Huan 20:16 - Papiamentu Bible 2013

¹⁶ Hesus a bis'é: ‘Maria!’ E ora ei Maria a bira kara p'E i a bisa na arameo: ‘Rabuni!’ Esei ta nifiká ‘Maestro’.

Beibel na Papiamentu Koriente 2013

¹⁶ Hesus a bis'é: ‘Maria!’ E ora ei Maria a bira kara p'E i a bisa na arameo: ‘Rabuni!’ Esei ta nifiká ‘Maestro’.

Huan 20:16 ပူးပေါင်းရင်းမြစ်များ

Génesis 22:1

Poko tempu despues Dios a pone Abraham na prueba. El a yam'é: ‘Abraham!’ Abraham a kontestá: ‘Ata mi aki.’

Génesis 22:11

Angel di SEÑOR a yam'é: ‘Abraham, Abraham!’ El a kontestá: ‘Ata mi aki!’

Génesis 45:12

Mi ruman Benhamin i boso por mira ku boso mes wowo ku t'ami mes ta papia ku boso.

Éksodo 3:4

Ora SEÑOR a ripará ku Moises tabata bin wak, El a grit'é for di den e mata: ‘Moises, Moises!’ ‘Ata mi akí,’ Moises a kontestá.

Éksodo 33:17

SEÑOR a bisa Moises: ‘Mi ta bolbe hasi loke bo a pidi, pasobra Mi ke bo bon i tambe pasobra Mi konosé bo bon bon.’

E kanto di tur kanto 3:4

Mi n' kana pasa nan ku ata un tiki mas ayá mi ta topa ku e amor di mi bida. Mi ta dal man ten'é i mi n' ta lag'é lòs, ku n' ta te ora mi gan'é den kas di mi mama, den kamber di esun ku a karga mi den su seno.

E kanto di tur kanto 5:2

Mi tabata na soño, pero mi kurason sí tabata lantá. Ata mi ta tende un zonido, ta mi amor ta bati porta! E ta grita: ‘Habri, mi ruman, dushi di mi, mi palomita, mi prenda presioso! Mi kabes ta papa muhá di serena, su gotanan ta kologá na mi kabei.’

Isaías 43:1

Pero Esun ku a krea bo, Israel, Esun ku a forma bo, pueblo di Yakob, ta bisa bo awor: ‘No tene miedu, Mi a sali pa bo, M'a yama bo na bo nòmber, bo ta di Mi.

Mateo 14:27

Mesora Hesus a kuminsá papia ku nan i bisa: ‘Keda trankil, t'Ami, no tene miedu!’

Marko 10:51

Hesus a puntr'É: ‘Kiko bo ke pa Mi hasi pa bo?’ Bartimeo a kontestá: ‘Maestro, laga mi mira atrobe.’

Lukas 10:41

Señor a kontest'é: ‘Marta, Marta, bo ta preokupá i den tenshon pa hopi kos,

Huan 1:38

Hesus a drei wak i ora El a mira nan ta siguiÉ, El a puntra nan: ‘Kiko boso ke di Mi?’ Nan a kontestá: ‘Rabi, unda bo ta biba?’ E palabra ‘Rabi’ ta nifiká ‘Maestro’.

Huan 1:49

‘Rabi,’ Natanaèl a kontestá, ‘Bo ta e Yu di Dios; t'Abo ta rei di Israel!’

Huan 10:3

Esun na porta ta habri p'e drenta, i e karnénan ta rekonosé su stèm. E ta yama su karnénan na nan nòmber i ta guia nan bai pafó di kurá.

Huan 11:28

Despues di a bisa asina, Marta a bai kas bèk i bisa su ruman Maria ketu ketu: ‘Maestro ta aki; E ke papia ku bo.’

Huan 13:13

Ku rason boso ta yama Mi “Maestro” i “Señor”, pasobra esei Mi ta.

Huan 20:28

Tomas a bisa: ‘Mi Señor i mi Dios!’

Huan 3:2

Un anochi el a bai serka Hesus i bis'É: ‘Rabi, nos sa ku Dios a manda bo pa siña nos. Niun hende no por hasi e señalnan milagroso ku bo ta hasi, si Dios no ta huntu kuné.’

Huan 5:2

Ei, serka di Porta di Karné tabatin un tanki di awa ku na arameo yama Betesda. E tanki di awa tabatin sinku galeria ku pilá.

Huan 6:25

Ora nan a hañ'É na e otro banda di e lago, nan a puntr'É: ‘Rabi, fo'i ki ora bo t'aki?’

Echonan 10:3

Un dia, banda di tres or di mèrdia, el a haña un vishon. El a mira kla kla kon un angel di Dios a drenta paden i bis'é: ‘Kornelio!’

Echonan 9:4

El a kai na suela i tende un stèm bis'é: ‘Saulo, Saulo, pakiko bo ta persiguí Mi?’

1 Samuel 3:10

Despues SEÑOR a bini, keda para i a yam'é meskos ku e bianan promé: ‘Samuel, Samuel.’ ‘Papia, pasobra bo sirbidó ta skucha,’ Samuel a kontestá.

1 Samuel 3:6

Pero SEÑOR a bolbe yam'é: ‘Samuel.’ Samuel a lanta bai serka Eli i a bis'é: ‘Ata mi akí. Pakiko bo a yama mi?’ ‘Mi no a yama bo, mi yu. Bai drumi atrobe,’ Eli a rospondé.