Huan 6:68 - Papiamentu Bible 2013

⁶⁸ Simon Pedro a kontestá: ‘Señor, serka ken nos tin ku bai? Abo tin e palabranan ku ta duna bida eterno!

Beibel na Papiamentu Koriente 2013

⁶⁸ Simon Pedro a kontestá: ‘Señor, serka ken nos tin ku bai? Abo tin e palabranan ku ta duna bida eterno!

Huan 6:68 ပူးပေါင်းရင်းမြစ်များ

Salmo 73:25

Ken mi tin den shelu? Abo so! Si mi ta ku Bo, kiko mundu ta importá mi?

Mateo 16:16

Simon Pedro a kontestá: ‘Bo ta Mesias, e Yu di Dios Bibu!’

Marko 8:29

E ora ei Hesus a puntra nan: ‘Anto boso mes, ken boso mes ta bisa ku Mi ta?’ Pedro a kontestá: ‘Bo ta Mesias.’

Lukas 9:20

E ora ei Hesus a puntra nan: ‘Anto boso mes, ken boso ta bisa Mi ta?’ Pedro a kontest'É: ‘Bo ta e Mesias, ku Dios a primintí!’

Huan 12:49

Pasobra Mi no a papia riba mi mes outoridat, ma riba esun di Tata ku a manda Mi; E mes a duna Mi òrdu kiko bisa i proklamá.

Huan 12:50

Anto Mi sa ku su enkargo ta pa Ami duna bida eterno. Ke men, loke Ami bisa, ta loke Tata a siña Mi.’

Huan 17:8

Pasobra Mi a duna nan e mensahe ku Abo a duna Mi i nan a risibié; nan a bin haña sa ku ta bèrdat ku Mi ta bini di Bo i nan ta kere ku Abo a manda Mi.

Huan 5:24

Hesus a sigui bisa nan: ‘Mi ta sigurá boso: esun ku skucha Mi i pone su fe den Esun ku a manda Mi, tin bida eterno. El a pasa di morto pa bida kaba; lo no konden'é.

Huan 6:40

Pasobra ta mi Tata su boluntat pa tur ku mira su Yu i kere den djE, haña bida eterno i pa Mi mes lanta nan for di morto riba e último dia.’

Huan 6:63

Loke ta duna bida ta Spiritu di Dios, naturalesa humano no por yuda ku nada. E palabranan ku Ami a papia ku boso, ta bini di Spiritu di Dios i nan ta duna bida.

Echonan 13:26

Rumannan, boso ku ta desendiente di Abraham i boso ku ta sirbi Dios: ta pa nos e palabra di salbashon akí a bini.

Echonan 4:12

Den djE so por haña salbashon; riba mundu no tin niun otro nòmber duná na hende, ku por salba nos.’

Echonan 5:20

‘Bai den tèmpel i konta tur hende tokante e bida nobo akí!’

Echonan 7:38

T'é tabata esun tambe ku a intermediá entre nos antepasadonan i e angel ku tabata riba Seru di Sinai ora henter e pueblo tabata aya den desierto. El a tende e palabranan ku ta duna nos bida.

Echonan 8:37

Felipe a kontestá: 'Nada! Basta bo kere di henter bo kurason.' E ofisial a kontestá: 'Mi ta kere ku Hesu-Kristu ta Yu di Dios.']