Deuteronomio 6:6 - Papiamentu Bible 2013

⁶ Graba tur e mandamentunan ku Mi ta duna boso awe den boso kurason.

Beibel na Papiamentu Koriente 2013

⁶ Graba tur e mandamentunan ku Mi ta duna boso awe den boso kurason.

Deuteronomio 6:6 ပူးပေါင်းရင်းမြစ်များ

Génesis 18:19

Mi a skohe Abraham pa e siña su yunan i su desendientenan hasi loke ta bon i hustu, pa asina nan keda riba mi kaminda. E ora ei Mi por hasi tur loke Mi a primintié.’

2 Samuel 22:23

Tur su dekretonan mi a tene mi dilanti, loke E ta manda mi no a kita fo'i dje.

Salmo 119:11

Mi ta warda bo palabra den mi alma, pa mi no peka kontra Bo.

Salmo 119:13

Lo mi ripití na bos altu loke bo boka a ordená.

Salmo 119:30

Mi ke kohe kaminda di bèrdat, pone bo òrdunan dilanti.

Salmo 119:98

Bo mandamentu ta hasi mi mas sabí ku mi enemigunan ya k'e ta semper mi kompaño.

Salmo 37:31

E ta karga Lei di Dios den kurason, su pasonan lo no tambaliá.

Salmo 40:8

Hasi bó boluntat, o mi Dios, esei ta mi plaser, i bo lei ta grabá den mi.’

Proverbionan 3:5

Konfia den SEÑOR ku henter bo kurason i no sea tèrko.

Proverbionan 7:3

Mara nan na bo renchi, graba nan den bo kurason.

Isaías 51:7

Skucha Mi, boso ku sa loke ta korekto i ku ta tuma mi lei na pechu. No tene miedu si hende chèrchè boso i no laga nan insultonan kibra boso,

Yeremías 31:33

‘E aliansa nobo ku Mi ta bai sera ku pueblo di Israel lo ta asin'akí: Mi ta bai pone mi aliansa den nan kurason i grab'é den nan mente. Ami lo ta nan Dios i nan, na nan turno, lo ta mi pueblo. Esei Mi ta primintí.

Lukas 2:51

Hesus a bai Nazarèt bèk ku nan i E tabata obedesidu na nan. Su mama a warda tur e kosnan akí den su kurason.

Lukas 8:15

E simia ku a kai den bon tera, ta e hendenan ku ta skucha e palabra i ta risibié ku un kurason noble i bon. Nan ta tene duru na e palabra, perseverá i karga fruta.’

2 Korintionan 3:3

Ta bon kla tòg ku boso ta un karta di Kristu, skibí ku nos yudansa, no ku enk, pero ku Spiritu di Dios bibu; no riba tabla di piedra, pero riba tabla ku ta kurason di hende.

Deuteronomio 11:18

Graba e palabranan akí den boso kurason pa boso keda kòrda nan, mara nan manera un señal na boso man i laga nan ta un rekuerdo na boso frenta.

Deuteronomio 11:20

Skibi nan riba kozein di boso porta di kas i riba porta di siudat.

Kolosensenan 3:16

Laga e mensahe tokante Kristu permanesé ku tur su rikesa den boso kurason. Siña i koregí otro ku tur sabiduria. Kanta salmo, himno i kantika spiritual na Dios ku un kurason gradesido.

2 Huan 1:2

Mi ta stima boso, pasobra e bèrdat ta biba den nos kurason i lo keda den nos pa semper.