Daniel 11:37 - Papiamentu Bible 2013

³⁷ E rei no ta respetá e diosnan ku su antepasadonan a adorá, ni esun ku spesialmente hende muhé ta stima, ni niun otro dios. E ta konsiderá su mes superior na tur.

Beibel na Papiamentu Koriente 2013

³⁷ E rei no ta respetá e diosnan ku su antepasadonan a adorá, ni esun ku spesialmente hende muhé ta stima, ni niun otro dios. E ta konsiderá su mes superior na tur.

Daniel 11:37 ပူးပေါင်းရင်းမြစ်များ

Génesis 3:16

E muhé El a bisa: ‘Lo Mi hasi bo embaraso mashá pisá i ku doló lo bo trese bo yunan na mundu. Lo bo deseá bo kasá, pero ta e lo manda riba bo.’

Génesis 3:5

Al kontrario… Dios sa ku dia boso kome for di e palu ei boso wowo ta habri. E ora ei boso lo ta meskos ku Dios, pasobra boso lo sa kiko ta bon i kiko ta malu.’

E kanto di tur kanto 7:10

… biña ku ta kore basha mesora den garganta di mi amor i ta pone ku asta den soño e ta sigui murmurá.

Isaías 14:13

Bo a yega di pensa den bo mes: “Mi ta subi bai shelu i lanta mi trono altu riba e streanan di mas leu. Te den nort aya lo mi kai sinta, riba e seru kaminda diosnan sa reuní.

Isaías 14:14

Lo mi subi mas altu ku kabes di nubianan, e ora ei porfin lo mi ta Dios Altísimo su pareu.”

Ezekiel 24:16

‘Hende, pa medio di un morto repentino Mi ta bai kita e hende ku bo ta stima mas tantu fo'i bo. Pero bo no mag karga fèrdrit pa su morto, bo no mag yora, bo no mag basha awa di wowo.

Ezekiel 28:2

‘Hende, bisa rei di Tiro: Esaki SEÑOR, mi Dios, ta bisa: Bo a haña mashá pretenshon i a bisa: “Mi ta un dios, mi ta sinta riba un trono dibino, meimei di laman.” Ounke ta hende bo ta i no un dios, bo a hinka den bo kabes ku bo ta un dios.

Daniel 11:36

E rei di parti nort ta hasi manera e haña ta bon. Den su orguyo e ta gaba ku e ta alsá riba tur dios. Te asta Dios altísimo e ta blasfemá. Lo bai e bon, te ora kana di Dios su ira yena. Pasobra loke Dios a disidí, ta sosodé.

Daniel 11:38

Sinembargo e ta sirbi e dios di fòrtinan, un dios ku su antepasadonan no a konosé. E ta ofres'é oro, plata, piedra presioso i otro ophetonan di balor.

Daniel 8:11

Asta kontra Dios, Prínsipe di e podernan selestial, el a alsa su mes. El a prohibí sakrifisio diario na honor di Dios i el a profaná tèmpel.

Deuteronomio 21:11

boso mira un muhé bunita den e prezunan i namorá di dje, boso mag kasa kuné.

Deuteronomio 5:21

No deseá di tin kasá di bo próhimo, no deseá di tin su kas, ni su kunuku, ni su katibu, ni su baka, ni su buriku, ni nada nada ku ta di dje.”

2 Tesalonisensenan 2:4

E hòmber ei ta esun ku ta lanta kontra tur loke ta karga nòmber di Dios i ta digno di adorashon, i ta alsa su mes riba nan. E ta yega asina leu ku e ta bai sinta den tèmpel di Dios i proklamá públikamente ku t'é mes ta Dios!

1 Timoteo 4:3

E hendenan akí ta prohibí kasamentu i komementu di sierto kuminda. Pero Dios a krea e kosnan ei pa e kreyentenan i pa esnan ku konosé bèrdat aseptá nan ku gradisimentu na Dios.