Hakobo 1:19 - Papiamentu Bible 2013

¹⁹ Mi rumannan stimá, tene kuenta ku loke mi a bisa i sea ansioso pa skucha, pero lento na papia i na rabia!

Beibel na Papiamentu Koriente 2013

¹⁹ Mi rumannan stimá, tene kuenta ku loke mi a bisa i sea ansioso pa skucha, pero lento na papia i na rabia!

Hakobo 1:19 ပူးပေါင်းရင်းမြစ်များ

Nehemías 8:18

Shete dia largu nan a hasi fiesta i for di e promé dia te e último, Esdras tabata lesa for di e lei di Dios. Riba e di ocho dia tabatin un reunion di fiesta pa klousurá segun ta preskribí.

Nehemías 9:17

Nan a nenga di skucha i a lubidá e milagernan ku Bo a hasi pa nan. Nan tabata asina tèrko, ku nan a nombra un lider pa hiba nan bèk den sklabitut na Egipto. Pero Bo ta un Dios ku ta gusta pordoná, Bo ta un Dios piadoso i mizerikordioso, Bo ta yen di pasenshi, Bo ta un Dios di amor, Bo no a laga nan pa nan kuenta.

Nehemías 9:3

Miéntras nan tabata pará na nan lugá, a lesa durante tres ora na bos altu for di e buki di lei di SEÑOR, nan Dios, i durante tres ora mas nan a bùig pa adorá SEÑOR, nan Dios, i nan a rekonosé nan falta.

Job 32:16

Mi mester para warda, miéntras nan ta keda ketu, sin palabra sali fo'i nan boka?

Proverbionan 10:19

Hende ku ta papia pa loko, fásilmente ta papia su boka forbei, hende ku ta poko di papia ta inteligente.

Proverbionan 13:3

Es ku kontrolá su palabranan ta kontrolá su mes, es ku papia pa loko ta ruiná su mes.

Proverbionan 14:17

Hende kabes kayente ta hasi kos di bobo, hende cha tiger ta pone hende haña rabia riba dje.

Proverbionan 14:29

Tene pasenshi ta muestra di hopi inteligensia, no tene pasenshi ta muestra di gran bobedat.

Proverbionan 15:18

Hende kabes kayente ta lanta rabia, hende ku pasenshi ta kalma pleitu.

Proverbionan 15:2

Palabra di hende sabí ta demostrá komprondementu berdadero, for di palabra di hende bobo ta brota bobedat.

Proverbionan 16:32

Tene pasenshi ta bal mas ku ser balente, dominá bo mes ta bal mas ku konkistá siudat.

Proverbionan 17:14

Kuminsá pleita ta manera traha buraku den dam; asina ta, légumai e motibu promé ku e pleitu kuminsá.

Proverbionan 17:27

Papia poko ta kos di hende sabí, keda kalmu kos di hende inteligente.

Proverbionan 18:13

Rospondé promé ku kaba di skucha ta ko'i bobo i un bèrgwensa.

Proverbionan 18:21

Palabra tin poder riba bida i morto; hende ku gusta papia, mester karga e konsekuensianan.

Proverbionan 19:11

Hende huisioso no ta rabia lihé; ta respetá nan pasobra nan no ta tuma nada na malu.

Proverbionan 19:19

Hende ku ta rabia muchu lihé ta hañ'é den problema, defend'é kontra kastigu ta hasi kos pió.

Proverbionan 21:23

Es ku sa ki ora e papia, n' ta hañ'é den problema.

Proverbionan 25:28

Manera un siudat sin muraya i eksponé na peliger, asina t'e hende ku no por dominá su mes.

Proverbionan 29:20

B'a yega di topa un hende ku ta papia pa loko? Tin mas speransa p'un hende bobo.

Numbernan 22:27

Ora e buriku a mira Angel di SEÑOR atrobe, el a kai drumi abou. Bileam a drenta un rabia dal e buriku ku un palu.

Mateo 5:22

Ma Ami ta bisa boso: Mester hiba tur hende ku rabia ku su ruman dilanti di korte. Es ku yama su ruman kabes duru, mester duna kuenta na sanhedrin, e korte supremo. Es ku yama su ruman idiot mester paga p'esei den kandela di fièrnu.

Marko 12:37

Awor, si David mes ta yam'É Señor, ta kon bini e Mesias por ta yu di David?’ E multitut grandi tabata skucha Hesus ku plaser.

