Efesionan 4:31 - Papiamentu Bible 2013

³¹ Pone un banda tur amargura, rabiamentu, lantamentu di bos, insulto, den un solo palabra: tur sorto di malisia!

Beibel na Papiamentu Koriente 2013

³¹ Pone un banda tur amargura, rabiamentu, lantamentu di bos, insulto, den un solo palabra: tur sorto di malisia!

Efesionan 4:31 ပူးပေါင်းရင်းမြစ်များ

Génesis 27:41

Pa motibu di e bendishon Esou a haña mal rabia riba Yakob. El a pensa: ‘Tòg mi tata lo no tarda pa muri, asina e muri mi ta mata mi ruman Yakob.’

Génesis 37:21

Ora Ruben a tende e kos ei, e ker a salba Jozef for di man di su rumannan, el a bisa: ‘Nò, no mat'é.

Génesis 37:4

Ora Jozef su rumannan a ripará ku nan tata tabata stim'é mas ku nan, nan a kuminsá haña rabia riba dje i nan no tabata ni sikiera kumind'é.

Génesis 4:8

Un dia Kain a kombidá su ruman Abel pa nan bai keiru i ora nan tabata den kunuku Kain a ataká su ruman i mat'é.

2 Samuel 13:22

Absalon no a papia niun palabra mas, ni na bon ni na malu, ku Amnon. Absalon tabata odia Amnon, pasobra el a deshonrá su ruman Tamar.

2 Samuel 19:27

El a papia malu di mi serka shon rei. Pero mi shon ta manera un angel di Dios; hasi loke bo ta haña ta bon.

2 Samuel 19:43

Pero e hòmbernan di Israel a kontestá e hòmbernan di Huda: ‘Nos tin dies bia mas tantu derechi riba rei; David ta mas di nos ku e ta di boso!

Salmo 101:5

Es ku, skondí, ta papia malu di su próhimo, mi ta tapa su boka. Un bista arogante, idea, esei mi n' por wanta.

Salmo 140:11

Ku mala lenga n' tin rais riba mundu; hende ku ta usa violensia nan mes maldat kohe nan na kaminda i kousa nan kaida fatal.’

Salmo 15:3

ku no sa papia malu di hende, no ta hasi daño na su próhimo ni ta pone su kara na bèrgwensa.

Salmo 37:8

Stòp di rabia, laga tur furia, no kunsumí, esei ta daña tur asuntu.

Salmo 50:20

Bo ta sinta makistá bo mes ruman, ta kalumniá yu di bo mama.

Salmo 64:3

ku a mula nan lenga manera ta spada, ta mek nan flechanan — palabranan skèrpi —

Proverbionan 10:12

Odio ta kousa pleitu, pero amor ta tapa tur ofensa.

Proverbionan 10:18

Hende ku skonde nan odio tin lep mentiroso, hende ku mala lenga no ta usa su sintí.

Proverbionan 14:17

Hende kabes kayente ta hasi kos di bobo, hende cha tiger ta pone hende haña rabia riba dje.

Proverbionan 18:8

Hende ta guli redu manera pan kayente, e ta baha bai te nos paden aya.

Proverbionan 19:12

Ora rei rabia ta manera ora leon grita, pero su bon boluntat ta manera serena riba yerba.

Proverbionan 25:23

Bientu fo'i nort ta trese áwaseru, mala lenga, kara rabiá.

Proverbionan 26:20

Sin palu kandela ta paga, sin hasimentu di redu, pleitu ta baha.

Proverbionan 29:22

Hende rabiá ta trese desunion, i hende ku ta rabia lihé ta hasi hopi piká.

Proverbionan 29:9

Si un hende sabí hiba un hende bobo dilanti, e bobo lo ras i hasi chèrchè, ta bochincha so lo tin.

Proverbionan 6:19

testigu falsu ku no tin mester di pensa pa gaña i hende ku kontinuamente ta sembra desunion entre ruman.

Predikador 7:9

No eksitá demasiado lihé: ta hende bobo sa eksitá.

Yeremías 6:28

I Mi a yega na e konklushon: “E pueblo akí ta rebelde te den su higra, nan ta duru manera bròns i heru, nan ta rebelde, kalumniadó, kriminal korupto.

Yeremías 9:4

P'esei tene kuidou ku amigunan, no konfia ni bo propio ruman, pasobra e ta un segundo Yakob, ku ta kohe bo kabes abou sigur sigur i e amigunan, ta malu so nan ta papia di bo.

Echonan 21:30

Den henter siudat e hendenan a drenta akshon; nan a kore bini na bòshi, kohe Pablo lastr'é saka fo'i tèmpel. Inmediatamente despues a sera e portanan di tèmpel.

