Esdras 6:14 - Papiamentu Bible 2013

¹⁴ Asina e lidernan hudiu por a kontinuá e trabou di rekonstrukshon ku éksito, animá pa profesia di e profetanan Hagai i Zakarías, yu di Ido. Nan a terminá e trabou segun òrdu di Dios di Israel i manera Korèsh, Dario i Artaxèrxès, reinan di Persia, a ordená.

Beibel na Papiamentu Koriente 2013

¹⁴ Asina e lidernan hudiu por a kontinuá e trabou di rekonstrukshon ku éksito, animá pa profesia di e profetanan Hagai i Zakarías, yu di Ido. Nan a terminá e trabou segun òrdu di Dios di Israel i manera Korèsh, Dario i Artaxèrxès, reinan di Persia, a ordená.

Esdras 6:14 ပူးပေါင်းရင်းမြစ်များ

Esdras 3:8

Den di dos luna di e di dos aña despues ku nan a yega tèmpel na Herusalèm, Zerubabel, yu di Shealtiel, i Yeshua, yu di Yosadak, a kuminsá ku e rekonstrukshon. E saserdotenan i e levitanan, tambe e eksiliadonan ku a bini Herusalèm bèk a duna nan un man. Nan a nombra levita di binti aña pa ariba pa dirigí e trabou.

Esdras 4:24

Asina nan a stòp e trabou na tèmpel na Herusalèm i e trabou a keda pará te den e di dos aña di gobernashon di rei Dario di Persia.

Esdras 4:3

Pero Zerubabel, Yeshua i e otro kabesnan di famia israelita a kontestá nan: ‘Nos no por rekonstruí tèmpel di nos SEÑOR huntu ku boso. Ta nos so mester hasié pa SEÑOR, Dios di Israel, manera Korèsh, rei di Persia, a ordená nos.’

Esdras 5:1

Den e aña ei dos profeta, Hagai i Zakarías, yu di Ido, a duna e hudiunan na Huda i Herusalèm e mensahenan ku nan tabata risibí serka SEÑOR, Dios di Israel.

Esdras 5:13

Despues, den e promé aña di reinado di Korèsh, rei di Bábel, el a duna òrdu pa rekonstruí e tèmpel akí.

Esdras 5:2

E ora ei Zerubabel, yu di Shealtiel, i Yeshua, yu di Yosadak, a kuminsá lanta e tèmpel na Herusalèm atrobe, ku sosten di e dos profetanan.

Esdras 6:3

Den e promé aña di su gobernashon rei Korèsh a saka siguiente dekreto: ‘Pa loke ta trata e tèmpel na Herusalèm: Mester rekonstruyé pa nan bolbe hasi sakrifisio aya; mester usa e fundeshi bieu. E tèmpel mester ta trinta meter altu i trinta meter hanchu.

Esdras 6:8

Tambe mi ta ordená boso pa yuda nan ku konstrukshon di tèmpel di siguiente manera: Mester paga tur gastu ku nan hasi mesora for di kaha di reino, esta for di entrada di e provinsia parti wèst di riu Eufrat, pa no tin interupshon den trabou.

Esdras 7:1

Hopi tempu despues, durante gobernashon di Artaxèrxès, rei di Persia, tabata biba na Bábel un sierto Esdras. E tabata desendiente di gransaserdote Aaron. Su tata tabata yama Seraías i su otro antepasadonan tabata Azarías, Hilkías, Shalum, Sadok, Ahitub, Amarías, Azarías, Merayot, Zeraías, Uzi, Buki, Abishúa, Pinhas i Eleazar, yu di Aaron.

Esdras 9:9

Ainda nos ta katibu sí, pero den nos sklabitut, Abo nos Dios no a bandoná nos. Bo a hasi ku e reinan di Persia tabata ke nos bon, di manera ku nan a laga nos hala rosea poko mas trankil. Nos por a lanta bo tèmpel atrobe ku tabata un ruina. I nan a duna nos un bibá sigur den Huda i Herusalèm.

Nehemías 6:15

Despues di sinkuentidos dia e muraya a keda kla dia bintisinku di luna di Elul.

Isaías 44:28

Di Siro E ta bisa: ‘E ta e wardadó ku Mi a nombra, l'e ehekutá tur loke Ami ke, l'e ordená pa rekonstruí Herusalèm i restourá e tèmpel.’

Hagai 1:1

Riba e promé dia di e di seis luna den e di dos aña di gobernashon di rei Dario, SEÑOR a papia ku Zerubabel, kansier di Huda i yu di Shealtiel, i ku gransaserdote Yozue, yu di Yosadak, pa boka di profeta Hagai. El a bisa lo siguiente:

Hagai 1:8

Anto subi seru, bai buska palu i rekonstruí mi tèmpel. E tèmpel lo ta na mi agrado i aki lo Mi mustra mi gloria.

Zakarías 1:1

Den e di ocho luna di e di dos aña di gobernashon di rei Dario, SEÑOR a papia na e siguiente manera ku Zakarías, yu di Bèrèkías i ñetu di Ido:

Zakarías 1:16

P'esei Ami, SEÑOR, ta bisa: Mi ta bolbe tene piedat di Herusalèm, nan ta bolbe drecha mi tèmpel; Herusalèm ta keda kompletamente rekonstruí! Esei ta loke Ami, SEÑOR soberano ta bisa.” ’

Zakarías 4:9

‘Ta Zerubabel a traha fundeshi di e tèmpel akí; t'e lo kaba e trabou tambe.’ Ora e kos akí sosodé, boso lo realisá ku ta SEÑOR soberano a manda mi.

Zakarías 8:9

T'esaki SEÑOR soberano ta bisa: ‘Ánimo! Boso ta tende awor kiko profetanan ta bisa, awor ku fundeshi di tèmpel di SEÑOR soberano ta kla pa su rekonstrukshon.