Esdras 8:28 - Papiamentu Bible 2013

²⁸ Mi a bisa nan: ‘Boso ta konsagrá na SEÑOR, meskos ku ta e kaso ku e ophetonan di uso akí. E plata i e oro ta un donashon boluntario pa SEÑOR, Dios di boso antepasadonan.

Beibel na Papiamentu Koriente 2013

²⁸ Mi a bisa nan: ‘Boso ta konsagrá na SEÑOR, meskos ku ta e kaso ku e ophetonan di uso akí. E plata i e oro ta un donashon boluntario pa SEÑOR, Dios di boso antepasadonan.

Esdras 8:28 ပူးပေါင်းရင်းမြစ်များ

1 Krónikanan 23:28

Na lugá di esei, nan mester yuda e saserdotenan, desendiente di Aaron, ora di sirbishi den tèmpel. Nan ta responsabel pa kuido di e plenchi i kambernan. Nan mester perkurá pa e ophetonan sagrado ta limpi. Tambe nan ta responsabel pa tur otro trabou ora di sirbishi den tèmpel.

1 Krónikanan 26:20

Otro levitanan tabata responsabel pa e tesoronan di tèmpel i e regalonan presioso, dediká na SEÑOR:

2 Krónikanan 24:14

Dia nan tabata kla, nan a hiba e plaka ku a sobra pa rei i Yoyada. Yoyada a laga traha diferente opheto di uso den tèmpel, skalchi i otro opheto di oro i plata, pa uso durante sirbishi i na ora di ofrenda. Miéntras Yoyada tabata na bida tabata ofresé sakrifisio di kandela den tèmpel di SEÑOR ku regularidat.

Esdras 8:27

ademas binti beker di oro ku un peso total di ocho kilo i dos opheto di uso di koper lombrante, mes balioso ku oro.

Éksodo 35:29

Boluntariamente tur hòmber i muhé israelita a hasi nan donashon pa e trabou ku Moises a ordená nan hasi den nòmber di SEÑOR.

Isaías 52:11

Bai! Bai! Sali fo'i Bábel! No mishi ku nada impuru. Purifiká boso promé ku boso bai, boso, kargadó di skalchinan di tèmpel di SEÑOR.

Deuteronomio 33:8

Di tribu di Levi el a bisa: ‘SEÑOR, Bo a konfia bo Tumim i Urim na Levi, bo sirbidó fiel, ku na Masa Bo a pone na prueba, i a tèst na e awa di Meriba.