Deuteronomio 15:9 - Papiamentu Bible 2013

⁹ Tene kuidou pa e pensamentu: “Esta fastioso, no! Ata e di shete aña a yega atrobe, e aña ku mi mester anulá tur debe ku mi kompatriotanan tin serka mi.” Pasobra di e manera ei bo ta haña bo ta kore ku un hende for di bo porta i mand'é bai man bashí. E ora ei lo e keha bo serka SEÑOR i bo ta tuma un kulpa grandi riba bo.

Beibel na Papiamentu Koriente 2013

⁹ Tene kuidou pa e pensamentu: “Esta fastioso, no! Ata e di shete aña a yega atrobe, e aña ku mi mester anulá tur debe ku mi kompatriotanan tin serka mi.” Pasobra di e manera ei bo ta haña bo ta kore ku un hende for di bo porta i mand'é bai man bashí. E ora ei lo e keha bo serka SEÑOR i bo ta tuma un kulpa grandi riba bo.

Deuteronomio 15:9 ပူးပေါင်းရင်းမြစ်များ

Job 34:28

Nan a laga hende pober grita i e gritunan akí a yega te serka djE, di manera ku El a tende e lamento di esnan den mester.

Salmo 101:3

Mi n' ke tene dilanti di mi bista nada ku n' ta pas; mi ta odia e proseder di infielnan, mi n' ke tin ke ber ku nan;

Salmo 12:5

‘Ta pa motibu di opreshon di humildenan i gritu di ousilio di pobernan Mi ta lanta awor,’ SEÑOR ta bisa, ‘lo Mi salba esun ku tin deseo.’

Salmo 9:12

Dios ku ta venga sanger inosente, E ta kòrda — E no ta lubidá gritamentu di pobernan.

Éksodo 22:22

No oprimí biuda ni wérfano.

Éksodo 22:23

Si boso oprimí nan tòg i nan sklama na Mi, Mi ta skucha nan sigur.

Éksodo 3:7

‘Mi a mira den ki mizeria mi pueblo ta na Egipto,’ SEÑOR a bisa. ‘Mi a tende kon nan ta sklama pa nan ta librá di nan kapatasnan. Mi sa kuantu nan mester sufri.

Proverbionan 14:21

Es ku despresiá su próhimo ta hasi piká, felis esun ku tin duele di hende pober.

Proverbionan 21:13

Es ku sera orea pa yamada di hende pober, lo no haña oido ora e mes grita pidi yudansa.

Proverbionan 23:6

No laga un hende pichiri kombidá bo bin kome kuné, no laga loke e sirbi bo hinka bo den tentashon.

Proverbionan 24:9

Loke un hende asina ta pensa, n' ta sirbi pa nada. P'e nada no tin balor, p'esei tur hende ta despresi'é.

Proverbionan 28:22

Hende haragan ta kore tras di rikesa, sin sa ku pobresa ta ward'é.

Proverbionan 4:23

Kuida bo manera di pensa mas ku tur kos ku bo tin na mundu, pasobra asina bo ta determiná bo bida.

Yeremías 17:10

Ami, SEÑOR, ta sondia kurason di hende, ta investigá i mira kiko tin den su paden. Mi ta duna tur hende loke nan meresé segun nan aktonan.

Yeremías 34:14

Kada shete aña nan mester a duna nan ruman katibu, ku a bende su mes ku nan i ku a sirbi nan seis aña largu, libertat. Pero boso antepasadonan no a skucha Mi, ni a hasi kaso na Mi.

Mateo 15:19

For di kurason di hende ta sali: pensamentu malu, matamentu, kibramentu di fidelidat di matrimonio, inmoralidat, ladronisia, testimonio falsu i papiamentu riba hende.

Mateo 20:15

Akaso mi no tin derechi di hasi loke mi ta haña ta bon, ku mi mes plaka? Yalurs bo ta pasobra mi ta hasi bon?” ’

Deuteronomio 15:1

Kada di shete aña boso mester anulá e debenan ku otro hende tin serka boso.

Deuteronomio 24:15

Pag'é e mesun dia ei, no warda te su manisé. E ta den mizeria i tin mester di su sèn. Sino e ta keha boso serka SEÑOR i boso ta tuma un kulpa riba boso.

Deuteronomio 31:10

Moises a ordená nan: ‘Riba Fiesta di Ramada di kada shete aña, e aña indiká pa anulá debe ku un kompatriota tin serka bo,

Hakobo 4:17

Si un hende sa kiko ta bon pa hasi, ma ta keda sin hasié, e ta hasi piká.

Hakobo 4:5

Boso ta kere ku ta por nada Skritura ta bisa: ‘Dios ke e spiritu ku El a pone den nos p'E so’?

Hakobo 5:4

Tende, e pago ku boso a keda sin duna e obreronan ku a kosechá pa boso, ta sklama kontra boso, i Señor Todopoderoso a tende reklamo di e trahadónan ei.

Hakobo 5:9

No mustra dede riba otro, rumannan, pa Dios no kondená boso; kòrda bon, e Hues ta djis tras di porta ei!

1 Pedro 4:9

Demostrá otro hospitalidat, sin keha!