Isaías 22:11 - Papiamentu Bible 2013

¹¹ Pero boso no a fiha boso bista riba Esun ku tabatin man den e asuntu akí, boso no tabatin tinu p'Esun ku a plania tur kos hopi tempu delantá.

Beibel na Papiamentu Koriente 2013

¹¹ Pero boso no a fiha boso bista riba Esun ku tabatin man den e asuntu akí, boso no tabatin tinu p'Esun ku a plania tur kos hopi tempu delantá.

Isaías 22:11 ပူးပေါင်းရင်းမြစ်များ

2 Reinan 20:20

Sobrá historia di Ezekías, su hazañanan, kon el a traha e tanki di awa i e tùnel den baranka pa hiba awa siudat, ta skibí den buki di krónika di reinan di Huda.

2 Reinan 25:4

e sòldánan di Nebukadnèsar a habri un buraku den e muraya di siudat. Ounke e kaldeonan akí tabata rondoná e siudat, rei Sedekías i tur e sòldánan a logra hui den anochi dor di e porta meimei di e dos murayanan, banda di hardin di rei. Nan a kohe direkshon di vaye di Yordan.

2 Krónikanan 6:6

Pero Mi a skohe Herusalèm pa ei hende por bini serka Mi. Mi a skohe abo, David, pa goberná mi pueblo Israel.”

Nehemías 3:16

Nehemías, yu hòmber di Azbuk, a rekonstruí e pida muraya dilanti di e grafnan di famia di David te na e dam artifisial ku e kazèrne. Nehemías tabata hefe di mitar di distrito Bet-Sur.

Isaías 17:7

Den e tempu ei hende lo hisa wowo mira su Kreador, l'e fiha su bista riba Dios Santu di Israel.

Isaías 31:1

Ai di esnan ku ta baha bai Egipto pa buska yudansa, ku ta stèns riba su kabainan, ta konfia riba su gran kantidat di garoshi di guera i riba e forsa enorme di su kabayeria, pero ku no ta tene kuenta ku Dios Santu di Israel ni pidi su konseho.

Isaías 37:26

Bo no sa antó ku t'Ami for di hopi tempu pasá a disponé asina i ku for di den tempu bieu Mi a plani'é i awor ta lag'é sosodé? P'esei bo mester a hasi di siudatnan reforsá un ruina.

Isaías 7:3

E ora ei SEÑOR a bisa Isaías asin'akí: ‘Kohe bo yu Shear-Yashub i bai kontra ku rei Ahas. Lo bo top'é riba e kaminda pa fèlt di Blikiadó, na kabamentu dje kanal, kaminda awa ta basha den e tanki di mas ariba.

Isaías 8:17

Ounke SEÑOR skonde su kara pa pueblo di Yakob, ami ta warda riba SEÑOR i mi ta konfia den djE.

Yeremías 39:4

Ora ku rei Sedekías di Huda i tur su sòldánan a mira loke a pasa, nan a hui bai. Den anochi nan a bandoná e siudat via e hardin di palasio real, pasa pa e porta ku tabata konektá e dos murayanan na otro i hui bai vaye di Yordan.

Mikéas 7:7

Pero ami ta keda ku speransa den SEÑOR, ami ta konfia den e Dios, ku ta salba mi. Mi Dios ta skucha mi orashon.