Kolosensenan 1:27 - Papiamentu Bible 2013

²⁷ Dios ker a laga nan konosé e rikesa glorioso ku e plan ei ta enserá pa tur pueblo. Esta ku Kristu ta den boso i ku t'E ta e speransa ku boso lo tuma parti na gloria di Dios.

Beibel na Papiamentu Koriente 2013

²⁷ Dios ker a laga nan konosé e rikesa glorioso ku e plan ei ta enserá pa tur pueblo. Esta ku Kristu ta den boso i ku t'E ta e speransa ku boso lo tuma parti na gloria di Dios.

Kolosensenan 1:27 ပူးပေါင်းရင်းမြစ်များ

Mateo 13:11

El a kontestá nan: ‘Pasobra boso sí a haña komprondementu di e sekretonan di reino di shelu, ma nan no.

Lukas 17:21

Ni tampoko hende lo no por bisa: “At'é aki!” òf “At'é aya!”, pasobra mira, reino di Dios ta meimei di boso!’

Huan 14:17

E ta e Spiritu di bèrdat, ku mundu no por risibí; pasobra nan no ta mir'É nan no konos'É. Ma boso konos'É, pasobra E ta keda serka boso i lo ta den boso.

Huan 14:20

Ora e dia ei yega, boso lo sa ku Ami ta den Tata i ku boso ta den Mi, meskos ku Ami ta den boso.

Huan 14:23

Hesus a kontest'é: ‘Si un hende ta stima Mi, e ta obedesé mi palabra i mi Tata lo stim'é; nos lo bini serka dje i keda biba serka dje.

Huan 17:26

Mi a laga nan konosé bo nòmber i lo Mi sigui hasi bo nòmber konosí. Ya e amor ku Bo a stima Mi kuné, por ta den nan i Ami tambe por ta meimei di nan.’

Huan 6:56

Esun ku kome mi karni i bebe mi sanger, lo keda den Mi i Ami den dje.

Romanonan 11:33

Esta inkomprensibel Dios su rikesa, sabiduria i konosementu ta! Esta insondabel su plannan!

Romanonan 2:4

Òf ta menospresiá bo ta menospresiá bondat, toleransia i pasenshi abundante di Dios? Ta sa bo no sa ku Dios ta bondadoso i p'esei E ke trese un kambio den bo bida?

Romanonan 5:2

Hesu-Kristu a duna nos akseso na grasia di Dios ku nos a aseptá ku fe i ku ta duna firmesa na nos bida, i nos ta broma ku e speransa di tuma parti na e gloria ku Dios lo duna.

Romanonan 8:10

Ma si Kristu ta biba den boso, Spiritu Santu ta bida pa boso, pasobra Dios a aseptá boso komo agradabel den su bista, ounke boso kurpa ta destiná pa muri pa motibu di piká.

Romanonan 9:23

I na mes momento E ker a mustra su gloria abundante, e gloria ku El a duna esnan ku El a prepará di antemano pa risibí su mizerikòrdia.

1 Korintionan 3:16

Boso no sa ku boso ta tèmpel di Dios i ku Spiritu di Dios ta biba den boso?

2 Korintionan 2:14

Pero mester yama Dios danki! E ta hiba nos semper den su marcha di viktoria, pasobra nos ta uní ku Kristu. I pa medio di nos, Dios ta plama konosementu tokante djE mes tur kaminda manera un holó dushi.

2 Korintionan 4:17

E sufrimentu ku nos ta pasa den e bida akí, ta pasahero i no ta pisá, pero e ta trese komo resultado un gloria sin límite i duradero pa nos.

2 Korintionan 4:6

Dios ku a bisa: ‘Lus lo bria for di skuridat,’ ta e mesun Dios ku a pone su lus bria den nos kurason pa nos por lusa otro hende su bida, ora nos laga nan konosé gloria di Dios ku ta bria for di kara di Hesus.

2 Korintionan 6:16

Tèmpel di Dios no tin nada en komun ku ídolo pagano. Wèl, nos ta tèmpel di e Dios bibu. Dios mes a bisa: ‘Ami lo biba serka nan i lo Mi ta huntu ku nan. Lo Mi ta nan Dios i nan lo ta mi pueblo.’

Galatanan 2:20

i ya no ta ami mes ta biba, pero ta Kristu ta biba den mi. E bida ku mi ta biba awor akí den e kurpa akí, mi ta biba pa medio di fe den Yu di Dios, ku a mustra mi su amor i a entregá su bida pa mi.

Galatanan 4:19

Mi yunan, un bia mas mi ta pasa den dolónan di parto pa boso, te ora boso keda formá segun imágen di Kristu.

Efesionan 1:7

Nos ta librá, pasobra Kristu a drama su sanger pa nos, i E ta pordoná nos aktonan di desobediensia, danki na su grasia inmenso.

Efesionan 2:22

Uní kunÉ boso tambe ta yuda otro krese pa asina forma un lugá kaminda Dios ta biba pa medio di Spiritu Santu.

Filipensenan 4:19

I mi Dios lo kumpli ku tur boso nesesidatnan for di su rikesa glorioso, pa medio di Kristu-Hesus.

Kolosensenan 1:5

E fe i amor ei ta basá riba e speransa di risibí loke tin wardá pa boso den shelu. Boso a tende di e speransa ei dia e mensahe di bèrdat, e bon notisia,

Kolosensenan 2:3

Anto den Kristu tur e tesoronan di sabiduria i konosementu ta skondí.

Kolosensenan 3:11

Esei ta trese kuné ku no ta importá si un hende ta hudiu òf no hudiu, sirkunsidá òf no-sirkunsidá, strañero, sin sivilisashon, katibu òf liber, pero loke ta importá ta Kristu, ku ta den nan tur.

1 Timoteo 1:1

Esaki ta karta di Pablo, apòstel di Kristu-Hesus, riba òrdu di Dios, nos Salbador, i Kristu-Hesus, nos Speransa.

Hebreonan 6:19

E speransa ei ta un anker firme i sigur pa nos bida. E ta yega te tras di kortina di e santuario den shelu.

1 Huan 4:4

Mi yunan, boso ta pertenesé na Dios i boso a vense e profetanan falsu, pasobra Esun ku ta den boso ta mas poderoso ku esun ku ta den mundu.

Revelashon 3:20

Tende, Mi ta pará na porta i Mi ta bati. Ora un hende tende mi stèm i habri porta, lo Mi drenta serka dje i nos lo sinta kome huntu.