Amos 5:7 - Papiamentu Bible 2013

⁷ Ai di esnan ku ta hasi derecho bira marga manera sentebibu i ta violá hustisia.

Beibel na Papiamentu Koriente 2013

⁷ Ai di esnan ku ta hasi derecho bira marga manera sentebibu i ta violá hustisia.

Amos 5:7 ပူးပေါင်းရင်းမြစ်များ

Salmo 125:5

ma esnan ku a bira infiel i ta sigui nan kamindanan robes, bari nan, SEÑOR, huntu ku malbadonan. Pas pa Israel!

Salmo 36:3

Loke e ta papia ta falsu, blo mentira, el a stòp di ta huisioso i hasi bon.

Proverbionan 21:7

Violensia di esnan ku no tin Dios, lo lastra nan bai kuné, pasobra nan a nenga di hasi loke ta bon.

Isaías 1:23

Bo gobernantenan ta rebelde, kompinchi di ladron. Tur gusta pa hende susha nan man i ta ansioso pa tuma sèn bou 'i mesa. Nan no ta trata wérfano ku hustisia i keho di biuda no ta importá nan.

Isaías 10:1

Ai di esnan ku ta saka leinan inhustu i ta publiká dekretonan intolerabel.

Isaías 46:12

Skucha Mi, boso ku a pèrdè kurashi. Boso no tabata spera liberashon,

Isaías 5:20

Ai di esnan ku ta yama bon loke ta malu i malu loke ta bon, ku ta tuma pretu hasi blanku i blanku hasi pretu, ku ta laga dushi pasa pa marga i marga pa loke ta dushi.

Isaías 5:7

Wèl, e hòfi di wendrùif di SEÑOR soberano ta pueblo di Israel, su planchinan skohí ta e hendenan di Huda. El a spera derecho, pero topa ku mal echo, El a spera hustisia, pero at'é gritu: ‘Inhustisia!’

Ezekiel 18:24

Pero ora un hende hustu stòp di ta hustu? Ora e bai hasi kosnan inhustu i mes kosnan repugnante ku e hende malbado? Un hende asina ta keda na bida e ora ei? Nò. No ta tene kuenta ku tempu ku e tabata hasi kos hustu. Lo e muri, pasobra el a bira lomba pa Mi i a peka.

Ezekiel 3:20

I si un hende ku te awor a hasi loke ta hustu, bira lomba pa loke ta bon i hasi loke ta malu, e ora ei Mi ta lag'é kai i lo e muri. Si bo no a avis'é, e ora ei lo e muri pa motibu di su pikánan. Lo Mi no tene kuenta ku su bon obranan di promé. I lo Mi yama abo pa bo duna kuenta di su morto!

Ezekiel 33:18

Ora un hende hustu stòp di ta hustu i kuminsá hasi piká, lo e muri pa e motibu ei!

Hoséas 10:4

Nan boka ta yen di bunita promesa, nan ta hasi huramentu falsu i sera pakto. I nan moda di mantené hustisia ta un mata venenoso ku ta krese den roi di un kunuku.

Amos 2:3

Mi ta kaba ku e gobernante i huntu kuné Mi ta mata tur noble.’ Asina SEÑOR a bisa.

Amos 3:10

SEÑOR ta bisa: ‘Nan ta trapa derecho di hende ku pia. Nan ta stiwa nan mansionnan ku tur loke violensia i ladronisia ta duna nan.

Amos 6:12

Sa kore kabai riba barank'i seru i por laga bue plug den dje? Pero boso sí ta kambia derecho den venenu i hasi bienestar di hende marga manera sentebibu.

Mikéas 3:9

Laga e kos akí drenta boso kabes, gobernante- i lidernan di Israel, boso, ku ta odia hustisia ku ta kohe bon hasi malu

Habakuk 1:4

P'esei lei ta trapá i no ta eksistí derecho mas. Mal hende semper ta changa bon hende. T'asina derecho ta trosé.’

Sofonías 1:6

Mi ta bai kaba tambe ku esnan ku ta bira lomba pa Mi i ku no ta buska Mi ni konsultá ku Mi.’

Deuteronomio 29:18

No laga pa ningun di boso, ni hòmber, ni muhé, ni famia, ni tribu, awe bira lomba pa SEÑOR, nos Dios, bai adorá e diosnan di e nashonnan ei! No laga ningun di boso bira manera un mata ku ta produsí venenu marga.