Deuteronomio 32:10 - Papiamentu Bible 2013

¹⁰ SEÑOR a haña su pueblo den desierto, un pais desolá, kaminda bestia feros ta grita. El a kuida nan, perkurá pa nan, protegé nan manera su pret'i wowo.

Beibel na Papiamentu Koriente 2013

¹⁰ SEÑOR a haña su pueblo den desierto, un pais desolá, kaminda bestia feros ta grita. El a kuida nan, perkurá pa nan, protegé nan manera su pret'i wowo.

Deuteronomio 32:10 ပူးပေါင်းရင်းမြစ်များ

Ester 6:13

El a konta su kasá Zèrèsh i tur su amigunan tur loke a pasa kuné. Su konseheronan a bis'é: ‘Si e Mordekai ei ta pertenesé na e pueblo hudiu, lo bo no por gan'é mas. Bo derota di awe ta djis kuminsamentu di bo destrukshon.’

Salmo 107:40

Hende altu El a tapa ku bèrgwensa, laga nan dualu den mondi sin kaminda.

Salmo 17:8

Kuida mi manera pret'i wowo, skonde mi den sombra di bo alanan

Proverbionan 7:2

Hasi loke mi ta manda bo i lo bo biba; hasi mi enseñansa bo tesoro di mas presioso.

E kanto di tur kanto 8:5

Ta ken esei, esun ku ta bini for di den desierto ayá, ilèn riba su amor? Ta bou di e palu di apel mi a spièrta bo amor, e mes lugá kaminda bo mama a haña doló di parto, kaminda esun ku tabatin doló di parto a trese bo na mundu.

Isaías 63:9

tuma parti den tur nan aflikshonnan i libra nan personalmente. E tabatin amor i duele, p'esei El a sali pa nan, El a hisa nan i karga nan den su brasa henter nan bida largu.

Yeremías 13:11

Pasobra mes pèrtá ku un faha ta mara na sintura, asin'ei Mi ker a mara Israel i Huda na Mi. Mi ta sigurá boso esei. Nan lo tabata mi pueblo, un motibu di fama, alabansa i honor pa Mi. Pero nan no a skucha Mi.’

Yeremías 2:17

No t'abo mes a pidi desgrasia pa bo kurpa, bandonando Mi? Ami, SEÑOR bo Dios, ker a kana bo dilanti pa guia bo, pero abo a bira lomba pa Mi.

Yeremías 2:6

Nan no a puntra nan mes: “Unda SEÑOR a keda? E SEÑOR ku a saka nos for di Egipto, ku a guia nos pasa desierto, e pais ei sin awa, kòrtá pa abismonan, un teritorio asina seku i peligroso, ku niun hende no ta krus'é ni bib'aden.”

Ezekiel 16:5

Ningun hende no tabata wòri ku bo, ningun hende no tabatin dje tantu duele di bo pa a sòru pa bo. Tur hende tabatin asko di bo; a benta bo afó den mondi.

Ezekiel 20:36

Manera Mi a sentensiá boso antepasadonan den desierto di Egipto, asina lo Mi sentensiá boso.” Esaki ta loke SEÑOR, mi Dios, ta bisa.

Hoséas 11:3

Siendo tòg tabata Ami ku a siña Efraim kana i a karg'é riba brasa. Pero nan no kièr a rekonosé ku t'Ami tabata kuida nan.

Hoséas 13:5

Mi a preokupá pa boso den desierto, den un pais di kalor sofokante.

Zakarías 2:12

Huda lo bolbe bira propiedat di SEÑOR den e pais konsagrá n'E, i Herusalèm lo bolbe bira e lugá ku E ta skohe pa biba.

Zakarías 2:8

SEÑOR soberano, ku a manda mi ku su outorisashon serka e pueblonan ku a sakia boso, ta bisa: ‘Ken ku hasi boso daño ta mishi ku mi pret'i wowo.

Romanonan 2:18

Bo a siña kiko boluntat di Dios ta i bo por diserní bon for di malu, pasobra bo a haña instrukshon den Lei di Moises.

Romanonan 3:2

Hopi bentaha, anto den diferente forma! Pa kuminsá, Dios a konfia su palabra na nan,

Deuteronomio 1:19

E ora ei riba òrdu di SEÑOR, nos Dios, nos a baha nos tèntnan na Horeb i a pasa dor di e desierto grandi i horibel, manera boso a eksperensiá, bai e serunan di e amoritanan. Asina nos a yega Kadesh-Barnea.

Deuteronomio 1:31

I den desierto boso a mira ku boso mes wowo kon SEÑOR, boso Dios, a karga boso henter e kaminda largu te aki, manera un tata ta karga su yu.

Deuteronomio 4:36

For di shelu su stèm a zona pa instruí boso. Na tera El a mustra boso e kandela grandi i for di e kandela ei boso a tend'É papia.