Deuteronomio 15:7 - Papiamentu Bible 2013

⁷ Si tin un hende pober, un di boso kompatriotanan, ta biba den un di e siudatnan na e pais ku SEÑOR, boso Dios, ta bai duna boso, no hasi kos di sin heful, no tene man será hasi kos di pichiri.

Beibel na Papiamentu Koriente 2013

⁷ Si tin un hende pober, un di boso kompatriotanan, ta biba den un di e siudatnan na e pais ku SEÑOR, boso Dios, ta bai duna boso, no hasi kos di sin heful, no tene man será hasi kos di pichiri.

Deuteronomio 15:7 ပူးပေါင်းရင်းမြစ်များ

Nehemías 5:1

Den e tempu ei a lanta hopi protesta di parti di pueblo, tantu di hòmbernan komo di muhénan, kontra nan kompatriotanan hudiu.

Ester 9:19

P'esei e hudiunan ku ta biba den e pueblonan pafó di stat ku no tin muraya rondó di nan, ta selebrá dia dieskuater di luna di Adar, ku alegria i komementu i riba e dia ei nan sa regalá otro kos di boka dushi.

Ester 9:22

Pasobra ta riba e dianan akí nan a skapa di nan enemigunan i ta den e luna akí nan tristesa a kambia bira alegria i nan rou a kambia bira fiesta. Nan mester a selebrá e dianan akí ku komementu i ku alegria, regalá otro kos di boka dushi i duna pobernan limosna.

Éksodo 22:25

Si boso fia kualke hende pober di mi pueblo plaka, no hasi manera esnan ku ta duna préstamo, no eksigí interes.

Proverbionan 19:17

Es ku demostrá amor pa hende pober ta honra SEÑOR, i SEÑOR lo pag'é pa loke el a hasi.

Proverbionan 21:13

Es ku sera orea pa yamada di hende pober, lo no haña oido ora e mes grita pidi yudansa.

Isaías 58:10

si bo duna hende ku hamber loke abo mes ta deseá i si bo aliviá nesesidat di esun oprimí, lo bo bria di felisidat. Solo lo sali pa bo asta den tempu di skuridat; ora anochi baha riba bo, pa bo lo tin klaridat manera di sol'i mèrdia.

Levítiko 25:35

Ora un di boso paisanonan kai den pobresa i e no por mantené su mes mas, boso mester yud'é di moda ku e por keda biba serka boso, komo si fuera ta un strañero òf un hende bibá temporalmente serka boso.

Mateo 18:30

Ma e hòmber no tabata ke, el a laga tira esun ku tabata deb'é den prizòn, te dia esaki pag'é tur su plaka.

Mateo 5:42

Esun ku pidi bo algu, dun'é i esun ku ke fia algu serka bo, fi'é.

Deuteronomio 15:11

Hende pober lo tin semper den pais. P'esei mi ta ordená boso: Duna man yen ora boso ta duna boso ruman ku ta pober i den mizeria.

Deuteronomio 15:9

Tene kuidou pa e pensamentu: “Esta fastioso, no! Ata e di shete aña a yega atrobe, e aña ku mi mester anulá tur debe ku mi kompatriotanan tin serka mi.” Pasobra di e manera ei bo ta haña bo ta kore ku un hende for di bo porta i mand'é bai man bashí. E ora ei lo e keha bo serka SEÑOR i bo ta tuma un kulpa grandi riba bo.

Deuteronomio 24:14

No eksplotá un hende ku ta traha kontra pago, ku ta pober i ta den mizeria kaba. No ta importá ku e ta un israelita òf un strañero ku a drenta boso pais i ta biba den un di boso siudatnan.