Huan 3:13 - Papiamentu Bible 2013

¹³ Niun hende no a yega di subi bai shelu; ta solamente Yu di hende a baha bini for di shelu.

Beibel na Papiamentu Koriente 2013

¹³ Niun hende no a yega di subi bai shelu; ta solamente Yu di hende a baha bini for di shelu.

Huan 3:13 ပူးပေါင်းရင်းမြစ်များ

Proverbionan 30:4

Pero un hende a yega di subi bai shelu i bolbe bini abou despues? Un hende a yega di kohe bientu tene ku su man òf lora awa warda den su mantel? Ken a determiná unda mundu ta kaba? Kon yama e hòmber ei i kon yama su yu? Bisa mi si bo sa.

Mateo 28:20

i siña nan kumpli ku tur loke Mi a manda boso. I sa ku Mi ta ku boso tur dia, te na fin di mundu.’

Mateo 8:20

Hesus a kontest'É: ‘Zoro tin kueba i para tin nèshi, ma e Yu di hende no tin niun kaminda pa E sosegá su kabes.’

Huan 1:18

Nunka niun hende no a mira Dios, ma su úniko Yu, pegá na Tata su kurason i Dios meskos ku Tata, a revelá ken Dios ta.

Huan 13:3

Hesus tabata sa ku Tata a dun'É poder riba tur kos, ku El a bini di Dios i ku E tabata bai bèk serka Dios.

Huan 17:5

Tata! Duna Mi gloria awor akí den bo presensia, e mesun gloria ku Mi tabatin huntu ku Bo promé ku mundu a eksistí.

Huan 3:12

Si boso no ta kere Mi ora Mi papia tokante kos terenal, ta kon boso lo por kere Mi antó ora Mi papia tokante kos selestial?

Huan 3:31

Esun ku ta bini djariba ta mas ku tur hende. Esun ku ta biba riba mundu ta pertenesé na mundu i e ta papia di kos ku tin di aber ku e mundu akí. Esun ku ta bini di shelu ta riba tur hende;

Huan 6:33

Pasobra e pan ku Dios ta duna, ta baha for di shelu i ta duna mundu bida.’

Huan 6:38

Pasobra Mi no a baha for di shelu pa kumpli ku mi mes boluntat, ma pa kumpli ku boluntat di Esun ku a manda Mi.

Huan 6:42

P'esei nan tabata komentá: ‘Ma n' ta Hesus, yu di Hosé, esei? Nos no konosé su mama i su tata? Pakiko e ta pretendé anto ku el a baha for di shelu?’

Huan 6:46

No ku niun hende a yega di mira Tata; ta solamente Esun ku ta bini di Dios a mira Tata.

Huan 6:51

Ami ta e pan bibu ku a baha for di shelu. Si un hende kome e pan akí, e ta biba pa semper. E pan ku Ami lo duna ta mi mes karni, ku Mi ta duna pa mundu haña bida!’

Huan 6:62

Suponé ku boso mira Yu di hende subi bai bèk kaminda E tabata promé!

Huan 8:42

Hesus a bisa nan: ‘Si Dios tabata boso Tata, boso lo a stima Mi, pasobra Mi a bini di Dios i Mi t'aki. Mi no a bini riba Mi mes, ma t'E a manda Mi.

Echonan 2:34

David mes no a subi bai shelu; e mes ta bisa: “Señor Dios a bisa mi Señor: Sinta aki na mi man drechi,

Echonan 20:28

Kuida boso kurpa i henter e trupa di karné ku Spiritu Santu a pone na boso enkargo. Sea wardadó di iglesia di Dios, e iglesia ku El a gana pa E mes, pa medio di su mes sanger.

Romanonan 10:6

Pero tokante kon bira hustu den bista di Dios dor di fe tin bisá: ‘No puntra den bo mes: “Ken lo subi bai shelu?” ’, ke men, pa buska Kristu bini abou kunÉ.

1 Korintionan 15:47

E promé hende, trahá di tera, a bini di tera, pero e di dos hende a bini di shelu.

Efesionan 1:23

Anto iglesia ta kurpa di Kristu, yená kunÉ, ku ta yena tur kos den universo kompletamente ku su presensia.

Deuteronomio 30:12

Nan no ta den shelu di manera ku boso no tin nodi di bisa: “Ken lo subi bai shelu bai buska nan pa nos i laga nos tende nan, di manera ku nos por kumpli ku nan?”