Romanonan 3:14

Nan boka ta yená ku maldishon i amargura;

1 Korintionan 14:20

Rumannan, no pensa manera mucha. Bon, sea manera mucha sí pa loke ta trata maldat, pero sea madurá den boso forma di pensa.

1 Korintionan 5:8

Laga nos antó selebrá nos Fiesta di Pésag sin e zürdeg bieu aden, sin e zürdeg di piká i maldat, pero ku e pan sin zürdeg, pan di puresa i bèrdat.

2 Korintionan 12:20

Mi tin miedu ku ora mi bin bishitá boso, lo mi no enkontrá boso manera mi tin gana di mira boso i ku boso lo haña mi un hende diferente for di loke boso a spera. Mi tin miedu di pleitu, envidia, rabiamentu, egoismo, papiamentu riba hende, redu, arogansia i situashon desordená.

Galatanan 5:20

nan ta adorá dios falsu i praktiká bruheria; nan tin un aktitut hostil, nan ta trese pleitu i ta envidiá otro hende. Nan ta kla pa rabia, nan ta buska nan mes probecho i ta trese desunion i partidismo.

Efesionan 4:22

A siña boso pa pone boso bida di ántes un banda, esta e hende ku boso tabata ántes, ku tabata putri kaba na nada, pasobra e tabata deseá loke ta engañoso.

Efesionan 4:25

P'esei antó, no gaña otro mas! Boso kada un, papia bèrdat ku otro, pasobra nos ta miembro di e mesun kurpa.

Efesionan 4:26

Boso por rabia sí, ma no peka ora boso rabia ni no bai drumi rabiá.

Kolosensenan 3:19

Hòmbernan, stima boso esposa i no trat'é brutu.

Kolosensenan 3:8

Pero awor akí boso mester stòp di rabia, di bira furioso, di hasi maldat, di kalumniá, di papia palabra baho

1 Timoteo 3:11

Meskos tambe e hende muhénan diákono mester hiba un bida digno di rèspèt, no di redashi, pero moderá i fiel den tur kos.

1 Timoteo 3:3

E no mester ta buraché òf buskadó di pleitu, pero un hende amabel i pasífiko, ku no ta stima plaka.

1 Timoteo 5:13

Ademas nan ta tuma pa kustumber di pasa kas pa kas i hasi kos di floho; anto esei no ta tur kos, no solamente nan ta bira floho, pero tambe hasidó di redu ku ta mete den loke no ta toka nan i ta papia loke nan no mester papia!

2 Timoteo 2:23

Rechasá diskushon sin pia sin kabes, pasobra manera bo sa, nan ta kaba na pleitu.

2 Timoteo 3:3

nan lo no tin kariño i nan lo no ke sera pas ku otro. Nan lo ta hasidó di redu, hende ku no por kontrolá nan mes, hende violento ku ta odia loke ta bon.

Tito 1:7

Sí, un lider di iglesia ta manehá asuntu di Dios, p'esei mes e mester ta ireprochabel. E no mester ta arogante, kla pa rabia, bisiá na biña, buskadó di pleitu òf hende ku ta kore tras di ganashi deshonesto.

Tito 2:3

Meskos tambe hende muhé di edat avansá mester tin e kondukta ku ta kuadra ku un bida santu. Nan no mester hasi redu ni ta bisiá na biña. Nan mester ta siñadó di loke ta korekto,

Hakobo 1:19

Mi rumannan stimá, tene kuenta ku loke mi a bisa i sea ansioso pa skucha, pero lento na papia i na rabia!

Hakobo 3:14

Pero ora envidia amargá boso kurason i aktua motivá pa ambishon egoista, no kana broma ku boso tin sabiduria i asina peka kontra bèrdat.

Hakobo 4:11

Rumannan, no papia malu di otro. Esun ku papia malu di su ruman òf husg'é ta papia malu di Lei i ta husga Lei. I si abo ta husga Lei en bes di obedes'é, bo ta hasi bo mes hues riba dje!

1 Pedro 2:1

P'esei anto pone un banda tur sorto di maldat i engaño, hipokresia, envidia i tur sorto di papiamentu negativo.

1 Huan 3:12

Nos no mester hasi manera Kain, ku tabata pertenesé na e malbado i a asesiná su mes ruman Abel! Anto pakiko el a asesin'é? Pasobra Kain mes tabata hasi maldat, ma su ruman sí tabata hasi loke ta hustu.

1 Huan 3:15

Ken ku odia su ruman ta igual na un asesino i nos sa ku un asesino no por keda ku bida eterno den dje.

Revelashon 12:10

I mi a tende un stèm den shelu bisa duru: ‘Awor salbashon di Dios a bini, su poder i su reinado i e outoridat di su Mesias. Pasobra a benta e akusadó di nos rumannan, esun ku ta keha nan di dia i anochi serka Dios, for di shelu.