Daniel 6:20 - Papiamentu Bible 2013

²⁰ Segun e tabata kana yega serka, el a grita puntra Daniel ku un bos tristu: ‘Daniel, sirbidó di Dios bibu, e Dios ku bo ta sirbi asina fiel por a salba bo for di gara di e leonnan?’

Beibel na Papiamentu Koriente 2013

²⁰ Segun e tabata kana yega serka, el a grita puntra Daniel ku un bos tristu: ‘Daniel, sirbidó di Dios bibu, e Dios ku bo ta sirbi asina fiel por a salba bo for di gara di e leonnan?’

Daniel 6:20 ပူးပေါင်းရင်းမြစ်များ

Génesis 18:14

Nada no ta imposibel pa SEÑOR. Lo Mi regresá otro aña den e tempu akí i Sara lo a haña su yu hòmber.’

1 Krónikanan 16:11

Puntra pa SEÑOR, akudí na su poder, buska su kara tur ora bai!

Salmo 119:112

M'a pone mi pa kumpli ku bo leinan pa semper, te na fin.

Salmo 146:2

Mi ke alabá SEÑOR henter mi bida, kanta alabá mi Dios tanten ku mi tin bida i rosea.

Salmo 73:23

Sinembargo mi ta semper serka Bo, Abo ta tene mi man drechi,

Yeremías 32:17

‘Ai, SEÑOR Dios, ku gran despliegue di poder Bo a krea shelu i tera; nada no ta imposibel pa Bo.

Daniel 3:15

Ora boso bolbe tende zonido di kachu, flùit, siter, lira, arpa i tur otro sorto di instrumènt di muzik, boso ta dispuesto na tira boso kurpa abou i adorá e estatua ku mi a laga traha? Si boso nenga, ta benta boso inmediatamente den kandela feros di fòrnu. E ora ei mi ke mira ta kua ta e dios ku lo salba boso for di mi poder.’

Daniel 3:17

E Dios ku nos ta adorá, tá kapas pa salba nos for di kandela feros di fòrnu i for di bo poder. Sí, mahestat, E ta salba nos!

Daniel 6:16

E ora ei, riba òrdu di rei, nan a bai buska Daniel i a bent'é den kueba di leon. Rei a bisa Daniel: ‘Mare bo Dios ku bo ta sirbi asina fiel, por salba bo awor!’

Daniel 6:19

Asina di dia a habri rei a lanta i a bai purá na e kueba di leon.

Daniel 6:26

Ami ta dekretá lo siguiente: Den tur parti di mi reino mester tin rèspèt profundo pa e Dios di Daniel, pasobra E ta Dios bibu, awor i te den eternidat. Su reino lo no kaba nunka, su reino lo no tin fin.

Daniel 6:27

E ta salba i E ta liberá. Su obranan ta impreshonante, E ta hasi milager den shelu i na tera. El a salba Daniel for di gara di leon.’

Hoséas 12:6

Bai bèk serka boso Dios anto, sea fiel i hustu, keda anhelá semper p'E.

Numbernan 11:23

Pero SEÑOR a bisa Moises: ‘Ami, SEÑOR, no ta basta poderoso antó? Lo bo mira ku enberdat loke Mi a bisa ta sosodé, sí òf nò!’

Lukas 1:37

Pasobra pa Dios nada no ta imposibel.’

Lukas 18:1

Hesus a konta su disipelnan un parábola pa siña nan ku nan mester resa semper, sin deskurashá.

Echonan 6:4

Nos mes lo dediká nos na orashon i predikamentu di palabra di Dios.’

Romanonan 2:7

Esnan ku ta sigui perseverá den loke ta bon i ta buska gloria, honor i bida ku no ta kaba nunka, Dios lo duna bida eterno.

2 Korintionan 1:10

Sí, Dios a salba nos di peliger grandi di morto i lo E bolbe hasié; ta den djE nos ta pone nos konfiansa, p'esei nos sa ku lo E bolbe hasié!

Kolosensenan 4:2

Perseverá den orashon; resa alerta i yama Señor danki.

2 Timoteo 1:12

P'esei mes mi ta pasa den tur e sufrimentunan akí. Pero mi no tin bèrgwensa, pasobra mi sa den ken mi a pone mi fe i ta konvensí ku E tin sufisiente poder pa kuida loke mi a konfia n'E, te riba e dia ku Kristu-Hesus bini bèk.

Hebreonan 7:25

P'esei pa semper E por salba esnan ku ta aserká Dios pa medio di djE, pasobra E ta biba pa semper pa boga pa nan serka Dios.

Hakobo 1:25

Sinembargo esun ku no lubidá loke el a tende, pero ta kumpli ku i fiha su bista riba e lei perfekto ku ta duna libertat, ta haña bendishon di Dios den loke e ta hasi.

Hudas 1:24

E úniko Dios, nos Salbador, tin poder pa protegé boso pa boso no kai i pa presentá boso sin mancha i yená ku goso den su presensia glorioso. Gloria, mahestat, poder i outoridat, pa medio di nos Señor Hesu-Kristu ta toka n'E; for di den tur eternidat, awor i pa semper. Amèn.