Levítiko 19:5 - Papiamentu Bible 2013

⁵ Ora boso ofresé Mi un sakrifisio di pas, hasié segun regla di manera ku e ta kai na mi agrado.

Beibel na Papiamentu Koriente 2013

⁵ Ora boso ofresé Mi un sakrifisio di pas, hasié segun regla di manera ku e ta kai na mi agrado.

Levítiko 19:5 ပူးပေါင်းရင်းမြစ်များ

2 Krónikanan 31:2

Ezekías a bolbe repartí saserdote i levita den grupo manera ántes. Esei a sosodé segun nan tarea komo saserdote òf levita den tèmpel, lugá kaminda SEÑOR ta biba: sea nan tabata ofresé sakrifisio di kandela òf sakrifisio di pas, sea nan tabata tene sirbishi general, sea nan tabata kanta kantika di alabansa i di gratitut.

Éksodo 24:5

Despues el a laga algun hóben israelita bini; nan a ofresé sakrifisio di kandela i a mata toro pa ofresé sakrifisio di pas na SEÑOR.

Ezekiel 46:12

Si e gobernante ke ofresé Mi un sakrifisio di kandela òf di pas komo un sakrifisio boluntario, mester habri e porta na parti ost p'e. E ta ofresé su sakrifisionan e ora ei manera e ta hasi riba sabat tambe. Asina e sali atrobe ta sera e porta.

Ezekiel 46:2

Riba e dianan ei e gobernante ta bini for di e plenchi parti pafó i drenta e edifisio di entrada via di e hal. Miéntras e saserdotenan ta ofresé sakrifisionan di kandela i di pas p'e, e ta keda para den porta. Despues e ta hinka rudia riba e drempi pa adorá Ami, SEÑOR, kaba e ta bolbe bai pafó. No ta sera e porta promé ku bira anochi.

Levítiko 1:3

Si e ke ofresé un sakrifisio di kandela for di su bestianan di kria grandi, e mester skohe un bestia machu, sin niun defekto. E mester hiba e bestia na entrada di tènt di enkuentro, pa asina logra haña grasia di SEÑOR.

Levítiko 19:4

No dirigí boso mes na dios falsu, ni traha dios di metal bashá. Ami ta SEÑOR, boso Dios.

Levítiko 19:6

Por kome karni di e bestia dia di e sakrifisio i su manisé, pero si sobra pa su ótromañan, mester tir'é den kandela.

Levítiko 22:19

e mester bini ku un bestia machu sin defekto, sea un toro, un chubatu di karné òf di kabritu, pa Mi asept'é di boso.

Levítiko 22:21

Si un hende, di su mes boluntat òf pa kumpli ku un promesa, ke ofresé Mi un sakrifisio di pas, lo Mi aseptá un bue, un karné òf un kabritu basta e bestia no tin ningun defekto.

Levítiko 22:23

Si un bestia, esta un toro, bue, karné òf kabritu, ta deformá òf pashimá, por ofres'é komo sakrifisio boluntario, pero pa kumpli ku un promesa Mi no ta asept'é.

Levítiko 22:29

Ora boso ta ofresé Mi un sakrifisio di gradisimentu, hasié segun regla pa Mi asept'é di boso.

Levítiko 7:16

Si un hende ofresé e sakrifisio akí boluntariamente òf pa kumpli ku un promesa, por kome un parti di e karni e dia ei mes i e otro parti su manisé.

Levítiko 7:18

Si riba e di tres dia un hende kome ainda for di e karni di su sakrifisio di pas, Dios no ta aseptá su sakrifisio. Su sakrifisio no ta na SEÑOR su agrado, pasobra e karni no ta sirbi mas pa uso religioso. Esun ku kom'é tin ku paga pa su piká.