Hebreonan 9:22 - Papiamentu Bible 2013

²² Segun lei ta purifiká tur kos ku sanger; sin dramamentu di sanger no tin pordon.

Beibel na Papiamentu Koriente 2013

²² Segun lei ta purifiká tur kos ku sanger; sin dramamentu di sanger no tin pordon.

Hebreonan 9:22 ပူးပေါင်းရင်းမြစ်များ

Ezekiel 43:18

E hòmber ku tabata kompañá mi, a bisa mi: ‘Hende, esaki ta loke SEÑOR, mi Dios, ta bisa: “Esakinan ta e reglanan relashoná ku e altá. Ora e altá ta kla pa ofresé sakrifisio i sprengu sanger riba dje,

Levítiko 14:14

Saserdote ta kohe un tiki sanger di e bestia i hunt'é na e parti abou di e orea drechi, na e dùim drechi i na e tenchi grandi di pia drechi di e hende ku mester ta purifiká.

Levítiko 14:25

E ta mata e chubatu di karné yòn pa e sakrifisio di debe, kohe poko di su sanger i hunt'é na parti abou di orea drechi di e hende, na dùim drechi i na tenchi grandi di pia drechi.

Levítiko 14:6

E ta kohe e otro para i djump e huntu ku e palu di seder, e kos di tinzji i e taki di hisopo den sanger di e para ku nan a mata riba e skal yená ku awa di bròn.

Levítiko 17:11

Pasobra bida di kada kriatura ta den e sanger. SEÑOR a outorisá boso pa usa e sanger riba altá, pa drecha tur kos atrobe entre boso i Dios. En realidat ta e sanger ta pone ku boso ta haña pordon, pasobra t'é ta kargadó di bida.

Levítiko 4:20

E ta hasi ku e toro eksaktamente meskos ku e ta hasi ku e toro ku e ta ofresé pa su mes piká. Asina e saserdote ta drecha tur kos atrobe entre e pueblo i Dios, i Dios ta pordoná nan nan piká.

Levítiko 4:26

E ta kima di e bestia tur e partinan ku tin sebu, manera den kaso di e sakrifisio di pas. E ta drecha tur kos atrobe entre e hefe di tribu i Dios, i Dios ta pordon'é su piká.

Levítiko 4:35

Despues e saserdote ta saka tur e sebu, meskos ku den kaso di e karné pa sakrifisio di pas, i e ta kim'é riba altá huntu ku e sakrifisionan di kuminda pa SEÑOR. Asina e ta drecha tur kos atrobe entre e hende i Dios, i Dios ta pordoná su piká.

Levítiko 5:10

E di dos e mester ofresé komo sakrifisio di kandela segun e preskripshon. Asina e saserdote ta drecha tur kos atrobe entre e hende i Dios i Dios ta pordon'é su piká.

Levítiko 5:11

Si e hende no tin moda di paga dos tòrteldùif òf dos pichon, e mester ofresé, pa pordon di su piká, mas o ménos dos kana di hariña fini. E no mester basha zeta riba e hariña ni pone sensia huntu, pasobra ta un sakrifisio pa pordon di piká.

Levítiko 5:12

E mester hiba e hariña pa saserdote; saserdote ta kohe un man yen afó i kim'é riba e altá huntu ku e otro ofrendanan pa SEÑOR, esei ta ekspresá ku henter e ofrenda ta dediká na SEÑOR. Asina e ta un sakrifisio pa pordon di piká.

Levítiko 5:18

E mester hiba komo sakrifisio di debe un chubatu di karné sin niun defekto i ku tin un balor stipulá, pa saserdote. Asina e saserdote ta drecha tur kos atrobe entre e hende i Dios i Dios ta pordon'é e piká ku el a hasi sin sa i fuera di su boluntat.

Levítiko 6:7

Asina saserdote ta drecha tur kos atrobe entre e hende i Dios i Dios ta pordon'é su piká.’