Hebreonan 9:27 - Papiamentu Bible 2013

²⁷ Hende mester muri un bia i despues huisio ta bini.

Beibel na Papiamentu Koriente 2013

²⁷ Hende mester muri un bia i despues huisio ta bini.

Hebreonan 9:27 ပူးပေါင်းရင်းမြစ်များ

Génesis 3:19

Ku sodó di bo frenta lo bo gana bo pan di kada dia, te dia bo bolbe bira tera; pasobra ta di dje Mi a forma bo. Tera bo ta i tera lo bo bolbe bira.’

2 Samuel 14:14

Muri nos tur mester muri, nos ta manera awa ku ta plama abou i ku no por rekohé mas. Dios no ta hasi eksepshon pa ningun hende. Pero wèl E ta buska di tur manera pa esun ku ta desterá no keda alehá for di djE.

Job 14:5

Unabes ku dianan di hende ta determiná, ku Bo a dekretá e kantidat di luna ku l'e biba i ku Bo a fiha un límite ku e no por surpasá,

Job 19:25

Ma mi sa ku mi defensor ta bibu i ku al fin i al kabo e ta lanta para.

Job 30:23

Mi tin sigur ku ta Bo ta mi morto i ta hiba mi na e lugá, kaminda tur hende lo reuní, hende ku awe ainda ta bibu.

Salmo 89:48

Ken por sigui biba sin mira morto, por salba su bida fo'i gara di abismo?

Predikador 11:9

Gosa di bo hubentut, gosa tanten bo ta hóben ainda. Hasi loke bo ta gusta, loke bo tin gana di hasi, pero kòrda sí ku bo mester duna kuenta na Dios.

Predikador 12:14

Pasobra Dios lo husga tur kos ku bo hasi, asta loke hende no por mira, sea ku ta algu bon òf algu malu.

Predikador 12:7

Bo kurpa ta kaba bira stòf, bai bèk den e tera for di kual el a sali; i bo rosea di bida ta bai bèk serka Dios, ku a duna bo e.

Predikador 3:2

ora pa nase i ora pa muri, ora pa planta i ora pa koba saka fo'i tera,

Predikador 3:20

Ta dera nan tur dos den e tera for di kua a traha nan i finalmente tur dos ta kaba bira tera atrobe.

Predikador 9:10

Hasi loke bo por hasi ku bo forsa, pasobra den e graf kaminda bo ta bai no tin trahamentu, ni planiamentu, ni konosementu, ni sabiduria.

Predikador 9:5

Hende bibu sa sikiera ku nan ta muri, pero e mortonan no sa nada mas. Nan no tin nada mas di spera, asta nan nòmber hende ta lubidá.

Lukas 20:32

Por último e muhé mes a muri bai.

Echonan 17:31

Pasobra El a fiha un dia riba kua lo E husga henter mundu segun hustisia pa medio di un hòmber ku El a apuntá. El a proba esaki na tur hende pa motibu ku El a lant'É for di morto.’

Romanonan 2:5

Pero bo kurason ta duru, bo ta tèrko. P'esei bo ta kumpra kastigu pa bo kurpa ku lo bo haña riba dia di kastigu, ora Dios aparesé pa dikta sentensia hustu!

Romanonan 5:12

Pues, piká a drenta mundu via un solo hende i pa via di piká a bini morto. Di e manera ei morto a plama entre tur hende, pasobra tur tur hende a hasi piká.

1 Korintionan 4:5

P'esei no husga niun hende, promé ku e tempu indiká. Warda te ora Señor bini. E lo saka na kla loke ta skondí den skuridat i lo mustra e intenshonnan ku hende tin den su kurason. Kada ken lo haña e elogio ku e meresé, serka Dios.

2 Korintionan 5:10

Pasobra nos tur tin ku aparesé dilanti di Kristu pa E husga nos. Asina kada ken lo haña su pago pa loke el a hasi durante su bida na mundu, sea ta kos bon òf kos malu.

2 Timoteo 4:1

Solemnemente mi ta pidi bo dilanti di Dios i Kristu-Hesus, Esun ku ta bai husga bibu i morto, mi ta pidi bo, pasobra Kristu-Hesus ta bini bèk komo rei:

Hebreonan 10:27

Pa nos ta keda e ora ei solamente un perspektiva horibel di huisio i di e kandela ardiente ku lo devorá enemigu di Dios.

Hebreonan 6:2

di e enseñansa tokante diferente boutismo, di ponementu di man, di resurekshon di morto i huisio eterno.

1 Huan 4:17

Asin'akí amor ta keda realmente perfekshoná den nos, esta ora nos tin konfiansa riba dia di huisio, pasobra aki na mundu kaba nos ta biba ku amor meskos ku Hesus.

Hudas 1:15

E ta bini pa dikta sentensia riba tur hende i kondená tur ku a kometé akto malbado, tur ku komo hende ku no ta tene kuenta ku Dios, a papia palabra insolente kontra djE.’

Revelashon 20:11

E ora ei mi a mira un trono grandi koló blanku i Esun ku tabata sintá riba dje. Tera i shelu a hui p'E i no a bolbe mira nan mas.