Hakobo 3:2 - Papiamentu Bible 2013

² Nos tur ta kometé tur sorto di fayo. E hende ku no ta faya den loke e ta bisa ta un hende madurá, kapas di dominá henter su kurpa.

Beibel na Papiamentu Koriente 2013

² Nos tur ta kometé tur sorto di fayo. E hende ku no ta faya den loke e ta bisa ta un hende madurá, kapas di dominá henter su kurpa.

Hakobo 3:2 ပူးပေါင်းရင်းမြစ်များ

1 Reinan 8:46

Kisas por yega dje leu ei ku e israelitanan ta peka kontra Bo — tòg no tin ningun hende ku no ta hasi piká —, Bo ta bira furioso riba nan i entregá nan na nan enemigunan ku ta kohe nan prezu i hiba nan nan pais, ei serka òf leu.

2 Krónikanan 6:36

Kisas por yega dje leu ei ku e israelitanan ta peka kontra Bo — tòg no tin ningun hende ku no ta hasi piká —, Bo ta bira furioso riba nan i entregá nan na nan enemigunan ku ta kohe nan prezu i hiba nan un pais, serka òf leu.

Job 15:13

di manera ku bo ta ventilá bo rabia kontra Dios i ta skupi sorto di palabra asina fo'i bo boka?

Salmo 34:13

Anto warda bo lenga di maldat i bo lepnan di papia mentira.

Salmo 39:1

Mi di: Laga mi warda mi kurpa pa mi no hasi piká ku mi lenga; mi ke bisti mi boka un bosal, tanten ku tin malbado mi dilanti.

Proverbionan 10:19

Hende ku ta papia pa loko, fásilmente ta papia su boka forbei, hende ku ta poko di papia ta inteligente.

Proverbionan 13:3

Es ku kontrolá su palabranan ta kontrolá su mes, es ku papia pa loko ta ruiná su mes.

Proverbionan 20:9

Ken por bisa: ‘Mi a purifiká mi kurason; mi a keda limpi sin piká?’

Proverbionan 21:23

Es ku sa ki ora e papia, n' ta hañ'é den problema.

Predikador 7:20

Tene bo na tur dos konseho, pasobra riba mundu no tin niun hende hustu ku ta hasi bon sin peka nunka.

Isaías 64:6

Nos tur ta impuru, inkapas pa sirbi Bo, nos mihó echonan ta repugnante manera paña chikí sushá na sanger. Nos ta kulpabel i ta kai manera blachi seku, bientu ta hisa nos bai kuné.

Levítiko 13:39

e saserdote mester samin'é. Si resultá ku e manchanan ta blanku sushi, ta trata di un iritashon inosente ku a afektá e kueru; e hende ta keda puru.

Mateo 12:34

Rasa di kolebra! Kon boso, ku ta mal hende, por papia kos bon? Pasobra boka ta papia loke kurason ta yená kuné.

Mateo 12:37

Pasobra ta bo mes palabranan lo demostrá si bo ta inosente òf si mester kondená bo.’

Romanonan 3:10

Manera tin skibí den Skritura: No tin niun ku ta hasi bon, ni sikiera ún!

Romanonan 7:21

Mi ta deskubrí pues e prinsipio akí: ounke mi ke hasi loke ta bon, ta maldat so mi ta haña mi ta hasi.

1 Korintionan 9:27

Al kontrario, mi ta kohe mi kurpa ku sla pa e bira duru i keda disipliná, ya mi mes no ta keda deskualifiká despues di a prediká pa otro hende.

Galatanan 3:22

Pero manera Skritura ta bisa: nos tur ta biba bou di dominio di piká, ya asina e promesa hasí pa Dios a base di fe den Hesu-Kristu, por konta pa esnan ku ta kere.

Galatanan 5:17

Pasobra mal deseo ta bringa Spiritu di Dios i E ta bringa nan! Esun ta bai kontra di e otro, ke men ku boso no por djis hasi loke boso ke!

Kolosensenan 1:28

T'É nos ta proklamá, ora nos, yená ku sabiduria, koregí i siña tur hende pa hiba nan na madures den union ku Kristu.

Kolosensenan 4:12

Kumindamentu di Epafras; e ta un di boso i sirbidó di Kristu-Hesus. Semper e ta resa pa boso ku mashá fervor pa boso para firme komo kreyente madurá ku ta obedesé boluntat di Dios den tur kos.

Hebreonan 13:21

proveé boso di tur kos bon ku boso tin mester pa kumpli ku su boluntat. E, pa medio di Hesu-Kristu, hasi den nos loke ta agrad'É. N'E sea tur honor te den eternidat! Amèn.

Hakobo 1:26

Si un hende ta kere ku e ta mashá dediká na Dios, pero e no por frena su lenga, e ta gaña su mes i su dedikashon no ta sirbi pa nada.

Hakobo 1:4

I sòru pa e fortalesa ei hiba boso na madures kompleto i na un bida ireprochabel i pa boso no faya den nada.

Hakobo 2:10

Pasobra ken ku aten'é na henter Lei, pero faya ku djis ún mandamentu so ta resultá kulpabel di a faya ku tur e otro mandamentunan.

1 Pedro 3:10

Manera Skritura ta bisa: ‘Tin hende ku ke biba hopi tempu, ku ke pasa nan dianan den bon? Laga nan warda nan lenga di maldat i nan lepnan di papia mentira.

1 Pedro 5:10

Pero despues di a sufri pa un tempu kòrtiku, Dios mes lo restourá, fortalesé i fortifiká boso; lo E establesé boso riba un fundeshi fuerte. Ta e mesun Dios, fuente di tur grasia, a yama boso, pa toka parti den su gloria eterno den union ku Kristu-Hesus.