Deuteronomio 26:8 - Papiamentu Bible 2013

⁸ Ku man fuerte i ku man poderoso, ku kos spantoso, señal i milager El a saka nos for di Egipto.

Beibel na Papiamentu Koriente 2013

⁸ Ku man fuerte i ku man poderoso, ku kos spantoso, señal i milager El a saka nos for di Egipto.

Deuteronomio 26:8 ပူးပေါင်းရင်းမြစ်များ

Éksodo 12:37

E israelitanan a sali di Ramses pa Sukot na pia. Nan tabata mas o ménos 600.000 hende, sin konta hende muhé i mucha.

Éksodo 12:41

Despues di presis 430 aña, sin kita sin pone un dia, e israelitanan, e ehérsito di SEÑOR, a sali for di Egipto.

Éksodo 12:51

E mes dia ei SEÑOR a guia e israelitanan manera un ehérsito for di Egipto.

Éksodo 13:3

Moises a bisa e pueblo: ‘Keda kòrda e dia akí ku SEÑOR a saka boso ku gran poder for di Egipto, e kurá di katibu. P'esei no ta pèrmití kome nada ku tin zürdeg.

Éksodo 6:6

P'esei bisa nan: “Mi ta SEÑOR, lo Mi libra boso di e trabou obligatorio na Egipto. Lo Mi pone un fin na boso sklabitut. Ku gran poder Mi ta intervení: lo Mi salba boso i kastigá e egipsionan mal kastigá.

Isaías 63:12

T'E a para banda di Moises ku forsa formidabel. T'E a habri awa na dos dilanti di su pueblo i lag'é pasa den fondo sin trompeká, fásilmente manera kabai riba tereno habrí. T'asina Bo a logra fama eterno.

Yeremías 32:21

Ku milagernan tremendo i gran despliegue di poder Bo a saka Israel, bo pueblo, for di Egipto i esei a yena tur hende ku temor pa Bo.

Deuteronomio 34:11

Òf ku a hasi tur señal i milager, ku SEÑOR a mand'é hasi na Egipto kontra fárao, su funshonarionan i henter e pais.

Deuteronomio 34:12

Òf ku a igual'é ku poder i ku kos grandi i impreshonante ku el a hasi pa henter Israel mira.

Deuteronomio 4:34

Nunka tabatin un dios ku a tribi libra un pueblo for di un otro pueblo i hasi e pueblo ei su pueblo, manera SEÑOR, boso Dios, a hasi pa boso na Egipto. Ku boso mes wowo boso a mira kon El a trese desaster, señal, milager i guera; kon El a aktua ku man fuerte i ku man poderoso di manera ku e hendenan a spanta hopi.

Deuteronomio 5:15

Kòrda ku bo tabata katibu na Egipto i ku SEÑOR, bo Dios, a saka bo for di einan ku man fuerte i poderoso; p'esei SEÑOR, bo Dios, a ordená bo pa kumpli ku dia di sabat.