2 Timoteo 2:7 - Papiamentu Bible 2013

⁷ Reflekshoná riba loke mi ta bisa bo, pasobra Señor mes lo duna bo komprondementu den tur kos.

Beibel na Papiamentu Koriente 2013

⁷ Reflekshoná riba loke mi ta bisa bo, pasobra Señor mes lo duna bo komprondementu den tur kos.

2 Timoteo 2:7 ပူးပေါင်းရင်းမြစ်များ

1 Krónikanan 22:12

SEÑOR, bo Dios, lusa bo sintí i duna bo konosementu dia E pone bo goberná Israel, pa bo kumpli ku su lei.

1 Krónikanan 29:19

Laga mi yu Salomon sirbi Bo di henter su kurason, pa e kumpli ku bo mandamentunan, bo preseptonan i bo leinan i traha e tèmpel ku mi a diseñá.’

Salmo 119:125

Mi ta bo sirbidó, habri mi mente, pa mi siña bo preseptonan.

Salmo 119:144

Bo preseptonan ta bálido pa semper, habri mi mente pa mi biba.

Salmo 119:73

Bo mannan a traha mi i forma mi; habri mi mente pa mi siña bo mandatonan.

Salmo 64:9

tur hende ta yena ku rèspèt i ta konta kon Dios a obra aki; nan ta komprondé ku ta Dios su trabou.

Isaías 1:3

Un bue konosé su doño, un buriku e shon ku ta pone yerba den su pesebre, pero Israel no ke konosé Mi; mi pueblo no tin tinu pa Mi.’

Isaías 28:26

Ta di Dios e ta haña su saber, Dios ku ta siñ'é loke e tin ku hasi.

Isaías 5:12

Na nan fiestanan animá pa siter, arpa, flùit i tamburein, nan ta blo bebe burachi numa sin paga tinu na loke SEÑOR ta hasi, nan no ta weta su obranan.

Daniel 1:17

Dios a duna e kuater hóbennan akí inteligensia, konosementu di tur sorto di literatura i tambe hopi sabiduria. Ademas Daniel tabatin e don pa komprondé tur sorto di vishon i soño.

Lukas 21:15

Pasobra Ami lo duna boso elokuensia i sabiduria di manera ku ningun di boso enemigunan lo no por resistí òf kontradesí boso.

Lukas 24:45

Na e momento ei El a habri nan mente pa nan por a komprondé Skritura

Lukas 9:44

‘Konopá loke Mi ta bai bisa boso den boso orea! Yu di hende lo ta entregá den man di hende.’

Huan 14:26

Pero esun ku lo yuda boso, esta Spiritu Santu ku Tata lo manda den mi nòmber, lo siña boso tur kos i rekordá boso tur loke Ami a bisa boso.

Huan 16:13

Ma ora e Spiritu di bèrdat bini, lo E guia boso na bèrdat kompleto i konta boso tokante kos ku ta bai pasa. Pasobra loke E bisa no ta sali di E mes, ma E ta papia tur loke E tende.

Echonan 7:10

El a salba Jozef di su tribulashon i a dot'é ku sabiduria di moda ku el a agradá fárao, rei di Egipto, ku a hasié lider di su kas i di henter Egipto.

1 Korintionan 12:8

Na esun kreyente Spiritu Santu ta duna un palabra di sabiduria i e mesun Spiritu Santu ta duna un mensahe di konosementu na un otro.

Deuteronomio 32:29

Si nan tabata un tiki sabí, nan lo mester a komprondé kon lo para ku nan.

Deuteronomio 4:39

P'esei rekonosé awe i graba den boso kurason ku SEÑOR so ta Dios, ayariba den shelu i akibou na tera; no tin otro dios.

Filipensenan 4:8

Pa konkluí, rumannan: pensa riba tur loke ta berdadero i noble, hustu i puru, agradabel i honorabel. Si tin kiko ku ta, ku ta bon i ku ta digno di alabansa, pensa riba eseinan.

Kolosensenan 1:9

P'esei fo'i dia nos a tende esei, nos no a stòp di resa pa boso. Nos ta pidi Dios pa yena boso ku tur sabiduria i ku komprondementu spiritual pa asina boso por konosé su boluntat kompletamente.

1 Timoteo 4:15

Praktiká e kosnan akí, dediká bo mes na nan, ya tur hende ta mira ku bo ta progresá.

2 Timoteo 2:6

E kunukero, ku a kansa kurpa, tin derechi di haña e promé parti di kosecha.

2 Timoteo 2:8

Kòrda riba Hesu-Kristu, ku Dios a lanta for di morto i ku ta desendiente di rei David. Esei ta e bon notisia ku mi ta prediká.

Hebreonan 12:3

Meditá riba Esun ku mester a soportá tantu resistensia di pekadó; ya boso lo no kansa ni desanimá.

Hebreonan 13:7

Kòrda riba boso lidernan ku a anunsiá boso e mensahe di Dios. Wak kon nan a biba i kon nan a muri, i tuma un ehèmpel di nan fe.

Hebreonan 3:1

P'esei, rumannan, boso ku ta pertenesé na Dios i ku El a yama pa ta di djE, paga bon tinu na Hesus, Apòstel i Gransaserdote di e fe ku nos ta profesá.

Hebreonan 7:4

Kon importante e tabata, boso por ripará na e echo ku asta patriarka Abraham a dun'é un désimo parti di e botin.

Hakobo 1:5

Si kualke un di boso falta sabiduria, resa pidi Dios i lo E duna bo e, pasobra Dios ta gusta duna tur hende sin límite, sin tira nada na nan kara.

Hakobo 3:15

E tipo di sabiduria ei no ta bini di Dios. E ta pertenesé na mundu; e no ta spiritual i ta bini di demoño.

Hakobo 3:17

Esnan ku tin e sabiduria ku ta bini di Dios, na promé lugá ta hiba un bida puru. Tambe nan ta hende ku ta trese pas, hende amabel, habrí pa tende, yená ku kompashon, sin prehuisio òf hipokresia, i nan ta produsí un kosecha di bon obra.

1 Huan 5:20

Pero nos sa ku Yu di Dios a bini i ku El a duna nos komprondementu pa nos konosé Esun berdadero. Nos ta biba den komunion ku Esun berdadero, pasobra nos ta den komunion ku su Yu, Hesu-Kristu. E ta e Dios berdadero i E ta bida eterno.