Isaías 51:12 - Papiamentu Bible 2013

¹² ‘Ami t'Esun ku ta konsolá boso, Ami, SEÑOR. Mi pueblo, kon bo por tin miedu antó di hende ku tin ku muri tòg, hende ku bida pasahero manera yerba?

Beibel na Papiamentu Koriente 2013

¹² ‘Ami t'Esun ku ta konsolá boso, Ami, SEÑOR. Mi pueblo, kon bo por tin miedu antó di hende ku tin ku muri tòg, hende ku bida pasahero manera yerba?

Isaías 51:12 ပူးပေါင်းရင်းမြစ်များ

2 Reinan 1:15

E ora ei Angel di SEÑOR a bisa Elías: ‘Baha bo bai kuné, no tene miedu di dje.’ Elías a lanta i a bai ku e ofisial serka rei.

Salmo 118:6

SEÑOR ta ku mi, p'esei mi n' tin miedu, anto kiko hende por hasi mi?

Salmo 146:4

Ora e muri e ta bolbe bira tera; a kaba ku su plannan e dia ei.

Salmo 92:7

Maske pekadónan ta bona manera yerba shimaron i malechornan tur ta floresé, esei ta hiba nan porfin na ruina.

Proverbionan 29:26

Hopi hende ta buska oudiensia serka un gobernante, pero ta serka SEÑOR ta haña hustisia.

Isaías 12:2

Mira kon Dios a salba mi, tur mi konfiansa ta den djE, mi n' tin miedu: SEÑOR Dios ta mi forsa, mi refugio. E mes t'Esun ku a salba mi.’

Isaías 2:22

Stòp di konfia den hende, su bida n' ta nada mas ku un rosea. Hende no bal nada.

Isaías 40:1

‘Konsolá mi pueblo, bai konsol'é,’ boso Dios ta bisa.

Isaías 43:25

Mi no debe bo nada, pero sinembargo Mi ta pordoná bo rebeldia, pasobra t'asina Mi ta, Mi no ta keda pensa riba bo pikánan.

Isaías 49:13

Shelu i tera, grita i hubilá, serunan, basha gritu di alegria, pasobra SEÑOR a konsolá su pueblo; E tin duele di su pober yunan.

Isaías 51:3

Asina SEÑOR ta bolbe obra awor: E tin duele di Sion, E ta sinti doló ora E mira tur su ruinanan. E ta bai kambia e sitio desolá akí hasié un hardin maravioso, dje tera seku E ta hasi un paraiso. Goso i alegria lo reina aya, kantikanan di gratitut lo zona.

Isaías 52:9

Ruinanan di Herusalèm, basha gritu di alegria: SEÑOR ta konsolá su pueblo, E ta sali pa Herusalèm.

Isaías 57:11

Di ken bo tin miedu antó, pa ken bo ta sinti rèspèt ainda? N'Ami sí bo tabata infiel, riba Ami sí bo n' pensa, pero esei no ta molestiá bo. M'a keda ketu muchu largu p'esei b'a pensa ku bo n' ta'tin ku tene kuenta ku Mi.

Isaías 61:2

pa anunsiá yegada dje aña ku SEÑOR ta bai mustra pueblo su bondat, e dia ku SEÑOR lo tuma vengansa rib'e enemigu i tambe pa konsolá esnan ku ta yora;

Isaías 66:13

Sí, manera un mama ta konsolá su yu, asina Ami tambe lo duna boso konsuelo. Boso lo hañ'é na Herusalèm.

Isaías 8:12

‘No yama konspirashon loke e pueblo akí ta yama asina; no laga nada ku nan tin miedu di dje yena boso ku miedu i temor.

Yeremías 38:19

Rei a rospondé Yeremías: ‘Mi tin miedu di e hudeonan ku a bòltu kashaka bai serka e babilonionan. Si mi kai den nan man, nan lo abusá di mi.’

Ezekiel 2:6

I abo, hende, kiko ku nan por bisa, no tene miedu di nan. Lo ta komo si fuera ta entre mata ku sumpiña i skarpion venenoso bo ta haña bo, pero no tene miedu di loke nan ta bisa i no laga nan miradanan di rabia spanta bo. Nan ta un pueblo rebelde.

Mateo 10:28

No tene miedu di esnan ku por mata kurpa di hende, ma no por mata su alma sí; mas bien tene miedu di Dios ku tin poder pa destruí kurpa i alma den fièrnu.

Huan 14:18

Lo Mi no laga boso manera wérfano; Mi ta regresá serka boso.

Echonan 9:31

Pa e komunidat di kreyente rònt Hudea, Galilea i Samaria a kuminsá un tempu di pas. Tabatin kresementu i e hendenan tabata biba ku rèspèt di Señor. E kantidat di miembro tabata subi ku yudansa di Spiritu Santu.

1 Pedro 1:24

Pasobra Skritura ta bisa: ‘Hende ta manera yerba, su gloria manera flor di kunuku. Yerba ta seka, flor ta marchitá,

1 Samuel 15:24

E ora ei Saul a bisa Samuel: ‘Sí, mi a peka, pasobra mi a pone òrdu di Dios i bo instrukshonnan un banda; mi tabatin miedu di pueblo i mi a tende di nan.

1 Samuel 17:11

Ora Saul i tur e israelitanan a tende loke e filisteo a bisa, nan a spanta mashá pisá.

1 Samuel 21:13

P'esei el a hunga loko. Ora nan a kohe tene, el a hasi manera hende razu, el a raska blatnan di e porta di siudat ku su uñanan i a kuminsá baba den su barba.