Isaías 8:20 - Papiamentu Bible 2013

²⁰ Si hende bisa boso esei, boso mester kontestá: ‘Hende mester atené nan na e instrukshon- i mensahenan di SEÑOR.’ Pa esnan ku no ta papia di akuerdo ku e palabra ei di dia lo no habri mas!

Beibel na Papiamentu Koriente 2013

²⁰ Si hende bisa boso esei, boso mester kontestá: ‘Hende mester atené nan na e instrukshon- i mensahenan di SEÑOR.’ Pa esnan ku no ta papia di akuerdo ku e palabra ei di dia lo no habri mas!

Isaías 8:20 ပူးပေါင်းရင်းမြစ်များ

Esdras 10:3

Laga nos primintí nos Dios solemnemente ku nos lo manda tur e muhénan ei i tur nan yunan bai. Nos ke sigui bo konseho i konseho di esnan ku ta tembla pa mandamentu di Dios. Mester kumpli ku lei.

Salmo 119:130

Bo palabra, si splik'é, ta trese lus, ta hasi bobonan sabí.

Salmo 78:5

El a saka un dekreto pa Yakob i a pone un lei na Israel, anto El a manda nos grandinan pa nan siña nan yunan esei,

Proverbionan 4:18

Pero bida di un hende hustu ta manera salida di solo: ora pa ora e ta bira mas kla, te ora e yega su punto mas altu.

Isaías 1:10

Boso, gobernantenan di Herusalèm, korumpí manera esnan di Sódoma, harto perverso manera di Gomora, tende palabra di SEÑOR, skucha ku atenshon loke nos Dios ta siña boso.

Isaías 8:16

Mester mara e relato di tur esaki bon mará i warda e instrukshon seyá serka mi disipelnan.

Isaías 8:22

kaba baha nan bista na suela, pero ta blo ansha, skuridat nan lo haña, tiniebla spantoso; lo tira nan den un anochi skur skur.

Yeremías 6:16

SEÑOR a bisa su pueblo: ‘Ora boso ta pará na un krusada, wak bon i puntra kon a bai den pasado, kua ta e bon kaminda. Si boso siguié, boso lo biba trankil.’ Pero nan a rospondé; ‘Nò, nos no ta hasié!’

Yeremías 8:9

Sabionan ta keda brongosá, morto spantá, changá den trampa; nan a rechasá mi palabranan, anto ki sentido nan sabiduria tin!

Hoséas 6:3

Nos ke stima SEÑOR, hasi tur esfuerso pa konos'É. Mes sigur ku di dia ta habri mes sigur ta ku E ta bini. E ta bini pa nos manera áwaseru, manera áwaseru di primavera ku ta muha tera papa papa.’

Mikéas 3:6

P'esei pa boso ku ta lider, anochi lo sera, un anochi sin klaridat, ku skuridat, sin revelashon. Solo lo baha p'e profetanan i di dia lo bira skur rondó di nan.

Malakías 4:2

Pero pa boso ku tin rèspèt di Mi, solo lo sali; solo lo trese hustisia i tur kos lo drecha atrobe. E ora ei boso lo sali ta bula bula, manera bisé ku tabata será den stal.

Mateo 22:29

Hesus a kontestá: ‘Boso ta kibuká komo boso no konosé Skritura ni poder di Dios.

Mateo 6:23

Si bo wowo ta malu, henter bo kurpa ta den skuridat. Anto si e lus den bo ta skuridat, esta un skuridat teribel esei ta!

Marko 10:3

Hesus a kontestá nan: ‘Kiko Moises a ordená boso?’

Lukas 10:26

Hesus a kontestá: ‘Kiko ta skibí den Skritura? Kiko bo ta lesa eiden?’

Huan 5:39

Boso ta skrudiñá Skritura kere ku den nan boso por haña bida eterno. Anto ta di Ami mes Skritura ta papia!

Echonan 17:11

E hendenan djei tabata mas habrí ku esnan di Tesalónika. Nan tabata skucha e mensahe ku hopi zelo i tabata skrudiñá Skritura diariamente pa mira si e kosnan ku Pablo tabata bisa tabata bèrdat.

Romanonan 1:22

Nan ta pretendé di ta sabí, pero nan a para bira asina bobo

2 Pedro 1:19

Ke men anto ku nos por konfia mas sigur ainda riba e mensahe ku e profetanan a proklamá den Skritura. Ta bon pa boso keda paga atenshon riba loke ta skibí, manera hende ku ta fiha riba un lampi sendé den un lugá skur. Sigui fiha riba dje te ora di dia habri i strea di mardugá sali pa bria den boso kurason.

2 Pedro 1:9

Pero esun ku no tin e kualidatnan akí ta asina tapá ku e ta manera siegu, pasobra el a lubidá ku ta purifiká Dios a purifik'é di su pikánan di ántes!