Levítiko 19:13 - Papiamentu Bible 2013

¹³ No ranka sanger di boso próhimo ni hòrta nada. No tene pago di un hende ku a traha pa boso te su manisé.

Beibel na Papiamentu Koriente 2013

¹³ No ranka sanger di boso próhimo ni hòrta nada. No tene pago di un hende ku a traha pa boso te su manisé.

Levítiko 19:13 ပူးပေါင်းရင်းမြစ်များ

Job 17:5

Si un hende traishoná su amigu buskando su mes probecho, su yunan ta karga konsekuensia.

Job 31:39

si mi no a duna hende nan pago hustu o si mi a laga trahadónan di kunuku púluwe, sin mizerikòrdia,

Job 7:2

Manera katibu ku ta anhelá un tiki sombra, trahadó kontratá ansioso pa su pago,

Éksodo 20:15

No hòrta.

Éksodo 22:13

Si ta un bestia feros a sker e bestia, e hende mester trese restu di e bestia isker komo prueba pa e doño. E ora ei e no tin nada di paga.

Éksodo 22:15

Si e doño tabata serka, e otro no tin nada di paga. Si ta hür a hür e bestia, e mester paga e hür so.

Éksodo 22:21

No oprimí ni maltratá un strañero, pasobra boso mes tabata strañero na Egipto.

Éksodo 22:7

Si un hende duna un otro hende plaka òf opheto di balor warda p'e, i nan hòrta e kosnan ei for di kas di e otro hende, e ladron, esta si hañ'é, mester paga bèk dòbel di loke el a hòrta.

Proverbionan 20:10

Pisa ku dos peso, midi ku dos midí, SEÑOR tin repudio di e kosnan ei.

Proverbionan 22:22

No abusá di hende pober pasobra e ta pober, ni oprimí esun sin defensa dilanti di hues.

Proverbionan 3:28

No bisa: ‘Ai, bini bèk mañan, e ora ei mi ta duna bo e’, siendo bo tin e.

Yeremías 22:13

SEÑOR a bisa Yoyakim: ‘Ai di bo, Yoyakim! Bo ta laga konstruí un palasio pa bo mes sin tene kuenta ku derecho di hende; bo ta traha un piso mas riba dje sin kibra kabes ku hustisia. Pasobra bo ta laga bo ruman traha pa bo sin dun'é su pago.

Yeremías 22:3

Ata loke SEÑOR ta bisa: “Hasi loke ta bon i hustu, i si a eksplotá un hende, boso mester salb'é for di gara di su opresor. Trata strañero, wérfano i biuda bon, no usa violensia kontra nan. Stòp di drama sanger di hende inosente na e lugá akí.

Ezekiel 18:7

E no ta oprimí ningun hende. Ora un hende a fia algu serka dje i a dun'é un pant, e ta duna e pant bèk. E no ta hòrta. Es ku tin hamber, e ta duna kuminda; es ku ta sunú, e ta duna paña di bisti.

Ezekiel 22:12

Ta tuma sèn pa mata hende, eksigí interes altu, hasi ganashi brutu i eksplotá otro hende. Pero Ami boso ta lubidá.’ Esei ta loke SEÑOR, mi Dios, ta bisa.

Ezekiel 22:29

Habitantenan di e pais ta hasi nan mes kulpabel na rankamentu di sanger i hòrtamentu. Nan ta oprimí hende pober i den nesesidat i trata strañeronan malu, komo si fuera no ta eksistí derecho.

Levítiko 25:14

P'esei si boso bende òf kumpra tereno, no perhudiká boso paisano.

Levítiko 25:17

No perhudiká otro, asina boso ta respetá boso Dios. Pasobra Ami ta SEÑOR, boso Dios.

Malakías 3:5

SEÑOR di universo ta bisa: ‘E ora ei lo Mi bini serka boso komo hues. Mesora lo Mi denunsiá esnan ku ta praktiká bruheria, esnan ku ta kometé adulterio, esnan ku ta lanta falsu testimonio, esnan ku ta hòrta for di e pago mizerabel di un hende ku ta traha kontra pago, esnan ku ta oprimí biuda i wérfano, esnan ku ta kita tur derecho for di strañeronan i no tin rèspèt di Mi.

Mateo 20:8

Ora nochi a sera, e doño a yama su vitó i a bis'é: “Yama e trahadónan i paga nan, kuminsá ku esnan ku a bini delaster i terminá ku esnan ku a bini promé.”

Marko 10:19

Bo konosé e mandamentunan: “No mata; no kibra fidelidat di matrimonio; no hòrta; no duna testimonio falsu; no stafa; honra bo mama i bo tata.” ’

Lukas 3:13

El a bisa nan: ‘No kobra mas di loke ta stipulá pa boso.’

1 Tesalonisensenan 4:6

No laga niun hende abusá ni defroudá su ruman den e asuntu akí, pasobra Señor ta kastigá tur e kosnan akí severamente, manera nos a atvertí boso kaba.

1 Timoteo 5:18

Pasobra Skritura ta bisa: ‘No bisti un bue bosal, ora bo ta us'é pa trabou di bati trigo’ i ‘Un trahadó meresé su suèldu’.

Hakobo 5:4

Tende, e pago ku boso a keda sin duna e obreronan ku a kosechá pa boso, ta sklama kontra boso, i Señor Todopoderoso a tende reklamo di e trahadónan ei.