Huan 12:23 - Papiamentu Bible 2013

²³ Hesus a rospondé nan: ‘E ora a yega pa Yu di hende haña honor.

Beibel na Papiamentu Koriente 2013

²³ Hesus a rospondé nan: ‘E ora a yega pa Yu di hende haña honor.

Huan 12:23 ပူးပေါင်းရင်းမြစ်များ

Isaías 55:5

Awor abo tambe, Israel, lo hasi un yamada na nashonnan straño i deskonosí i e hendenan akí ku no konosé bo lo bini na kareda serka bo. Pasobra M'a duna bo gran prestigio, Ami, SEÑOR, bo Dios, e Dios Santu di Israel.’

Isaías 60:9

Ta barku di bela di paisnan leu, e barkunan grandi di Tarsis ta bini dilanti. Nan ta reuní pa trese bo yunan bèk ku nan oro i plata huntu ku nan: nan ta bin duna honor na SEÑOR, bo Dios, e Dios Santu di Israel, ku a yena bo ku tantu splendor.

Mateo 25:31

Ora Yu di hende bini den su gloria, huntu ku tur su angelnan, lo E sinta riba su trono glorioso.

Mateo 26:45

Despues El a bai serka su disipelnan i bisa nan: ‘Sigui drumi i sosegá numa. Ata e ora ta serka! Ta bai entregá Yu di hende den man di pekadó.

Marko 14:35

Hesus a bai un tiki mas leu i a tira su kurpa abou na suela. E tabata resa pa, si ta posibel, e ora di sufrimentu pasa bai lag'É.

Marko 14:41

El a bini bèk pa di tres be i bisa nan: ‘Sigui drumi i sosegá numa. Ya tur kos a pasa. Awor e ora a yega! Nan ta entregá Yu di hende den man di pekadó.

Huan 12:16

Na prinsipio e disipelnan no tabata komprondé tur loke tabata pasa na e momento ei. Ma ta ora a alsa Hesus den gloria, e ora ei numa nan a bin kòrda ku e Skritura ei tabata trata di djE i ku ta esei nan a hasi kunÉ.

Huan 12:27

Hesus a sigui bisa: ‘Awor mi paden ta tur sobresaltá, ma kiko Mi mester hasi? Tata, libra Mi di loke ta bai pasa e ora akí! Nò, ta pa kumpli ku e ora akí mes Mi a bini riba mundu!

Huan 13:1

Fiesta di Pésag tabata serka i Hesus tabata sa ku su ora a yega pa bai laga e mundu akí i bai serka su Tata. Te na final El a sigui mustra su amor pa esnan ku riba e mundu akí tabata pertenesé n'E.

Huan 7:39

Hesus tabata papia tokante Spiritu Santu ku esnan ku ta kere den djE lo a bai risibí. Ma na e momentonan ei Spiritu Santu no tabat'ei ainda, pasobra no a alsa Hesus na un posishon di honor ainda.