Deuteronomio 12:7 - Papiamentu Bible 2013

⁷ Kome aya den presensia di SEÑOR, boso Dios, gosa huntu ku boso famia plenamente di e bon resultado ku SEÑOR, boso Dios, a bendishoná boso trabou kuné.

Beibel na Papiamentu Koriente 2013

⁷ Kome aya den presensia di SEÑOR, boso Dios, gosa huntu ku boso famia plenamente di e bon resultado ku SEÑOR, boso Dios, a bendishoná boso trabou kuné.

Deuteronomio 12:7 ပူးပေါင်းရင်းမြစ်များ

1 Krónikanan 29:22

Nan a kome i bebe e dia ei den presensia di SEÑOR i nan tabata hopi kontentu. Pa di dos bia nan a proklamá Salomon, yu di David, rei. Nan a konsagrá Salomon i Sadok, tur dos den sirbishi di SEÑOR, Salomon komo rei, Sadok komo saserdote.

Nehemías 8:9

I komo henter e pueblo tabata yora, segun nan tabata skucha palabranan di lei, gobernador Nehemías, Esdras i e levitanan ku tabata instruí pueblo, a bisa nan: ‘E dia akí ta konsagrá na SEÑOR, boso Dios. No ta un dia pa boso yora òf pa boso ta tristu.’

Predikador 3:12

Mi a ripará ku pa hende no tin nada mihó ku biba kontentu i hasi bon tanten bo ta na bida,

Predikador 3:13

pasobra ku nos ta kome i bebe i ta kontemplá e benefisionan di nos trabou, ta pasobra Dios a pèrmití nos.

Predikador 5:18

Mi a deskubrí ku e mihó kos i kos mas agradabel ta: kome i bebe i gosa di e fruta di tantu mata kurpa riba e mundu akí durante e tempu kòrtiku ku Dios ta duna nos, pasobra esei ta loke ta toka nos.

Isaías 23:18

Pero tur ganashi di e trabou akí lo ta apartá pa SEÑOR. Lo no ward'é den kaha di plaka, pero lo e ta na benefisio di esnan ku ta biba serka SEÑOR. Nan lo por kumpra kuminda na abundansia i paña bunita kuné.

Isaías 62:9

Nò, hende ku rekohé trigo ta kome di dje i duna Mi honor. Hende ku kosechá wendrùif ta bebe biña i honra Mi riba plenchi di tèmpel.’

Ezekiel 44:3

Solamente e gobernante tin mag di sinta den e edifisio di entrada ei pa kome for di e sakrifisio den mi presensia. E ta drent'é via di e hal i bandon'é via di e mesun kaminda.’

Yoel 1:16

A destruí nos kuminda nos dilanti, legria i kantamentu a disparsé for di tèmpel di nos Dios.

Yoel 2:26

Boso lo por kome barika yen i alabá Ami, SEÑOR, boso Dios, ku a hasi kosnan maravioso pa boso. Nunka mas lo no despresiá mi pueblo.

Levítiko 23:40

Riba e promé dia boso ta kohe e frutanan di mas bunita for di boso palunan, ramanan di palma, i takinan for di palu yen di blachi i taki for di palu kantu di awa. Durante henter e siman boso mester demostrá boso alegria na honor di Mi, boso SEÑOR i Dios.

Malakías 2:13

Boso ta hasi algu mas ainda: Boso ta inundá e altá ku awa di wowo; boso ta keha i suspirá, pasobra SEÑOR no ta paga atenshon mas na boso sakrifisionan ni ta aseptá nan ku alegria.

Echonan 2:46

Tur dia nan tabata huntu den tèmpel; nan tabata kibra pan na kas di otro i kome nan kuminda huntu, ku legria i simplesa di kurason.

Deuteronomio 12:12

Gosa di alegria den presensia di SEÑOR, boso Dios; boso, boso yunan, boso katibunan i e levitanan ku ta biba serka boso, pasobra nan no a haña tereno komo propiedat manera boso a haña.

Deuteronomio 12:18

Pero den presensia di SEÑOR boso mester kome for di nan na e lugá ku SEÑOR, boso Dios, a skohe; boso, boso yunan, boso katibunan i e levitanan ku ta biba serka boso i boso lo gosa plenamente den presensia di SEÑOR, boso Dios, di e bon resultado di boso trabou.

Deuteronomio 12:8

No hasi despues manera nos ta hasiendo awor, esta ku kada hende ta ofresé sakrifisio kaminda e ke.

Deuteronomio 14:26

Usa e sèn pa kumpra tur loke boso tin gana di dje: karni di baka, di karné òf di kabritu, tur sorto di biña òf serbes, tur loke boso kurason ta deseá. Kome aya den presensia di SEÑOR, boso Dios, i gosa plenamente huntu ku boso famia.

Deuteronomio 15:20

Kome nan kada aña huntu ku boso famia den presensia di SEÑOR, boso Dios, na e lugá ku SEÑOR skohe.

Deuteronomio 26:11

Usa e produktonan ku SEÑOR, boso Dios, a duna boso i boso famia pa un komementu. Kombidá e ora ei e levitanan i strañeronan ku ta biba serka boso tambe.

Deuteronomio 27:7

Ofresé tambe sakrifisio di pas, kome nan einan i gosa plenamente den presensia di SEÑOR, boso Dios.

Deuteronomio 28:47

Si boso no sirbi SEÑOR, boso Dios, ku alegria i di kurason ora boso ta biba den abundansia,

Filipensenan 4:4

Keda semper kontentu den Señor! Mi ta ripití: Keda kontentu!