Marko 2:2

A bini asina hopi hende huntu ku no tabatin mas lugá, ni sikiera na entrada di e kas. E tabata prediká e bon notisia na e hendenan akí.

Lukas 15:1

Tur kobradó di belasting i otro pekadó tabata bini serka djE pa skucha su palabranan.

Lukas 19:48

Ma nan no tabata sa kon hasié, pasobra henter e pueblo tabata skuch'É ku mashá atenshon.

Echonan 1:15

Den e dianan ei Pedro a lanta para meimei di e rumannan — tabatin un grupo di mas o ménos 120 persona — bisa:

Echonan 10:33

Mesora mi a manda buska bo i bo tabata asina bon di bini. Awor ata nos tur huntu den presensia di Dios, kla pa skucha tur loke Señor a manda bo bisa.’

Echonan 13:48

Ora e hendenan no hudiu a tende esei, nan a bira kontentu i bisa: ‘E mensahe di Señor ta maravioso.’ I tur esnan ku tabata destiná pa risibí bida eterno a bini na fe.

Echonan 17:11

E hendenan djei tabata mas habrí ku esnan di Tesalónika. Nan tabata skucha e mensahe ku hopi zelo i tabata skrudiñá Skritura diariamente pa mira si e kosnan ku Pablo tabata bisa tabata bèrdat.

Echonan 2:42

Tur e kreyentenan tabata fiel na siñansa di e apòstelnan i na e bida den nan komunidat, i fielmente nan tabata kibra pan i hasi orashon.

Efesionan 4:26

Boso por rabia sí, ma no peka ora boso rabia ni no bai drumi rabiá.

Efesionan 4:31

Pone un banda tur amargura, rabiamentu, lantamentu di bos, insulto, den un solo palabra: tur sorto di malisia!

Kolosensenan 3:15

Laga e pas di Kristu guia boso kurason; pasobra ta pa haña e pas ei mes, Dios a yama boso pa huntu boso forma ún kurpa. Sea gradesido na Dios!

Kolosensenan 3:8

Pero awor akí boso mester stòp di rabia, di bira furioso, di hasi maldat, di kalumniá, di papia palabra baho

1 Tesalonisensenan 2:13

I p'esei mes nos ta gradisí Dios semper, pasobra tempu boso a risibí e mensahe di Dios fo'i nos boka, boso a konsider'é di ta berdadero palabra di Dios i no di hende. Ta e palabra di Dios ei ta duna resultado den bida di boso ku ta kreyente.

Hakobo 1:16

Mi rumannan stimá, no laga niun hende gaña boso!

Hakobo 1:2

Mi rumannan, ora boso konfrontá ki sorto di prueba ku ta, tuma esei komo un oportunidat pa ta kontentu.

Hakobo 1:26

Si un hende ta kere ku e ta mashá dediká na Dios, pero e no por frena su lenga, e ta gaña su mes i su dedikashon no ta sirbi pa nada.

Hakobo 2:1

Mi rumannan, boso ku tin fe den nos glorioso Señor Hesu-Kristu no mester diskriminá hende.

Hakobo 2:5

Mi rumannan stimá, skucha mi! Dios a skohe hende pober riba e mundu akí pa ta riku den fe i tuma parti na e reino ku El a primintí esnan ku ta stim'É.

Hakobo 3:10

Palabra di alabansa i di maldishon ta brota for di e mesun boka; rumannan, esei no por!

Hakobo 4:11

Rumannan, no papia malu di otro. Esun ku papia malu di su ruman òf husg'é ta papia malu di Lei i ta husga Lei. I si abo ta husga Lei en bes di obedes'é, bo ta hasi bo mes hues riba dje!

Hakobo 5:12

Mi rumannan, mi ke enfatisá lo siguiente: No hura! Ni pa shelu, ni pa tera, ni pa nada otro! Laga boso ‘sí’ ta ‘sí’ i boso ‘nò’ ta ‘nò’, pa Dios no kondená boso.

Hakobo 5:19

Mi rumannan, si un di boso desviá for di e bèrdat i un otro tres'é bèk,

1 Huan 2:21

Mi ta skibi boso, no pasobra boso no konosé e bèrdat, ma pasobra boso konos'é i boso sa ku niun mentira no ta sali for di Esun ku ta bèrdat.