Hakobo 1:27 - Papiamentu Bible 2013

²⁷ Ata aki loke Dios Tata ta konsiderá dedikashon puru i ireprochabel: buska drechi di e wérfano i biuda ku ta pasa trafat, i wak pa maldat di e mundu akí no susha bo.

Beibel na Papiamentu Koriente 2013

²⁷ Ata aki loke Dios Tata ta konsiderá dedikashon puru i ireprochabel: buska drechi di e wérfano i biuda ku ta pasa trafat, i wak pa maldat di e mundu akí no susha bo.

Hakobo 1:27 ပူးပေါင်းရင်းမြစ်များ

Salmo 119:1

Felis t'esnan ku nan andá ta sin mancha, siguiendo lei di SEÑOR!

Salmo 146:9

SEÑOR ta protegé strañeronan, ta sostené yunan sin mama i biudanan, ma E ta bruha kaminda di mal hende.

Salmo 68:5

Un tata di yunan ku a pèrdè nan mama, un defensor di muhénan ku a pèrdè nan esposo: asina Dios ta den su kas sagrado,

Isaías 1:23

Bo gobernantenan ta rebelde, kompinchi di ladron. Tur gusta pa hende susha nan man i ta ansioso pa tuma sèn bou 'i mesa. Nan no ta trata wérfano ku hustisia i keho di biuda no ta importá nan.

Mateo 12:32

Esun ku papia un palabra kontra e Yu di hende, lo haña pordon, ma esun ku papia kontra Spiritu Santu, lo no haña pordon. Ni den e tempu akí, ni den e tempu ku ta bini.

Mateo 5:8

Felis esnan kurason limpi; nan lo mira Dios.

Lukas 1:6

Nan tur dos tabata hende hustu den bista di Dios i nan tabata biba den un forma ireprochabel, di akuerdo ku tur Dios su leinan i su mandamentunan.

Romanonan 12:2

I no laga e manera di pensa di e mundu akí forma boso, al kontrario, laga Dios transformá boso i duna boso un manera nobo di pensa. E ora ei boso lo konstatá kiko E ke di boso, esta loke ta bon, agradabel i perfekto.

Romanonan 2:13

Dios no ta aseptá hende komo hustu djis pasobra e ta skucha Lei di Moises, sino pasobra e ta kumpli ku e Lei.

Galatanan 1:4

Segun boluntat di nos Dios i Tata, Hesu-Kristu a entregá su mes bida pa nos pikánan pa libra nos di e era akí ku ta dominá pa maldat.

Galatanan 3:11

Ke men antó, ta bon kla ku Dios no ta aseptá niun hende, pa motibu ku e ta kumpli ku Lei, ya ku Skritura ta bisa: ‘E hende ku pa medio di fe ta hustu den bista di Dios, lo biba.’

Galatanan 5:6

Pasobra serka siguidónan di Kristu-Hesus no ta importante si un hende ta sirkunsidá òf nò. Ta e fe ku ta funshoná pa medio di amor ta konta.

Galatanan 6:14

Ami sí no ke broma ku nada otro ku no ta krus di nos Señor Hesu-Kristu. Pasobra pa motibu di loke El a hasi na krus, mundu a muri pa mi i ami ta morto pa mundu.

Efesionan 2:2

Boso tabata sigui mal kaminda di e mundu akí, kaminda di esun ku ta enkabesá e podernan di den laria. Ta e spiritu malbado ei mes ta hasi su trabou awor akí den mente di esnan ku no ke tende di Dios.

Deuteronomio 14:29

Esei ta destiná pa mantenshon di e levitanan, ku no tin tereno propio, i pa e strañeronan, biudanan i wérfanonan ku ta biba serka boso den siudat. E ora ei SEÑOR, boso Dios, lo bendishoná boso den tur boso trabou.

1 Timoteo 1:5

Ma propósito di proklamashon di plan di Dios ta pa promové amor ku ta sali di un kurason puru, un konsenshi limpi, i fe berdadero.

1 Timoteo 5:4

Pero si un biuda tin yu òf ñetu, ta nan mester siña kumpli promé ku nan deber ku nan mes famia i asina paga bèk loke nan famia a hasi pa nan. Esei ta agradá Dios.

Tito 2:12

Bondat di Dios ta siña nos renunsiá un bida sin Dios, ku pashon mundano, i hiba un bida prudente, rekto i dediká na Dios, riba e mundu akí,

Hakobo 3:17

Esnan ku tin e sabiduria ku ta bini di Dios, na promé lugá ta hiba un bida puru. Tambe nan ta hende ku ta trese pas, hende amabel, habrí pa tende, yená ku kompashon, sin prehuisio òf hipokresia, i nan ta produsí un kosecha di bon obra.

Hakobo 3:9

Nos ta us'é pa alabá nos Señor i Tata, i tambe pa maldishoná hende, ku ta kreá segun imágen di Dios.

Hakobo 4:4

Hendenan infiel! Boso no sa ku amistat ku mundu ta nifiká enemistat ku Dios? Esun ku ke bira amigu di mundu ta bira enemigu di Dios!

2 Pedro 1:4

Pa medio di e kosnan akí El a duna nos su promesanan ku ta di gran balor i hopi importansia. Asin'ei boso por hui di e dekadensia di e mundu akí ku ta konsekuensia di mal deseo i boso por tuma parti den naturalesa di Dios.

2 Pedro 2:20

Si e hendenan ei, ku a konosé nos Señor i Salbador Hesu-Kristu i asina a logra hui di e sushedat ku tin den mundu, bolbe kai den e kosnan ei i keda bou di nan dominio, nan lo ta pió ku ántes.

2 Pedro 3:14

P'esei antó, mi kerido rumannan, komo boso ta warda pa e kosnan akí tuma lugá, hasi boso máksimo esfuerso pa Dios haña boso puru i sin mancha, i pa boso ta na pas kunÉ.

1 Huan 5:18

Nos sa ku esun ku a nase di Dios no ta sigui den piká, pasobra Yu di Dios ta kuid'é i e malbado no por mishi kuné.