Isaías 41:5 - Papiamentu Bible 2013

⁵ Riba tur isla, sí, di un punta di mundu te n'e otro, hende a mira loke a pasa, temblando di miedu nan a yega serka.

Beibel na Papiamentu Koriente 2013

⁵ Riba tur isla, sí, di un punta di mundu te n'e otro, hende a mira loke a pasa, temblando di miedu nan a yega serka.

Isaías 41:5 ပူးပေါင်းရင်းမြစ်များ

Génesis 10:5

Nan desendientenan a plama i a bai biba na kosta i riba e islanan; kada nashon i kada tribu a bai biba den su mes tera i tabatin su mes idioma.

Salmo 65:8

E habitantenan mas leu di mundu ta atmirá bo señalnan; Bo ta laga portanan di solo, kaminda e ta sali i ta baha resoná di alegria.

Salmo 65:9

Bo a kuida tera i a muh'é, B'a hasié riku i gordo; roi di awa di Dios a bòltu pa maishi por a nase. T'asina Bo ta mira pa tera:

Salmo 66:3

Bisa Dios: Kon tremendo ta bo obranan! Bo gran poder ta fòrsa bo enemigunan lora abou pa duna Bo homenahe.

Salmo 67:7

Sí, Dios manda bendishon pa nos; laga tur skina di mundu respet'É!

Éksodo 15:14

Tur pueblo ta tembla ora nan tende e notisia akí; e habitantenan di Filistea ta krem den otro.

Isaías 41:1

‘Boso, islanan di mas leu, keda ketu, skucha Mi,’ Señor ta bisa. ‘Laga nashonnan rekobrá forsa! Laga nan bini dilanti i hiba palabra. Sí, boso i Ami, ban dilanti pa nos kuminsá ku e proseso.

Isaías 41:6

Nan ta yuda otro i ta bisa otro: “Tene duru!”

Ezekiel 26:18

Pero awor, awor ku b'a kai, tur e pueblonan na kosta ta tembla di miedu, e paisnan na kosta ta morto spantá.’

Yozue 2:10

Nos a tende ku tempu ku boso a sali for di Egipto, SEÑOR a laga awa di Laman Kòrá seka pa boso pasa. Tambe nos a tende kon na e otro banda di Yordan boso a kaba ku e dos reinan amorita, Sihon i Og.

Yozue 5:1

Tur e reinan di e amoritanan parti pabou di Yordan i tur e reinan di e kanaanitanan banda di Laman Mediteráneo a tende ku SEÑOR a laga awa di Yordan seka te ora ku e israelitanan a kaba di pasa. E reinan a pèrdè kurashi, nan no tabatin brio mas pa enfrentá e israelitanan.