Levítiko 22:20 - Papiamentu Bible 2013

²⁰ No ta pèrmití pa bini ku bestia ku tin defekto, pasobra e ora ei Mi no ta asept'é di boso.

Beibel na Papiamentu Koriente 2013

²⁰ No ta pèrmití pa bini ku bestia ku tin defekto, pasobra e ora ei Mi no ta asept'é di boso.

Levítiko 22:20 ပူးပေါင်းရင်းမြစ်များ

Ezekiel 45:18

Esaki ta loke SEÑOR, mi Dios, ta bisa: ‘Kohe riba e promé dia di e promé luna un toro yòn sin niun defekto pa purifiká e santuario.

Levítiko 1:3

Si e ke ofresé un sakrifisio di kandela for di su bestianan di kria grandi, e mester skohe un bestia machu, sin niun defekto. E mester hiba e bestia na entrada di tènt di enkuentro, pa asina logra haña grasia di SEÑOR.

Levítiko 22:24

No ofresé Mi bestia ku hende a kapa dor di dal su testíkulonan machiká nan, ranka nan òf kòrta nan afó; boso no mag mutilá e bestianan asina ei ora boso ta den boso pais.

Levítiko 22:25

Tampoko no kumpra bestia mutilá asina serka un strañero pa ofres'é komo kuminda n'Ami, boso Dios. E mutilashon ku nan a sufri ta konta pa un defekto, di manera ku Mi no ta aseptá nan di boso.’

Levítiko 3:1

Si un hende ke ofresé SEÑOR un bestia komo sakrifisio di pas, e por kohe un toro òf un baka sin niun defekto i bai kuné santuario.

Levítiko 3:6

Si un hende ke ofresé SEÑOR un di su karnénan òf kabritunan komo sakrifisio di pas, e mester kohe un bestia, machu òf embra, sin niun defekto.

Malakías 1:8

Ora boso ofresé un bestia siegu komo sakrifisio, boso ta pensa: “N' ta nada.” Ora boso ofresé un bestia malu òf mankaron komo sakrifisio, boso ta pensa: “No ta nada.” Bai ofresé boso gobernador un kos asina! Lo e keda kontentu ku boso i risibí boso bon?’ Esei ta loke SEÑOR di universo a bisa.

Numbernan 19:2

‘Aki Mi ta duna boso e siguiente regla: Bisa e israelitanan pa nan trese pa boso un baka kòrá ku no tin ningun defekto i ku ainda no a karga yugo.

Numbernan 29:8

Ofresé un sakrifisio di kandela ku un holó agradabel pa SEÑOR di un toro yòn, un chubatu di karné i shete lamchi chubatu di karné di un aña, sin niun defekto.

Deuteronomio 15:21

Pero si nan tin kualke defekto, si nan ta koho òf siegu, òf tin kualke otro defekto serio, no mata nan na honor di SEÑOR, boso Dios.

Deuteronomio 17:1

No ofresé un baka, karné òf kabritu ku tin kualke defekto komo sakrifisio na SEÑOR, boso Dios; esei ta un akto repugnante pa SEÑOR, boso Dios.

Hebreonan 9:14

Kuantu mas forsa e sanger di Kristu tin e ora ei! Pasobra pa medio di e Spiritu eterno El a ofresé su mes na Dios komo un sakrifisio perfekto i asina a purifiká nos konsenshi di tur obra ku ta hiba na morto, di manera ku nos por sirbi e Dios berdadero.

1 Pedro 1:19

pero ta sanger presioso di un Lamchi sin mancha òf defekto; anto Kristu ta e Lamchi ei!