013

²⁰ Enbano boso lo gasta tur boso forsa: kunuku lo no produsí nada i palu di fruta lo no pari.

Beibel na Papiamentu Koriente 2013

²⁰ Enbano boso lo gasta tur boso forsa: kunuku lo no produsí nada i palu di fruta lo no pari.

Levítiko 26:20 ပူးပေါင်းရင်းမြစ်များ

Génesis 4:12

Maske kon bo traha kunuku, lo e no produsí nada mas. Lo bo dualu riba mundu sin paradero.’

1 Reinan 18:2

Elías a sali pa e bai serka Ahab. Entretantu e hamber ku tabata reina na Samaria a bira asina grandi,

Job 31:40

antó mata di sumpiña nase na lugá di trigo, yerba shimaron na lugá di sebada.’ Esaki ta fin di Job su diskurso.

Salmo 107:34

El a kambia tera fértil na saliña pa motibu di maldat di e habitantenan,

Salmo 127:1

Si n' ta SEÑOR ta traha e kas, trahadónan ta traha pòrnada. Si n' ta SEÑOR ta warda siudat, guardia ta warda enbano.

Isaías 17:10

Israel, bo a lubidá ta ken por salba bo: ta bo Dios, e baranka protektor! Bo no ta tum'É na kuenta mas. Prueba di esaki: bo ta planta hardinnan pa diosnan straño i ta yena nan ku stèk importá na nan honor.

Isaías 17:11

Mes dia ku bo planta nan ya bo ta laga nan krese kaba. Loke bo planta mainta bo ta laga floria e mes dia, pero un kosecha asina ta disparsé mes lihé tambe. Ta solamente tristesa i malesa e ta trese pa bo i no tin remedi.

Isaías 49:4

Pero m'a pensa: ‘M'a púluwe enbano, gasta tur mi energia sin logra nada. Sinembargo SEÑOR lo ta hustu ku mi i rekompensá mi esfuerso.’

Yeremías 12:13

E pueblo a sembra trigo, ma a kosechá sumpiña; nan a púluwe hopi sin produsí nada. Awor nan ta tur abatí. Nan kosecha a frakasá pa motibu di e furia ardiente di SEÑOR.’

Hoséas 2:11

Na tur kos ku tabata dun'é legria, e fiestanan grandi, Luna Nobo i sabat, na e dianan ku e tabata hasi fiesta Mi ta pone un fin.

Levítiko 26:4

lo Mi manda áwaseru na ora di mester, pa tera duna kosecha i palu di fruta pari.

Habakuk 2:13

SEÑOR Soberano lo sòru pa loke pueblo- i nashonnan henter a kansa i mata kurpa p'e, resultá esfuerso enbano, djis kuminda pa kandela.

Hagai 2:16

Ora boso a kere ku for di un monton di trigo, despues di a batié, boso por a yena binti saku di hariña, boso a haña boso ku dies saku so. Ora boso a kere ku un baki yen di wendrùif, despues di a machiká nan, por a duna basta pa yena sinkuenta barí, a resultá ku ta binti barí so por a yena kuné.

1 Korintionan 3:6

Ami a planta e simia, Apolo a muha e mata, pero ta Dios a laga e mata krese.

Galatanan 4:11

Mi tin miedu ku e trabou duru ku mi a traha na boso benefisio, tabata enbano!

Deuteronomio 11:17

SEÑOR ta rabia e ora ei sera shelu; áwaseru lo no kai mas i tera lo no produsí. Asina pronto boso lo kaba na nada den e pais bunita ku SEÑOR ta bai duna boso.

Deuteronomio 28:18

Maldishon lo kai riba boso yunan, boso kosechanan, boso bisénan i boso lamchinan di karné i di kabritu.

Deuteronomio 28:42

Tur boso palunan i matanan lo bira víktima di dalakochi.

Deuteronomio 32:22

Mi a pega e kandela di mi rabia ku ta penetrá te den reino di morto, hasi daño na mundu i na tur loke ta krese, kima fundeshi di seru.