Huan 8:54 - Papiamentu Bible 2013

⁵⁴ Hesus a kontestá nan: ‘Si Mi ta buska moda di alsa mi mes, e gloria ei no tin niun balor. Ma ta mi Tata ta duna Mi gloria, Esun mes ku boso ta yama “Nos Dios”!

Beibel na Papiamentu Koriente 2013

⁵⁴ Hesus a kontestá nan: ‘Si Mi ta buska moda di alsa mi mes, e gloria ei no tin niun balor. Ma ta mi Tata ta duna Mi gloria, Esun mes ku boso ta yama “Nos Dios”!

Huan 8:54 ပူးပေါင်းရင်းမြစ်များ

Proverbionan 25:27

No ta bon pa kome muchu miel, pero ta un honor pa investigá loke ta difísil.

Isaías 66:5

Tende loke SEÑOR tin di bisa boso, boso ku ta skucha su palabra ku temor: ‘Boso ta honra mi nòmber, p'esei boso mes rumannan ta odia boso i ta tene boso afó. Nan ta papia ku chèrchè: “Laga SEÑOR mustra antó ken E ta, pa nos por ta testigu e ora ei di boso alegria!” Pero kara dje chèrchadónan ei lo keda na bèrgwensa.’

Hoséas 1:9

E ora ei SEÑOR a bisa: ‘Yama e yu Lo-Ami, pasobra boso no ta mi pueblo ni Mi no ta boso Dios.’

Huan 17:1

Ora Hesus a kaba di papia, El a hisa su kara na laria i bisa: ‘Tata, e ora a yega! Duna bo Yu gloria, pa bo Yu por duna Bo gloria.

Huan 17:5

Tata! Duna Mi gloria awor akí den bo presensia, e mesun gloria ku Mi tabatin huntu ku Bo promé ku mundu a eksistí.

Huan 2:11

Asin'akí Hesus a hasi su promé señal milagroso: ei na Kana di Galilea El a mustra su gloria i su disipelnan a kere den djE.

Huan 5:41

Mi no ta aseptá elogio di hende,

Huan 7:18

Esun ku ta papia riba su mes kuenta ta buska gloria pa su mes. Ma esun ku ta buska gloria pa esun ku a mand'é ta honesto i no tin maldat den dje.

Huan 7:39

Hesus tabata papia tokante Spiritu Santu ku esnan ku ta kere den djE lo a bai risibí. Ma na e momentonan ei Spiritu Santu no tabat'ei ainda, pasobra no a alsa Hesus na un posishon di honor ainda.

Huan 8:41

Ma boso ta hasi loke boso tata ta hasi.’ Nan a bis'É: ‘Nos no ta yu djafó, Dios mes ta nos úniko Tata!’

Huan 8:50

Mi no ta buska honor pa Mi mes; tin Un ku ta buska pa Mi haña honor i t'E ta husga.

Echonan 3:13

E Dios di Abraham, Isak i Yakob, e Dios di nos antepasadonan, a duna su Sirbidó Hesus poder supremo, Esun ku boso a entregá na e outoridatnan i rechasá dilanti di Pilato, ora e ker a pon'É den libertat.

2 Korintionan 10:18

Pasobra no ta esun ku rekomendá su mes ta ser konsiderá un bon hende, pero esun ku Señor rekomendá.

1 Pedro 1:12

Pero Dios a mustra nan ku e kosnan ku nan tabata profetisá no tabata pa nan mes, pero pa boso. Wèl, ta e kosnan ei mes boso a tende awor di esnan ku a prediká e bon notisia ku poder di Spiritu Santu, e poder ku Dios a manda for di shelu. Asta e angelnan tin gana di tira un bista pa sa kiko e kosnan ei ta!

1 Pedro 1:21

Pa medio di djE boso ta kere den Dios ku a lant'É for di morto i glorifik'É. P'esei boso ta kere den Dios i spera riba djE.

2 Pedro 1:17

Nos tabat'ei, ora El a risibí honor i gloria di Dios Tata. Na e momento ei stèm di Mahestat Glorioso a resoná: ‘Esun akí ta mi Yu stimá; E ta e legria di mi kurason.’