Génesis 38:26 - Papiamentu Bible 2013

²⁶ Huda a rekonosé e kosnan i el a bisa: ‘E ta den su derecho. T'ami a hasi malu pasobra mi no a lag'é kasa ku mi yu Shèla.’ Nunka mas Huda no a tene relashon ku Tamar.

Beibel na Papiamentu Koriente 2013

²⁶ Huda a rekonosé e kosnan i el a bisa: ‘E ta den su derecho. T'ami a hasi malu pasobra mi no a lag'é kasa ku mi yu Shèla.’ Nunka mas Huda no a tene relashon ku Tamar.

Génesis 38:26 ပူးပေါင်းရင်းမြစ်များ

Génesis 37:33

Ora Yakob a rekonosé e paña, el a bisa: ‘Sí, ta paña di mi yu! Un bestia feros lo a sker mi yu fo'i otro i kom'é.’

Génesis 38:14

el a kita su pañanan di biuda, tapa su kara ku un belo pa ningun hende no rekonos'é i a bai sinta na entrada di e pueblo Enaim, na kaminda pa bai Timnat. El a hasi asina pasobra e tabata sa bon bon ku Shèla a bira grandi i ku tòg nan no a lag'é kasa kuné.

Génesis 4:1

Adam a tene relashon ku su kasá Eva. Eva a sali na estado, el a duna lus na un yu hòmber i a bisa: ‘Ku yudansa di SEÑOR mi a haña un yu hòmber.’ P'esei el a yama e yu Kain.

2 Samuel 16:22

E ora ei nan a lanta un tènt pa Absalon riba dak di palasio i henter Israel por a mira kon Absalon tabata drumi ku e konkubinanan di su tata.

2 Samuel 20:3

Ora David a yega su palasio na Herusalèm, el a laga sera e dies muhénan, e konkubinanan ku el a laga tras pa tira bista riba palasio, den un kas ku bon vigilansia. El a keda mantené nan, ma e no a tene relashon ku nan mas. E muhénan a keda biba isolá manera biuda te dia nan a muri.

2 Samuel 24:17

Ora David a mira e angel ku tabata pasa kastigá e pueblo, el a bisa SEÑOR: ‘Pero t'ami a peka, t'ami a hasi malu; e pober karnénan akí, kiko nan a hasi? Laga bo kastigu kai riba ami i mi famia!’

Job 4:5

Pero awor ku ta toka abo, bo ta tambaliá; awor ku ta bo mes kueru ta pika bo ta kolèps.

Job 40:5

Mi a papia diferente be, pero awor sí no mas!’

Ezekiel 16:52

E bèrgwensa ei tambe bo mester karga antó, pasobra dor di bo pikánan bo a sali pa bo rumannan: bo a hasi kosnan mas repugnante ku nan a hasi i bo a laga parse ku kompará ku bo nan a biba un bida bon. Bo mester karga bo bèrgwensa i sinti bèrgwensa, pasobra bo a laga parse ku bo ruman muhénan ta inosente.

Habakuk 1:13

Nèt Abo, ku no sa mira malu ku wowo, ku no por wanta inhustisia, pakiko Bo ta keda ta blo mira, miéntras e hendenan traishonero akí ta hasi i deshasí? Pakiko Bo ta keda ketu ora e malbadonan ei ta habraká otro hende ku ta muchu mas hustu ku nan?

Mateo 3:8

Mihó boso produsí fruta adekuá pa mustra ku boso a kombertí.

Huan 8:9

Ora nan a tende loke El a bisa, nan a kita bai un tras di otro, esnan di mas edat na kabes. Nan a laga Hesus so, ku e muhé pará ketu bai einan.

Romanonan 13:12

Ta lat den anochi kaba i di dia ta serka di habri; p'esei ban pone tur obra di skuridat un banda i bisti armadura di lus.

Romanonan 3:19

Nos sa ku tur loke Lei ta siña ta konta pa esnan ku ta biba bou di Lei, esta e hudiunan. Ke men antó ku tur hende tin ku keda boka ketu i henter mundu, tantu hudiu komo no hudiu, mester duna Dios kuenta i rason.

1 Samuel 24:17

‘Bo tin rason, David, ami no. Pasobra bo a trata mi bon, miéntras ami a trata bo malu.

1 Samuel 24:18

Bo a kaba di demostrá ku bo ke mi bon, pasobra ounke SEÑOR a entregá mi den bo man, tòg bo no a mata mi.