Éksodo 23:26 - Papiamentu Bible 2013

²⁶ Ningun muhé den boso pais lo no pèrdè yu òf keda sin por haña yu. Boso lo no muri promé ku boso ora.

Beibel na Papiamentu Koriente 2013

²⁶ Ningun muhé den boso pais lo no pèrdè yu òf keda sin por haña yu. Boso lo no muri promé ku boso ora.

Éksodo 23:26 ပူးပေါင်းရင်းမြစ်များ

Génesis 35:29

Bieu i satisfecho el a bai sosegá serka su antepasadonan. Su yunan Esou i Yakob a der'é.

1 Krónikanan 23:1

Ora David a bira bieu i su dianan tabata kontá, el a nombra su yu Salomon komo rei di Israel.

Job 21:10

Kada be ku toro di un hende malbado dèk e bakanan nan tur ta bira dek; ora nan wèrp, nunka nan no ta pèrdè yu.

Job 5:26

Bo ora di muri ta yega ora bo alkansá e edat apropiá; manera e momento pa dakuná maishi ta yega ora ta tempu pa kosech'é.

Salmo 107:38

El a manda bendishon i nan a rende, ni nan bestianan E no a laga mengua,

Salmo 144:13

nos mangasinanan yen di provishon, dunando tur sorto di alimento; nos karnénan sea mil be kargá, laga nan rende den kunuku i bira mas ku dies mil;

Salmo 55:23

Ma Bo ta laga e otronan, o Dios, baha den pos yen di putrishon. Hende ku ta mata i gaña no ta kumpli ni mitar di nan añanan, pero ami ta konfia den Bo.

Salmo 90:10

Setenta aña nos bida por dura, ochenta pa esnan ku tin forsa i mayor parti ta molèster i doló; tempu ta bula, lihé nos ta bai.

Isaías 65:20

No tin niun yu chikí mas ku ta biba un par di dia so, o un ansiano ku ta muri promé ku su ora; hende ku muri ku shen aña a muri yòn, ta konsiderá esun ku no alkans'é komo maldishoná.

Hoséas 9:14

Duna nan, SEÑOR, loke Bo ke, duna nan matris seku i pechunan sin lechi.

Deuteronomio 28:4

Bendishon lo baha riba boso yunan, boso kosechanan, boso bisénan, boso lamchinan di karné i di kabritu.

Deuteronomio 4:40

Kumpli ku su leinan i su mandamentunan, ku mi ta ordená boso, pa bai boso i boso desendientenan bon i pa boso biba hopi tempu den e pais ku SEÑOR, boso Dios, ta duna boso pa semper.’

Deuteronomio 7:14

Boso lo ta rikamente bendishoná, mas ku kualke otro pueblo; lo no eksistí infertilidat serka hòmbernan, ni serka muhénan, ni serka bestianan.