Filipensenan 2:26 - Papiamentu Bible 2013

²⁶ E tin mashá gana di mira boso i ta sintié malu, pasobra boso a tende di su malesa.

Beibel na Papiamentu Koriente 2013

²⁶ E tin mashá gana di mira boso i ta sintié malu, pasobra boso a tende di su malesa.

Filipensenan 2:26 ပူးပေါင်းရင်းမြစ်များ

2 Samuel 13:39

Ora David a konformá su mes ku morto di Amnon, el a kuminsá sinti mashá falta di Absalon.

2 Samuel 24:17

Ora David a mira e angel ku tabata pasa kastigá e pueblo, el a bisa SEÑOR: ‘Pero t'ami a peka, t'ami a hasi malu; e pober karnénan akí, kiko nan a hasi? Laga bo kastigu kai riba ami i mi famia!’

Job 9:27

Si mi bisa: “Mi ta bai lubidá mi keho kontra Dios, traha un kara kontentu i bira alegre,”

Salmo 69:20

Nan ofensa a destrosá mi kurason, mi a keda malu pa muri. Mi a spera kompashon — tantu bal; hende pa duna mi konsuelo, ma mi no a haña ningun.

Proverbionan 12:25

Sufrimentu ta deprimí hende, palabra amabel ta hasi hende kontentu.

Isaías 61:3

pa trese alegria pa esnan ku ta na rou na Sion: un bunita ko'i tapa kabes na lugá di shinishi, zeta perfumá riba nan kara na lugá di un mirada tristu, paña di fiesta na lugá di un spiritu abatí. E ora ei lo kompará nan ku palu di bon kalidat, un hardin ku SEÑOR a planta pa revelá su gloria.

Mateo 11:28

Tur ku ta kansá i kargá, bini serka Mi i Ami lo duna boso sosiegu.

Mateo 26:37

El a bai ku Pedro i e dos yunan di Zebedeo; El a kuminsá bira tristu i intrankil.

Echonan 21:13

Ma Pablo a kontestá: ‘Pakiko boso ta yora i trata di kibra mi kurason? Ami ta kla, no solamente pa nan mara mi na Herusalèm, pero asta pa muri aya pa nòmber di Señor Hesus.’

Romanonan 1:11

Pasobra mi tin mashá mashá gana di mira boso pa por kompartí algun don ku Spiritu Santu a duna mi i asina ei fortalesé boso.

Romanonan 12:15

Sea kontentu ku esnan ku ta kontentu; yora ku esnan ku ta yora.

Romanonan 9:2

un tristesa profundo i un angustia sin fin ta yena mi kurason.

1 Korintionan 12:26

Si ún parti di kurpa ta sufri, tur sobrá tambe ta sufri. Si ún parti risibí honor, tur sobrá ta kompartí su legria.

2 Korintionan 9:14

Nan lo resa pa boso ku hopi kariño, pasobra Dios a mustra boso su grasia na abundansia.

Galatanan 6:2

Boso un yuda otro ku su karga i asin'ei boso ta kumpli ku lei di Kristu.

Efesionan 3:13

P'esei mi ta roga boso pa no pèrdè kurashi awor ku mi ta sufri pa boso; esei ta mas bien un honor pa boso.

Filipensenan 1:3

Mi ta gradisí mi Dios kada be ku mi kòrda riba boso.

Filipensenan 1:8

Pasobra Dios ta mi testigu ku e sintimentunan profundo ku mi ta sinti pa boso tur, ta sali for di kurason di Kristu-Hesus mes.

Filipensenan 2:25

Mi a haña ta nesesario di manda Epafrodito serka boso, pasobra e ta mi ruman i kompañero den lucha i den trabou serka boso i a sirbi komo boso mensahero pa kumpli ku mi nesesidatnan.

Filipensenan 2:27

Enberdat e tabata malu i a hera di muri. Ma Dios a tene mizerikòrdia kuné i no kuné so, ku mi tambe, pa asina mi no haña mi ku doló tras di doló.

Filipensenan 4:1

T'asina, mi rumannan stimá, ku mi tin tantu gana di mira, ku ta mi goso i mi korona, t'asina mes boso mester para firme den Señor.

1 Pedro 1:6

P'esei boso ta yen di alegria, ounke por ta ku awor akí ta nesesario pa boso pasa den tristesa pa un tempu kòrtiku, pa motibu di tur sorto di prueba.